Fótbolti

Skoraði sjö í einum og sama leiknum

Hjörtur Leó Guðjónsson skrifar
Hildur Karítas Gunnarsdóttir gerði sér lítið fyrir og skoraði sjö mörk fyrir Aftureldingu í kvöld.
Hildur Karítas Gunnarsdóttir gerði sér lítið fyrir og skoraði sjö mörk fyrir Aftureldingu í kvöld. UMFA

Knattspyrnukonan Hildur Karítas Gunnarsdóttir gerði sér lítið fyrir og skoraði sjö mörk fyrir Aftureldingu er liðið vann vægast sagt sannfærandi 9-2 sigur gegn Fram í B-deild Lengjubikars kvenna í knattspyrnu í kvöld.

Afturelding átti ekki í miklum vandræðum er liðið tók á móti Fram í fyrstu umferð B-deildar Lengjubikars kvenna í kvöld og Hildur Karítas lék á als oddi fyrir liðið.

Hún gerði sér lítið fyrir og skoraði sjö af níu mörkum liðsins í öruggum sigri, en þær Elfa Sif Hlynsdóttir og Sigrún Eva Sigurðardóttir bættu sínu markinu hvor við.

Hildur Karítas kom Aftureldingu yfir strax á tíundu mínútu leiksins og sjöunda markið skoraði hún þegar um tíu mínútur voru til leiksloka. 

Lengjubikar kvenna Afturelding Fram

Mest lesið


Fleiri fréttir

Sjá meira


×

Mest lesið