Nýr ráðherra þurfti ekki að hugsa sig tvisvar um Kolbeinn Tumi Daðason skrifar 9. apríl 2024 14:48 Bjarkey Olsen Gunnarsdóttir, þingmaður Vinstri grænna. vísir/vilhelm Bjarkey Olsen Gunnarsdóttir, verðandi matvælaráðherra, þurfti ekki að hugsa sig lengi um þegar boðið kom um að taka við matvælaráðuneytinu. Hún þekki vel til málaflokksins og hokin af reynslu. Breytingar á ráðherraskipan í ríkisstjórn undir forystu Bjarna Benediktssonar var kynnt á blaðamannafundi formanna Vinstri grænna, Framsóknarflokksins og Sjálfstæðisflokksins í Hörpu klukkan 14. Bjarni Benediktsson fer úr utanríkisráðuneytinu í forsætisráðuneytið, Sigurður Ingi Jóhannsson úr innviðaráðuneytinu í fjármálaráðuneytið og Svandís Svavarsdóttir úr matvælaráðuneytinu í innviðaráðuneytið. Þórdís Kolbrún Reykfjörð fer aftur í utanríkisráðuneytið eftir hálft ár í fjármálaráðuneytinu. Bjarkey kemur svo inn í matvælaráðuneytið fyrir Svandísi. Rúmur áratugur á þingi Bjarkey segir Guðmund Inga hafa komið að máli við sig rétt fyrir þingflokksfund á ellefta tímanum í morgun og borið upp þetta erindi við sig. Hún hafi ekki þurft að hugsa sig lengi um. „Nei, ég þurfti ekkert að gera það. Ég hef setið lengi á þingi og hef talsverða reynslu,“ segir Bjarkey sem hefur setið í atvinnuveganefnd en víkur þaðan við þessi ráðherraskipti enda ekki hefð fyrir því að ráðherrar sitji í nefndum þingsins. Hún segir mikilvægt fyrir Vinstri græn að fá matvælaráðuneytið og hún ætli að halda áfram með þau góðu mál sem hafi verið unnin af Svandísi. „Þetta er stórt ráðuneyti með sjávarútveg, land og skóg undir. Það er mikilvægt að vel sé hlúð að þessum málaflokkum.“ Ekkert gefið með samstarf Hún segir alls ekki hafa verið gefið að flokkarnir héldu áfram samstarfi sínu. Kæmust að samkomulagi þar um. „Nei nei, það er aldrei neitt gefið í pólitíkinni eins og þú veist. En það var alltaf einhugur um að leggja af stað í þetta áfram,“ segir Bjarkey. Klára verkefnið sem hófst í raun fyrir sjö árum þegar flokkarnir þrír mynduðu ríkisstjórn sem endurnýjaði umboð sitt fyrir þremur árum. Hún segir engan málaflokk brenna á henni umfram annan í matvælaráðuneytinu. Hún þurfi að kynna sér það þegar hún mæti þangað. Þar sé að líkindum meira undir en fólk geri sér grein fyrir. Þá vill hún ekki tjá sig sérstaklega um umdeild mál sem heyra undir ráðuneytið að svo stöddu, svo sem hvalveiðar. Alla hrókeringar í ríkisstjórn eru komnar til af brotthvarfi Katrínar Jakobsdóttur úr stól forsætisráðherra en Katrín gefur kost á sér til forseta Íslands. Bjarkey líst mjög vel á framboðið. „Mjög vel - mín kona!“ Flutti ung norður Bjarkey er fædd í Reykjavík í febrúar 1965, dóttir Gunnars Hilmars Ásgeirssonar vélstjóra og Klöru Björnsdóttur matráðs. Hún er Siglfirðingur en hefur verið búsett á Ólafsfirði frá sextán ára aldri. Hún er gift Helga Jóhannssyni þjónustustjóra og á þrjú börn komin í fullorðinna manna tölu. Bjarkey var í oddvitaáskoruninni á Vísi árið 2021. Nánar um feril Bjarkeyjar að neðan upp úr ágripi á vef Alþingis. B.Ed.-próf KHÍ 2005 með áherslu á upplýsingatækni og samfélagsgreinar. Diplóma í náms- og starfsráðgjöf HÍ 2008. Almannatryggingafulltrúi og gjaldkeri á sýsluskrifstofu Ólafsfjarðar 1988–1991. Stýrði daglegum rekstri og skrifstofuhaldi Vélsmiðju Ólafsfjarðar 1989–2005. Rak Íslensk tónbönd 1994–1999. Leiðbeinandi við Barnaskóla Ólafsfjarðar 2000–2005. Hefur stundað veitingarekstur síðan 2005. Kennari og náms- og starfsráðgjafi við Grunnskóla Ólafsfjarðar 2005–2008. Sat í nemendaverndarráði skólans 2008–2012. Náms- og starfsráðgjafi í Menntaskólanum á Tröllaskaga og brautarstjóri starfsbrautar 2011–2013. Bæjarfulltrúi í Ólafsfirði 