Svefninn mun dýpri og betri með til­komu Neu­bria Sleep

Svefn er ein af grunnreglunum fjórum en nægur svefn er lykillinn að góðri líkamlegri og andlegri heilsu. Svefngæði eru forsenda þess að við náum að sinna daglegum verkefnum og að okkur líði vel í daglegu amstri. Góður svefn gefur líkamanum jafnframt tækifæri til að hvílast og endurnærast sem styrkir ónæmiskerfi okkar og stuðlar að góðri heilsu að viðbættu hollu og fjölbreyttu mataræði ásamt reglulegri hreyfingu.

Svefnleysi getur haft margvísleg áhrif á heilsuna

Langvarandi svefnleysi getur haft margvíslegar afleiðingar á heilsu okkar og líðan. Hormóna framleiðsla fer m.a. úr jafnvægi sem og hormón sem stýra hungri og seddu og förum við því að sækja meira í sykur og einföld kolvetni. Svefnleysi getur einnig valdið orkuleysi og úthaldsleysi ásamt því að auka líkur á meiðslum þar sem svefn tryggir líkamanum m.a. góða hvíld og endurheimt.

Að auki fer ónæmiskerfið að bælast með verri svefngæðum en í kjölfarið erum við líklegri til að sækja í flensur og ýmsa kvilla. Ásamt því getur svefnleysi einnig haft víðtæk áhrif á andlega líðan sem getur komið niður á líðan í daglegu amstri og haft áhrif á einbeitingu, minni og rökhugsun. Án svefns er heilinn jafnframt ófær um að skapa og halda utan um minningar og vinna úr tilfinningum og hugsunum.

„Ég finn fyrir aukinni orku og vellíðan“

Alexsandra Bernaharð, markaðs- og viðskiptastjóri, hefur verið að taka inn vörur frá Neubria með frábærum árangri og deilir hér með okkur sinni reynslu. „Ég hef verið að nota bætiefni frá Neubria núna í að verða ár. Þau sem ég nota daglega eru Mood, Energy og Sleep. Mér finnst algjör snilld að tæma hylkin af Mood og Energy í boozt á morgnana en Sleep tek ég á kvöldin. Hylkin gefa manni ekki bara nauðsynleg vítamín heldur steinefni líka sem geta oft gleymst. Ég finn fyrir aukinni orku og vellíðan og helst orkan stöðug allan daginn. Neubria Sleep hjálpar mér að slaka á eftir langa daga og er svefninn mun dýpri og betri.“

Neubria línan samanstendur af fimm öflugum bætiefnablöndum

Neubria Sleep hefur reynst mörgum vel en blandan inniheldur útvalin náttúrubætiefni sem vinna saman að því að hjálpa líkamanum að ná slökun og sem bestum svefngæðum. Ásamt öflugum jurtum inniheldur Neubria Sleep magnesíum sem lengi hefur verið þekkt fyrir róandi og slakandi eiginleika sína á líkama og sál.

Neubria býður einnig upp á fjórar annars konar tegundir með mismunandi áherslum eins og nöfnin gefa til kynna, Neubria Mood, Focus, Energy og Memory. Blöndurnar eru sérstaklega hannaðar af sérfræðingum í bætiefnum og jurtum með það í huga að efla mótstöðu okkar gegn streitu og álagi. Öll bætiefnin hafa það sameiginlegt að vera náttúruleg og vegan.