Kefla­vík og Aftur­eldingu spáð sigri í Lengjudeildunum

Því er spáð í Lengjudeild karla að Keflavík vinni deildina og fljúgi upp. Aftureldingu er svo spáð öðru sæti en Mosfellingar voru nálægt því að komast upp síðasta sumar.

Það er aftur á móti spáð þungu sumri á Dalvík sem og í neðra Breiðholti.

Kvennamegin er því spáð að Afturelding vinni deildina og því útlit fyrir skemmtilegt fótboltasumar hjá báðum liðum félagsins.

Að sama skapi stefnir í þungt sumar hjá liðum ÍR því kvennaliði félagsins er spáð neðsta sæti.

Lengjudeild karla hefst á morgun með leik Grindavíkur og Fjölnis en Lengjudeild kvenna hefst á sunnudag með tveimur leikjum.