„We lost your keys“ Jakob Bjarnar skrifar 14. mars 2024 11:21 James Weston með aukalykilinn sem kom sér heldur betur vel. Fjölskyldan bjóst við að fá bílinn upp að dyrum á Leifsstöð en það varð nú ekki. vísir/vilhelm Ófögrum sögum fer af fyrirtækinu Base Parking sem sér um að leggja bílum og geyma fyrir flugfarþega. James Weston er forstöðumaður á frístundaheimili og hann fékk að finna fyrir óvönduðum vinnubrögðum. „Ég var að koma heim frá Bretlandi fyrir mánuði eftir að hafa verið í jarðarför mömmu minnar. Við nýttum okkur lagningarþjónustu Base Parking á meðan,“ segir James. Og ljóst má vera að hann hefði ef til vill betur leitað annarra leiða. „Við vorum látin bíða í Leifstöð í um klukkutíma eftir lendinguna rétt fyrir miðnætti og fengum engar upplýsingar frá fyrirtækinu um afhendingu bílsins þrátt fyrir ótal tilraunir að ná sambandi við þá. Þá fáum við loks SMS frá Base parking þar sem stendur eingöngu: we lost your keys“! Vísir hefur gert nokkrar tilraunir til að ná í eiganda fyrirtækisins, sem er Ómar Þröstur Hjaltason, en án árangurs. Raunir James voru rétt að hefjast. Enginn bíll við Leifsstöð „Ég reyni að hringja en þau svöruðu ekki,“ segir James en hann hefur heyrt að þetta gerist mjög oft – margir hafi slíka sögu að segja í samskiptum við Base Parking. Að þessu komst hann síðar. „Fyrirtækið gerði enga tilraun til að koma okkur heim eða hafa frekara samband. Þegar hér er komið sögu vorum við á vellinum eftir klukkan eitt eftir miðnætti með tvö börn, annað grátandi af þreytu. Sem betur fer var konan mín óvænt með aukalykil og bílinn okkar með staðsetningartæki.“ James hafði verið svo forsjáll að taka mynd af númeri bílsins sem sá var á sem sótti lyklana af bíl þeirra. Það kom á daginn að eigandi þess bíls var einnig fórnarlamb ósvífinna viðskiptahátta.vísir/vilhelm James lagði því af stað, labbandi um miðja nótt í leit að bílnum þeirra til að koma þeim heim eftir afar erfiða ferð. Meðan fjölskylda hans beið á vellinum. James hringdi á skrifstofuna strax næsta dag og náði tali af eigandanum Ómari. „Hann sagði þetta mjög leiðinlegt og að ég muni fá endurgreitt. Það gerðist ekki og frekari samskipti einkennast af hunsun, frestun og loforðum sem eru ekki efnd.“ Búið að keyra bílinn aukalega 300 kílómetra Nú verður einkennileg vending í sögunni: James hafði verið svo forsjáll að taka mynd af númeri bílsins sem ferjaði þann sem tók við lyklum bíls hans á skammtímastæðið við Leifsstöð. Þar sem lyklinum af bílnum var ekki skilað fletti James upp í ökutækjaskrá í von um að finna einhver svör. Ómar er eigandi Base Parking en Vísi hefur ekki tekist að ná í hann til að fá skýringar á þessum atvikum sem rakin eru í þessari frétt. „Þá kemur í ljós að eigandi bílsins sem sótti lyklana okkar býr tveimur húsum frá okkur.“ Þau hjónin ákveða að banka þar uppá og hitta þar fyrir önnur hjón sem höfðu sögu að segja, af hraksmánarlegum samskiptum við Base Parking. Björn Júlíusson er sem sagt eigandi bílsins og hann hafði nýtt sér þjónustu Base Parking. Þegar hann fékk bílinn í hendur við heimkomu eftir ferð út fyrir landsteina var búið að keyra hann 300 kílómetra. „Hann var olíulaus. Ég rétt komst niður í Keflavík til að fylla á hann áður en ég lagði af stað í Reykjavík.“ Björn sótti málið og rukkaði en segir eftir á að hyggja það hafa verið alltof lága upphæð. Ómar hafi borgað en óskað eftir því að skipta þeirri smáupphæð í þrennt. Þá hafi Birni verið öllum lokið. „Ég veit ekki hvað gengur þarna á. Þeir auglýsa sig sem fyrirtæki sem ætlar að geyma bíla, hvort þeir leigja þá áfram út sér til tekjuöflunar eða bara noti þá meðan bílarnir eru í þeirra umsjá, það er spurning?