Heimahjúkrun á Akureyri – kraftmikill og metnaðarfullur vinnustaður HSN 29. janúar 2024 10:14 Fjölbreyttur hópur starfsfólks vinnur hjá heimahjúkrun HSN á Akureyri sem brennur fyrir málefni heimahjúkrunar og sinnir að jafnaði 350 skjólstæðingum á Akureyri og í nágrenni Akureyrar. Heimahjúkrun á Akureyri er metnaðarfullur vinnustaður staðsettur í hjarta Akureyrar. Þar vinnur fjölbreyttur hópur starfsfólks sem brennur fyrir málefni heimahjúkrunar og sinnir að jafnaði 350 skjólstæðingum á Akureyri og í nágrenni Akureyrar. Heimahjúkrun vinnur í teymum sem eru samsett af hjúkrunarfræðingum og sjúkraliðum auk þess sem iðjuþjálfar og öldrunarsálfræðingur vinna þvert á öll teymin. „Heimahjúkrun er yfirleitt tímabundin þjónusta sem veitt er meðan þörf er á hjúkrun,“ segir Eva Björg Guðmundsdóttir, deildarstjóri heimahjúkrunar Akureyrar hjá Heilbrigðisstofnun Norðurlands. „Gert er ráð fyrir að þjónustan hætti þegar meðferð lýkur, heilsufarsleg vandamál hafa verið leyst eða þeim komið í viðunandi horf og er þá skjólstæðingur útskrifaður.“ Heimahjúkrun felur því hvorki í sér fasta viðveru eða yfirsetu inn á heimilum skjólstæðinga né sinnir hún heimilisstörfum eða útréttingum fyrir þá sem hún þjónar. Þjónusta heimahjúkrunar heyrir undir Heilbrigðisstofnun Norðurlands, eða HSN. Eva Björg segir markmið heimahjúkrunar að gera skjólstæðingum kleift að búa sem lengst á eigin heimili þrátt fyrir veikindi, heilsubrest eða skerta færni. „Það er algengur misskilningur að heimahjúkrun sinni eingöngu eldri skjólstæðingum. Þvert á móti á þjónusta heimahjúkrunar erindi við skjólstæðinga á öllum aldri og á öllum stigum sinna veikinda.“ Í raun má segja að heimahjúkrun verði oft á tíðum miðjan í þjónustu við skjólstæðinga. „Til dæmis eru samskipti við Sjúkrahúsið á Akureyri, heimahlynningu, hjúkrunarheimili, stuðnings/stoðþjónustu og endurhæfingu daglegt brauð og heimahjúkrun sinnir hjúkrun og annarri starfsemi sinni til móts við þessa aðila. Teymisvinna innan heimahjúkrunar kemur þarna sterk inn en mikil áhersla er lögð á öflug, þverfagleg teymi og faglegt starf.“ Þannig séu verkefni heimahjúkrunar líka mjög fjölbreytt en starfsfólk hennar sinnir ekki bara ýmiskonar almennri umönnun og hjúkrun heldur líka mjög sérhæfðri og flókinni. „Þróunin síðustu ár hefur verið sú að sérhæfingin verður alltaf meiri og meiri og því mikil þörf og tækifæri fyrir hjúkrunarfræðinga með fjölbreytta þekkingu og bakgrunn í starfsmannahóp heimahjúkrunar.“ Heimahjúkrun HSN á Akureyri er sólahringsþjónusta, en á öðrum starfsstöðvum HSN er ekki boðið upp á sólahringsþjónustu. Stöðugar nýjungar hafa átt sér stað ár hvert í heimahjúkrun með aukinni þörf á heimahjúkrun að sögn Evu Bjargar. „Við erum stöðugt að horfa fram á veginn og skoða hvernig við getum nýtt velferðartæknina betur og þróað með t.d. háskólasamfélaginu og hvaða velferðartækni er í boði og er verið að þróa. Núna erum við t.d. í samstarfi við meistaranema í Háskólanum í Reykjavík og Háskólanum á Akureyri um þróun velferðartækni.