Bayern hafði augastað á að vinna tvöfalt en liðið hafði áður tryggt sér þýska meistaratitilinn. Ekkert varð þó úr þeim draumi en Wolfsburg, sem varð í 2. sæti deildarinnar, hefur haft heljartök á bikarnum síðasta áratuginn.
Lokatölur leiksins urðu 2-0 Wolfburg í hag en Sveindís, sem er að stíga upp úr meiðslum, kom inn á á 69. mínútu og hjálpaði til við að sigla sigrinum heim. Glódís lék allan leikinn í vörn Bayern.
Þær stöllur voru báðar í viðtölum eftir leik en brot af því besta úr leiknum ásamt viðtölunum má sjá í klippunni hér fyrir neðan.
