Breiðfylking stéttarfélaga innan Alþýðusambandsins og fulltrúar Samtaka atvinnulífsins funduðu í Karphúsinu í allan dag en fundi var hætt síðdegis og frestað til klukkan ellefu í fyrramálið.
Viðsemjendur hafa verið settir í fjölmiðlabann en að loknum fundi í gær sagði Sigríður Margrét Oddsdóttir, framkvæmdastjóri Samtaka atvinnulífsins, þó að samningsviljinn væri sterkur og að fundað yrði þar til samningar næðust.
Kjarasamningar á almennum vinnumarkaði losnuðu á miðnætti og svokölluð friðarskylda er því úti.
Samninganefndir beggja megin borðsins hafa sagt markmiðið að ná samningum sem stuðli að lækkun verðbólgu og vaxta.
Breiðfylking stéttarfélaga innan Alþýðusambandsins og fulltrúar Samtaka atvinnulífsins komu til fundar hjá ríkissáttasemjara snemma í morgun eftir langan fund í gær. Fundi lauk um klukkan 17.30 í dag og verður haldið áfram klukkan níu á morgun. Það er þriðji fundardagur breiðfylkingarinnar og SA.