“ Björn segir að það hafi verið eitt og annað dót í bílnum þegar hann fékk hann, meðal annars lyklar að öðrum bíl. En það voru því miður ekki lyklarnir að bíl James. Reynt að berja niður gagnrýni á samfélagsmiðlum „Ég fékk síðast skilaboð frá eiganda Base Parking 19. feb um að það væri líklegast búið að finna lykilinn en ég hef ekkert heyrt eftir það. Þar stendur líka að það sé búið að endurgreiða okkur en það er ekki heldur búið að gerast,“ segir James. Hann telur eitthvað bogið við þessa starfsemi og hann grunar að fleiri séu í svipaðri stöðu og þau hjónin. „Reyndar hef ég séð tilraunir eigandans að þagga niður neikvæða umræðu um fyrirtækið á samfélagsmiðlum,“ segir James sem vonar að saga sín geti orðið til að fólk vari sig á slíkum viðskiptaháttum og hér er lýst. Fréttir af flugi Bílar Neytendur Ferðalög Keflavíkurflugvöllur Bílastæði Tengdar fréttir Bílastæðaþjónusta sektuð eftir kvartanir Isavia Neytendastofa hefur lagt 250 þúsund króna stjórnvaldssekt á Base Capital ehf. vegna markaðssetningar fyrirtækisins við Flugstöð Leifs Eiríkssonar. 31. janúar 2019 10:07 Áfellisdómur yfir framkomu Isavia við ferðaþjónustuna Nýleg skýrsla Samkeppniseftirlitsins um starfshætti Isavia á Keflavíkurflugvelli er vægast sagt þungur áfellisdómur. Isavia brýtur aftur og aftur gegn samkeppnislögum og hagar sér eins og handrukkari gagnvart þeim fjölmörgum fyrirtækjum sem eru með starfsemi á Keflavíkurflugvelli og í Flugstöð Leifs Eiríkssonar. 13. janúar 2022 08:01 Mest lesið Læknir í Kópavogi blekkti fjölskyldu sína með lygasögu um krabbamein Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Kallar þjóðaröryggisráð saman Innlent Fyrrum meðferðarheimili sett á sölu Innlent Sultuslakir strandaglópar eftir heilsuferð til Split Innlent Tugir drengja fastir í rústum skóla sem hrundi til grunna Erlent Hættir sem þingflokksformaður Innlent Fjöldauppsagnir á Keflavíkurflugvelli Innlent Ná ekki að leika árangur Wagner eftir Erlent Fleiri fréttir Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign Sjá meira
„Ég var að koma heim frá Bretlandi fyrir mánuði eftir að hafa verið í jarðarför mömmu minnar. Við nýttum okkur lagningarþjónustu Base Parking á meðan,“ segir James. Og ljóst má vera að hann hefði ef til vill betur leitað annarra leiða. „Við vorum látin bíða í Leifstöð í um klukkutíma eftir lendinguna rétt fyrir miðnætti og fengum engar upplýsingar frá fyrirtækinu um afhendingu bílsins þrátt fyrir ótal tilraunir að ná sambandi við þá. Þá fáum við loks SMS frá Base parking þar sem stendur eingöngu: we lost your keys“! Vísir hefur gert nokkrar tilraunir til að ná í eiganda fyrirtækisins, sem er Ómar Þröstur Hjaltason, en án árangurs. Raunir James voru rétt að hefjast. Enginn bíll við Leifsstöð „Ég reyni að hringja en þau svöruðu ekki,“ segir James en hann hefur heyrt að þetta gerist mjög oft – margir hafi slíka sögu að segja í samskiptum við Base Parking. Að þessu komst hann síðar. „Fyrirtækið gerði enga tilraun til að koma okkur heim eða hafa frekara samband. Þegar hér er komið sögu vorum við á vellinum eftir klukkan eitt eftir miðnætti með tvö börn, annað grátandi af þreytu. Sem betur fer var konan mín óvænt með aukalykil og bílinn okkar með staðsetningartæki.“ James hafði verið svo forsjáll að taka mynd af númeri bílsins sem sá var á sem sótti lyklana af bíl þeirra. Það kom á daginn að eigandi þess bíls var einnig fórnarlamb ósvífinna viðskiptahátta.vísir/vilhelm James lagði því af stað, labbandi um miðja nótt í leit að bílnum þeirra til að koma þeim heim eftir afar erfiða ferð. Meðan fjölskylda hans beið á vellinum. James hringdi á skrifstofuna strax næsta dag og náði tali af eigandanum Ómari. „Hann sagði þetta mjög leiðinlegt og að ég muni fá endurgreitt. Það gerðist ekki og frekari samskipti einkennast af hunsun, frestun og loforðum sem eru ekki efnd.