Sex­tán ára hand­tekinn fyrir há­ska­akstur eftir eftir­för á hálum ís

Ökumaðurinn jók þvert á móti hraðann til að komast undan og ók á allt að 150 km/klst þar sem hámarkshraði er 60 km/klst, þrátt fyrir mikla hálku á svæðinu. 

„För hans var stöðvuð með því að aka í veg fyrir hann við gott tækifæri og stöðvaði hann áður en til áreksturs kom,“ segir í tilkynningu lögreglu en í ljós kom að ökumaðurinn var aðeins 16 ára gamall og eðli málsins samkvæmt ekki með ökuréttindi.

Í bifreiðinni með honum var 17 ára farþegi sem var heldur ekki með ökuréttindi.

Ökumaðurinn var handtekinn og færður á lögreglustöð enda grunaður um fjölda umferðarbrota. Forráðamaður kom síðan og vitjaði barnsins en lögregla segir mikla mildi að engin slys urðu á fólki.

Nokkrir aðrir ökumenn voru kærðir fyrir of hraðan akstur og þá var einn staðinn að því að nota farsíma án handfrjáls búnaðar. Ein tilkynning barst um umferðarslys þar sem tvær bifreiðar reyndust skemmdar auk vegriðs.

Þá bárust lögreglu einnig tilkynningar vegna einstaklinga í annarlegu ástandi og grunsamlegra mannaferða.