Innlent

Þetta eru lykil­at­riðin í nýjum kjara­samningi

Heimir Már Pétursson skrifar
Samningar breiðfylkingarinnar og Samtaka atvinnulfsins ná til mikils meirihluta launafólks á almenna markaðnum og leggja línurnar fyrir aðra samninga.
Samningar breiðfylkingarinnar og Samtaka atvinnulfsins ná til mikils meirihluta launafólks á almenna markaðnum og leggja línurnar fyrir aðra samninga. Vísir/Vilhelm

Nú klukkan fimm hefst undirskrift fulltrúa Starfsgreinasambandsins, Eflingar og Samiðnar við Samtök atvinnulífsins á tímamótasamningi til fjögurra ára. Samningarnir eru merkilegir vegna hóflegra launahækkana og óvenju langs gildistíma sem er fjögur ár.

Samkvæmt samningunum hækka laun árlega að lágmarki um 23.750 krónur og í hlutfalli við það upp launflokka. Almenn launahækkun er 3,25 prósent á þessu ári en 3,5 prósent á næstu þremur árum þar á eftir. Samningarnir eru afturvirkir frá 1. febrúar og aðrar hækkanir koma 1. janúar hvert ár.

Þá verður desemberuppbót á þessu ári 106 þúsund krónur og hækkar um 12 þúsund krónur á samningstímanum. Orlofsuppbót tekur svipuðum breytingum og hækkar um sex þúsund krónur á samningstímanum.

Orlofsdögum fjölgar

Til viðbótar getur komið til greiðslu kauptaxtaauka hækki launavísitala meira en viðmiðunartaxi . Einnig getur komið til framleiðniauka á samningstímanum.

Lágmarks orlof verður 25 dagar hafi starfsmaður unnið í sex mánuði hjá sama fyrirtæki og náð 22 ára aldri. Eftir fimm ár verða orlofsdagarnir 28.

Það ríkti mikil gleði við undirritun samningana enda marka þeir tímamót. Hér má sjá fulltrúa Breiðfylkingarinnar, Villa Birgis, Sólveigu Önnu og Hilmar Harðarson.Vísir/Vilhelm

Samningurinn endurskoðaður reglulega

Einnig náðist fram töluverð lagfæring á kjörum ræstingarfólks, sem oftast skrapar botninn í launum. Það fær tveggja launaflokka hækkun auk 19.500 krónur á mánuði aukalega ofan á aðrar launahækkanir samninga miðað við fullt starf

Í samningunum eru síðan ákveðin forsenduákvæði um þróun verðbólgu og verða samningar endurskoðaðir 1. september á næsta ári og 1. september árið 2026 í því samhengi.

Samningarnir gilda til 31. janúar 2028.

Þessum samningum er beinlínis ætlað að stuðla að minnkun verðbólgu og lækkun vaxta. Ef það nær fram að ganga yrði það ein mesta kjarabót samninganna.

Sigríður Margrét Oddsdóttir, framkvæmdastjóri Samtaka Atvinnulífsins, skrifar undir á meðan aðrir fylgjast með.Vísir/Vilhelm
Sigríður Margrét og Vilhjálmur Birgisson takast hér í hendur þegar búið er að undirrita samninginn.Vísir/Vilhelm
Ríkissáttasemjari var heldur betur í stuði í dag enda ekki á hverjum degi sem skrifað er undir samninga til fjögurra ára.Vísir/Vilhelm

Kjaraviðræður 2023-24 ASÍ Atvinnurekendur Ríkisstjórn Katrínar Jakobsdóttur Sveitarstjórnarmál Verðlag Seðlabankinn Efnahagsmál Kjaramál

Tengdar fréttir

Sjálfstæðismenn vilja ekki frían hádegismat

Borgarráð samþykkti í dag að taka þátt í yfirlýsingu ríkisins og sveitarfélaga við gerð kjarasamninga til fjögurra ára sem felur meðal annars í sér að halda aftur af hækkunum á gjaldskrám þjónustu sem snýr að barnafjölskyldum og tryggja að skólamáltíðir verði gjaldfrjálsar. Borgarráðsfulltrúar Sjálfstæðisflokksins telja gjaldfrjálsar skólamáltíðir ekki góða leið til að tryggja barnafjölskyldum kjarabætur.

Mest lesið


Fleiri fréttir

Sjá meira


×

Mest lesið