“ Búið að keyra bílinn aukalega 300 kílómetra Nú verður einkennileg vending í sögunni: James hafði verið svo forsjáll að taka mynd af númeri bílsins sem ferjaði þann sem tók við lyklum bíls hans á skammtímastæðið við Leifsstöð. Þar sem lyklinum af bílnum var ekki skilað fletti James upp í ökutækjaskrá í von um að finna einhver svör. Ómar er eigandi Base Parking en Vísi hefur ekki tekist að ná í hann til að fá skýringar á þessum atvikum sem rakin eru í þessari frétt. „Þá kemur í ljós að eigandi bílsins sem sótti lyklana okkar býr tveimur húsum frá okkur.“ Þau hjónin ákveða að banka þar uppá og hitta þar fyrir önnur hjón sem höfðu sögu að segja, af hraksmánarlegum samskiptum við Base Parking. Björn Júlíusson er sem sagt eigandi bílsins og hann hafði nýtt sér þjónustu Base Parking. Þegar hann fékk bílinn í hendur við heimkomu eftir ferð út fyrir landsteina var búið að keyra hann 300 kílómetra. „Hann var olíulaus. Ég rétt komst niður í Keflavík til að fylla á hann áður en ég lagði af stað í Reykjavík.“ Björn sótti málið og rukkaði en segir eftir á að hyggja það hafa verið alltof lága upphæð. Ómar hafi borgað en óskað eftir því að skipta þeirri smáupphæð í þrennt. Þá hafi Birni verið öllum lokið. „Ég veit ekki hvað gengur þarna á. Þeir auglýsa sig sem fyrirtæki sem ætlar að geyma bíla, hvort þeir leigja þá áfram út sér til tekjuöflunar eða bara noti þá meðan bílarnir eru í þeirra umsjá, það er spurning?“ Björn segir að það hafi verið eitt og annað dót í bílnum þegar hann fékk hann, meðal annars lyklar að öðrum bíl. En það voru því miður ekki lyklarnir að bíl James. Reynt að berja niður gagnrýni á samfélagsmiðlum „Ég fékk síðast skilaboð frá eiganda Base Parking 19. feb um að það væri líklegast búið að finna lykilinn en ég hef ekkert heyrt eftir það. Þar stendur líka að það sé búið að endurgreiða okkur en það er ekki heldur búið að gerast,“ segir James. Hann telur eitthvað bogið við þessa starfsemi og hann grunar að fleiri séu í svipaðri stöðu og þau hjónin. „Reyndar hef ég séð tilraunir eigandans að þagga niður neikvæða umræðu um fyrirtækið á samfélagsmiðlum,“ segir James sem vonar að saga sín geti orðið til að fólk vari sig á slíkum viðskiptaháttum og hér er lýst.
Fréttir af flugi Bílar Neytendur Ferðalög Keflavíkurflugvöllur Bílastæði Tengdar fréttir Bílastæðaþjónusta sektuð eftir kvartanir Isavia Neytendastofa hefur lagt 250 þúsund króna stjórnvaldssekt á Base Capital ehf. vegna markaðssetningar fyrirtækisins við Flugstöð Leifs Eiríkssonar. 31. janúar 2019 10:07 Áfellisdómur yfir framkomu Isavia við ferðaþjónustuna Nýleg skýrsla Samkeppniseftirlitsins um starfshætti Isavia á Keflavíkurflugvelli er vægast sagt þungur áfellisdómur. Isavia brýtur aftur og aftur gegn samkeppnislögum og hagar sér eins og handrukkari gagnvart þeim fjölmörgum fyrirtækjum sem eru með starfsemi á Keflavíkurflugvelli og í Flugstöð Leifs Eiríkssonar. 13. janúar 2022 08:01 Mest lesið Læknir í Kópavogi blekkti fjölskyldu sína með lygasögu um krabbamein Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Kallar þjóðaröryggisráð saman Innlent Fyrrum meðferðarheimili sett á sölu Innlent Sultuslakir strandaglópar eftir heilsuferð til Split Innlent Tugir drengja fastir í rústum skóla sem hrundi til grunna Erlent Hættir sem þingflokksformaður Innlent Fjöldauppsagnir á Keflavíkurflugvelli Innlent Ná ekki að leika árangur Wagner eftir Erlent Fleiri fréttir Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign Sjá meira
Bílastæðaþjónusta sektuð eftir kvartanir Isavia Neytendastofa hefur lagt 250 þúsund króna stjórnvaldssekt á Base Capital ehf. vegna markaðssetningar fyrirtækisins við Flugstöð Leifs Eiríkssonar. 31. janúar 2019 10:07
Áfellisdómur yfir framkomu Isavia við ferðaþjónustuna Nýleg skýrsla Samkeppniseftirlitsins um starfshætti Isavia á Keflavíkurflugvelli er vægast sagt þungur áfellisdómur. Isavia brýtur aftur og aftur gegn samkeppnislögum og hagar sér eins og handrukkari gagnvart þeim fjölmörgum fyrirtækjum sem eru með starfsemi á Keflavíkurflugvelli og í Flugstöð Leifs Eiríkssonar. 13. janúar 2022 08:01