2006–2013. Formaður svæðisfélags VG í Ólafsfirði 2003–2009. Varaformaður VG í Norðausturkjördæmi 2003, formaður 2005–2008, gjaldkeri 2008–2013. Formaður sveitarstjórnarráðs VG 2010–2013. Í stjórn VG frá 2009. Alþingismaður Norðausturkjördæmis síðan 2013 (Vinstrihreyfingin – grænt framboð). Varaþingmaður Norðausturkjördæmis nóvember 2004, mars–apríl 2006, maí–júní, júlí–ágúst 2009, apríl 2011, mars og nóvember 2012 og mars 2013 (Vinstrihreyfingin – grænt framboð). Formaður þingflokks Vinstrihreyfingarinnar – græns framboðs 2017–2021. Fjárlaganefnd 2013–2019, 2020–2021 og 2021–2023 (formaður 2021–2023), allsherjar- og menntamálanefnd 2014–2016 og 2019–2021, atvinnuveganefnd 2020 og 2021–, utanríkismálanefnd 2020, kjörbréfanefnd 2017, þingskapanefnd 2019–2021, velferðarnefnd 2023– (formaður 2023–). Íslandsdeild þingmannanefnda EFTA og EES 2017–2021 og 2021–, þingmannanefnd Íslands og ESB 2018–2021 og 2022–. Vinstri græn Ríkisstjórn Bjarna Benediktssonar Alþingi Mest lesið Sagður hafa tæmt sjóði flokksins og rekur nýja stjórn úr húsnæðinu Innlent Greindi þátt almennings og fjölmiðla í máli „strokufangans“ Innlent Halla forseti blandar sér í götuljósaumræðuna Innlent Þúsundir syrgja í Tehran og Trump segir æðstaklerkinn ljúga Erlent Mikill viðbúnaður vegna eftirfarar á Sæbraut Innlent Reiða fram rúma milljón fyrir Jakub Innlent Allt að sautján stiga hiti í dag Veður Málið rannsakað sem tilraun til manndráps Innlent Telja Múmínlundinn klárt brot á höfundarétti Innlent Tilraun langtímakjarasamninga hafi mistekist Innlent Fleiri fréttir Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Ánægja með gjaldfrjálsar skólamáltíðir en fjármögnunin áskorun Verðbólga eykst og Alþingi í óvissu Gerðu úttekt á skrifstofu Ríkissáttasemjara Stærsti árgangur sögunnar fer í framhaldsskóla: „Það verður þétt setið í skólastofunni“ Flakk á fylginu og brunamótamatið vanáætlað Lögregla varar við „Nígeríubréfum“ og öðrum netglæpum Veita engar upplýsingar um tilboðið í Háholt Sjá meira
Breytingar á ráðherraskipan í ríkisstjórn undir forystu Bjarna Benediktssonar var kynnt á blaðamannafundi formanna Vinstri grænna, Framsóknarflokksins og Sjálfstæðisflokksins í Hörpu klukkan 14. Bjarni Benediktsson fer úr utanríkisráðuneytinu í forsætisráðuneytið, Sigurður Ingi Jóhannsson úr innviðaráðuneytinu í fjármálaráðuneytið og Svandís Svavarsdóttir úr matvælaráðuneytinu í innviðaráðuneytið. Þórdís Kolbrún Reykfjörð fer aftur í utanríkisráðuneytið eftir hálft ár í fjármálaráðuneytinu. Bjarkey kemur svo inn í matvælaráðuneytið fyrir Svandísi. Rúmur áratugur á þingi Bjarkey segir Guðmund Inga hafa komið að máli við sig rétt fyrir þingflokksfund á ellefta tímanum í morgun og borið upp þetta erindi við sig. Hún hafi ekki þurft að hugsa sig lengi um. „Nei, ég þurfti ekkert að gera það. Ég hef setið lengi á þingi og hef talsverða reynslu,“ segir Bjarkey sem hefur setið í atvinnuveganefnd en víkur þaðan við þessi ráðherraskipti enda ekki hefð fyrir því að ráðherrar sitji í nefndum þingsins. Hún segir mikilvægt fyrir Vinstri græn að fá matvælaráðuneytið og hún ætli að halda áfram með þau góðu mál sem hafi verið unnin af Svandísi. „Þetta er stórt ráðuneyti með sjávarútveg, land og skóg undir. Það er mikilvægt að vel sé hlúð að þessum málaflokkum.