Sætu sænsku vörurnar sem farnar eru á flug um allan heim

Á undanförnum árum hefur merkið sem var stofnað árið 2015, unnið í því að auka úrvalið af góðum förðunarvörum sem eru í senn fallegar og góðar fyrir húðina ásamt því að vera góðar fyrir umhverfið.

Er augnháraserumið sem þú notar með skaðlegum aukaefnum?

Sweed snyrtivörumerkið hefur frá stofnun einsett sér að öll innihaldsefni sem eru í vörunum séu án allra aukaefna sem hafa mögulega einhver skaðleg áhrif. 

Þess vegna inniheldur augnháraserumið frá Sweed ekki prostaglandin sem getur mögulega valdið ertingu, ofnæmisviðbrögðum, fituleysi í kringum augun og litabreytingum. Serumið má því nota á meðgöngu og með barn á brjósti.

Nýja varan sem allir hafa beðið eftir

Sweed var einnig loks að setja á markað farða sem hefur verið beðið eftir með óþreyju. Farðinn er léttur, með ljósendurkastandi áhrifum og litaleiðréttandi litarefnum sem gefa einstaka áferð. Hann er jafnt frábær húðvara sem förðunarvara og gefur náttúrulegt útlit ásamt góðum raka og verndar húðina gegn umhverfisáhrifum.

Farðinn er vegan og cruelty free eins og allar vörur frá Sweed. Einnig er hann olíulaus, án allra parabena og EDTA-laus.

Sweed vörurnar fást í snyrtivöruversluninni Eliru

Verslunin Elira flutti sig fyrir stuttu úr Smáralindinni og í stærra og bjartara húsnæði sem staðsett er á Hallgerðargötu, Kirkjusandi. Verslunin leggur áherslu á ráðgjöf og góða þjónustu. 

„Úrvalið af húð- og snyrtivörum er mikið í dag og aðgengi að allskonar upplýsingum ótæmandi. Því er mikilvægt að geta fengið faglega ráðgjöf um innihald og rétta notkun húð- og förðunarvara. Hér í Eliru vinna eingöngu lærðir snyrtifræðingar og förðunarfræðingar og við bjóðum einungis upp á hágæða snyrtivörur og förðunarvörur ásamt persónulegri þjónustu,“ segir Rakel Ósk Guðbjartsdóttir, eigandi Eliru.

Verslunin selur einnig húðvörur stjarnanna á borð við Augustinus Bader og Dr. Barbara Sturm.