Marka­skorarinn Van Dijk hrósaði ungu strákunum eftir sigurinn

Liverpool var án lykilmanna eins og Mohamed Salah, Diogo Jota sem og markvarðarins Alisson í dag. Á endanum kom það ekki að sök þar sem Van Djk skoraði sigurmarkið og Caoimhin Kelleher átti stórleik í markinu.

„Það eru tilfinningar, það er eitthvað af öllu í gangi. Ég er svo stoltur af strákunum,“ sagði Hollendingurinn í viðtali skömmu eftir að leik lauk.

„Allir ungu strákarnir spiluðu þátt í því sem við afrekuðum í dag. Við viljum meira,“ bætti miðvörðurinn við en leikurinn virtist vera á leið í vítaspyrnukeppni þegar hann tryggði sigurinn.

„Maður á alltaf að njóta góðu augnablikanna og þetta er eitt af þeim. Maður á ekki að taka svona hlutum sem gefnum,“ sagði Van Dijk að endingu áður en hann leyfði sér að fagna með samherjum sínum.