“ Það má því með sanni segja að heimahjúkrun á Akureyri bjóði upp á margbreytilegt starfsumhverfi en fyrir utan teymisvinnu er mikil áhersla á að vinnustaðurinn sé fjölskylduvænn og með sveigjanleika í starfi. „Það er einnig mikið lagt upp úr samskiptum og samvinnu, gleði og jákvæðni. Starfsfólk heimahjúkrunar er þannig samhentur hópur sem býr til gott andrúmsloft og góðan starfsanda í kringum sig.“ Öll áhugasöm eru hvött til að kynna sér þau störf sem eru í boði hjá heimahjúkrun á Akureyri og eiga þannig möguleikann á að bætast í öflugan og skemmtilegan starfsmannahóp. Nánari upplýsingar á vef Heilbrigðisstofnunar Norðurlands. Heilsa Mest lesið Krefja nýjan rektor um að skólinn fari að lögum Viðskipti innlent Svikarar nýti sumarfrí til að blekkja fyrirtæki til að millifæra háar upphæðir Viðskipti innlent Oft slegist um innstungurnar á tjaldsvæðunum Neytendur Ekki flaska á að undirbúa sumarfríið þitt í vinnunni Atvinnulíf Starbucks opnaði á Laugarvegi í dag Viðskipti innlent Ná að spara hver mánaðarmót en hvað svo? Viðskipti innlent Sjónvarpsstöðin Sýn verður í opinni dagskrá Viðskipti innlent EFTA-ríkin gera fríverslunarsamning við Mercusor-ríkin Viðskipti innlent Tillaga Vilhjálms felld með nánast öllum atkvæðum Viðskipti innlent SAS í sókn og kaupir 55 brasilískar vélar Viðskipti erlent Fleiri fréttir F1: The Movie frumsýnd í Egilshöll – sjáðu myndirnar Djúsí maísstönglar frá BBQ kónginum BYKO PLÚS er nýr fríðindaklúbbur fyrir einstaklinga Steinkast og rispur? Ekki lengur vandamál með lakkvarnarfilmu frá Bónsvítunni Tímamótasamningar í íslensku sjónvarpi Topp fimm tólin í verkfærakistuna Yfir 20.000 viðskiptavinir og tíföldun gengis á fimm árum Topplúgan kom á óvart á annars praktískum ferðatrukk Sjá meira
Heimahjúkrun vinnur í teymum sem eru samsett af hjúkrunarfræðingum og sjúkraliðum auk þess sem iðjuþjálfar og öldrunarsálfræðingur vinna þvert á öll teymin. „Heimahjúkrun er yfirleitt tímabundin þjónusta sem veitt er meðan þörf er á hjúkrun,“ segir Eva Björg Guðmundsdóttir, deildarstjóri heimahjúkrunar Akureyrar hjá Heilbrigðisstofnun Norðurlands. „Gert er ráð fyrir að þjónustan hætti þegar meðferð lýkur, heilsufarsleg vandamál hafa verið leyst eða þeim komið í viðunandi horf og er þá skjólstæðingur útskrifaður.“ Heimahjúkrun felur því hvorki í sér fasta viðveru eða yfirsetu inn á heimilum skjólstæðinga né sinnir hún heimilisstörfum eða útréttingum fyrir þá sem hún þjónar. Þjónusta heimahjúkrunar heyrir undir Heilbrigðisstofnun Norðurlands, eða HSN. Eva Björg segir markmið heimahjúkrunar að gera skjólstæðingum kleift að búa sem lengst á eigin heimili þrátt fyrir veikindi, heilsubrest eða skerta færni. „Það er algengur misskilningur að heimahjúkrun sinni eingöngu eldri skjólstæðingum. Þvert á móti á þjónusta heimahjúkrunar erindi við skjólstæðinga á öllum aldri og á öllum stigum sinna veikinda.