“ Ekkert gefið með samstarf Hún segir alls ekki hafa verið gefið að flokkarnir héldu áfram samstarfi sínu. Kæmust að samkomulagi þar um. „Nei nei, það er aldrei neitt gefið í pólitíkinni eins og þú veist. En það var alltaf einhugur um að leggja af stað í þetta áfram,“ segir Bjarkey. Klára verkefnið sem hófst í raun fyrir sjö árum þegar flokkarnir þrír mynduðu ríkisstjórn sem endurnýjaði umboð sitt fyrir þremur árum. Hún segir engan málaflokk brenna á henni umfram annan í matvælaráðuneytinu. Hún þurfi að kynna sér það þegar hún mæti þangað. Þar sé að líkindum meira undir en fólk geri sér grein fyrir. Þá vill hún ekki tjá sig sérstaklega um umdeild mál sem heyra undir ráðuneytið að svo stöddu, svo sem hvalveiðar. Alla hrókeringar í ríkisstjórn eru komnar til af brotthvarfi Katrínar Jakobsdóttur úr stól forsætisráðherra en Katrín gefur kost á sér til forseta Íslands. Bjarkey líst mjög vel á framboðið. „Mjög vel - mín kona!“ Flutti ung norður Bjarkey er fædd í Reykjavík í febrúar 1965, dóttir Gunnars Hilmars Ásgeirssonar vélstjóra og Klöru Björnsdóttur matráðs. Hún er Siglfirðingur en hefur verið búsett á Ólafsfirði frá sextán ára aldri. Hún er gift Helga Jóhannssyni þjónustustjóra og á þrjú börn komin í fullorðinna manna tölu. Bjarkey var í oddvitaáskoruninni á Vísi árið 2021. Nánar um feril Bjarkeyjar að neðan upp úr ágripi á vef Alþingis. B.Ed.-próf KHÍ 2005 með áherslu á upplýsingatækni og samfélagsgreinar. Diplóma í náms- og starfsráðgjöf HÍ 2008. Almannatryggingafulltrúi og gjaldkeri á sýsluskrifstofu Ólafsfjarðar 1988–1991. Stýrði daglegum rekstri og skrifstofuhaldi Vélsmiðju Ólafsfjarðar 1989–2005. Rak Íslensk tónbönd 1994–1999. Leiðbeinandi við Barnaskóla Ólafsfjarðar 2000–2005. Hefur stundað veitingarekstur síðan 2005. Kennari og náms- og starfsráðgjafi við Grunnskóla Ólafsfjarðar 2005–2008. Sat í nemendaverndarráði skólans 2008–2012. Náms- og starfsráðgjafi í Menntaskólanum á Tröllaskaga og brautarstjóri starfsbrautar 2011–2013. Bæjarfulltrúi í Ólafsfirði 2006–2013. Formaður svæðisfélags VG í Ólafsfirði 2003–2009. Varaformaður VG í Norðausturkjördæmi 2003, formaður 2005–2008, gjaldkeri 2008–2013. Formaður sveitarstjórnarráðs VG 2010–2013. Í stjórn VG frá 2009. Alþingismaður Norðausturkjördæmis síðan 2013 (Vinstrihreyfingin – grænt framboð). Varaþingmaður Norðausturkjördæmis nóvember 2004, mars–apríl 2006, maí–júní, júlí–ágúst 2009, apríl 2011, mars og nóvember 2012 og mars 2013 (Vinstrihreyfingin – grænt framboð). Formaður þingflokks Vinstrihreyfingarinnar – græns framboðs 2017–2021. Fjárlaganefnd 2013–2019, 2020–2021 og 2021–2023 (formaður 2021–2023), allsherjar- og menntamálanefnd 2014–2016 og 2019–2021, atvinnuveganefnd 2020 og 2021–, utanríkismálanefnd 2020, kjörbréfanefnd 2017, þingskapanefnd 2019–2021, velferðarnefnd 2023– (formaður 2023–). Íslandsdeild þingmannanefnda EFTA og EES 2017–2021 og 2021–, þingmannanefnd Íslands og ESB 2018–2021 og 2022–.
Vinstri græn Ríkisstjórn Bjarna Benediktssonar Alþingi Mest lesið Sagður hafa tæmt sjóði flokksins og rekur nýja stjórn úr húsnæðinu Innlent Greindi þátt almennings og fjölmiðla í máli „strokufangans“ Innlent Halla forseti blandar sér í götuljósaumræðuna Innlent Þúsundir syrgja í Tehran og Trump segir æðstaklerkinn ljúga Erlent Mikill viðbúnaður vegna eftirfarar á Sæbraut Innlent Reiða fram rúma milljón fyrir Jakub Innlent Allt að sautján stiga hiti í dag Veður Málið rannsakað sem tilraun til manndráps Innlent Telja Múmínlundinn klárt brot á höfundarétti Innlent Tilraun langtímakjarasamninga hafi mistekist Innlent Fleiri fréttir Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Ánægja með gjaldfrjálsar skólamáltíðir en fjármögnunin áskorun Verðbólga eykst og Alþingi í óvissu Gerðu úttekt á skrifstofu Ríkissáttasemjara Stærsti árgangur sögunnar fer í framhaldsskóla: „Það verður þétt setið í skólastofunni“ Flakk á fylginu og brunamótamatið vanáætlað Lögregla varar við „Nígeríubréfum“ og öðrum netglæpum Veita engar upplýsingar um tilboðið í Háholt Sjá meira