“ Í raun má segja að heimahjúkrun verði oft á tíðum miðjan í þjónustu við skjólstæðinga. „Til dæmis eru samskipti við Sjúkrahúsið á Akureyri, heimahlynningu, hjúkrunarheimili, stuðnings/stoðþjónustu og endurhæfingu daglegt brauð og heimahjúkrun sinnir hjúkrun og annarri starfsemi sinni til móts við þessa aðila. Teymisvinna innan heimahjúkrunar kemur þarna sterk inn en mikil áhersla er lögð á öflug, þverfagleg teymi og faglegt starf.“ Þannig séu verkefni heimahjúkrunar líka mjög fjölbreytt en starfsfólk hennar sinnir ekki bara ýmiskonar almennri umönnun og hjúkrun heldur líka mjög sérhæfðri og flókinni. „Þróunin síðustu ár hefur verið sú að sérhæfingin verður alltaf meiri og meiri og því mikil þörf og tækifæri fyrir hjúkrunarfræðinga með fjölbreytta þekkingu og bakgrunn í starfsmannahóp heimahjúkrunar.“ Heimahjúkrun HSN á Akureyri er sólahringsþjónusta, en á öðrum starfsstöðvum HSN er ekki boðið upp á sólahringsþjónustu. Stöðugar nýjungar hafa átt sér stað ár hvert í heimahjúkrun með aukinni þörf á heimahjúkrun að sögn Evu Bjargar. „Við erum stöðugt að horfa fram á veginn og skoða hvernig við getum nýtt velferðartæknina betur og þróað með t.d. háskólasamfélaginu og hvaða velferðartækni er í boði og er verið að þróa. Núna erum við t.d. í samstarfi við meistaranema í Háskólanum í Reykjavík og Háskólanum á Akureyri um þróun velferðartækni.“ Það má því með sanni segja að heimahjúkrun á Akureyri bjóði upp á margbreytilegt starfsumhverfi en fyrir utan teymisvinnu er mikil áhersla á að vinnustaðurinn sé fjölskylduvænn og með sveigjanleika í starfi. „Það er einnig mikið lagt upp úr samskiptum og samvinnu, gleði og jákvæðni. Starfsfólk heimahjúkrunar er þannig samhentur hópur sem býr til gott andrúmsloft og góðan starfsanda í kringum sig.“ Öll áhugasöm eru hvött til að kynna sér þau störf sem eru í boði hjá heimahjúkrun á Akureyri og eiga þannig möguleikann á að bætast í öflugan og skemmtilegan starfsmannahóp. Nánari upplýsingar á vef Heilbrigðisstofnunar Norðurlands.
Heilsa Mest lesið Krefja nýjan rektor um að skólinn fari að lögum Viðskipti innlent Svikarar nýti sumarfrí til að blekkja fyrirtæki til að millifæra háar upphæðir Viðskipti innlent Oft slegist um innstungurnar á tjaldsvæðunum Neytendur Ekki flaska á að undirbúa sumarfríið þitt í vinnunni Atvinnulíf Starbucks opnaði á Laugarvegi í dag Viðskipti innlent Ná að spara hver mánaðarmót en hvað svo? Viðskipti innlent Sjónvarpsstöðin Sýn verður í opinni dagskrá Viðskipti innlent EFTA-ríkin gera fríverslunarsamning við Mercusor-ríkin Viðskipti innlent Tillaga Vilhjálms felld með nánast öllum atkvæðum Viðskipti innlent SAS í sókn og kaupir 55 brasilískar vélar Viðskipti erlent Fleiri fréttir F1: The Movie frumsýnd í Egilshöll – sjáðu myndirnar Djúsí maísstönglar frá BBQ kónginum BYKO PLÚS er nýr fríðindaklúbbur fyrir einstaklinga Steinkast og rispur? Ekki lengur vandamál með lakkvarnarfilmu frá Bónsvítunni Tímamótasamningar í íslensku sjónvarpi Topp fimm tólin í verkfærakistuna Yfir 20.000 viðskiptavinir og tíföldun gengis á fimm árum Topplúgan kom á óvart á annars praktískum ferðatrukk Sjá meira