„Ég myndi aldrei gera honum eitt eða neitt“ Jón Þór Stefánsson skrifar 26. júní 2024 11:13 Karlmaður fannst látinn í fjölbýlishúsi við Bátavog 1-7 laugardagskvöldið 23. september á síðasta ári. Vísir/Vilhelm „Hundurinn minn er dáinn. Ég hef ekkert að gera en að vera leiðinleg við þig [...] þangað til þú ákveður að bæta ráð þitt,“ heyrist Dagbjört Rúnarsdóttir, sem er grunuð um að hafa orðið tæplega sextugum karlmanni að bana í Bátavogi í september síðastliðinum, segja við manninn skömmu áður en hann lést. Þessi ummæli voru á meðal þess sem kom fram í bútum í tæplega tveggja og hálfs klukkutíma myndbandi sem voru spilaðir við aðalmeðferð málsins í dag. Í myndbandinu má heyra manninn öskra ítrekað. Í eitt skiptið svarar hún með því að segja „hættu að öskra, hættu að öskra fíflið þitt.“ Jafnframt heyrist hann spyrja hvort hún vilji ekki ná í hníf og stinga hann í hjartað. Dagbjört, sem er 43 ára, hefur setið í varðhaldi frá því að málið kom upp. Henni er gefið að sök að hafa beitt manninn margþættu ofbeldi á heimili hennar í Bátavogi í aðdraganda andláts hans dagana tvo á undan í september í fyrra. Samkvæmt endanlegri niðurstöðu úr réttarkrufningu lést maðurinn af völdum köfnunar, og þá hafði innvortisblæðing spillandi áhrif á súrefnisnæringu til heilans sem var til þess fallið að stuðla enn frekar að köfnuninni. Fyrir dómi sagðist hún ekki hafa ráðist á manninn, en í myndbandinu sést hann í mjög slæmu ásigkomulagi. Þegar hún var spurð út í ummæli þar sem hún kallar hann öllum illum nöfnum, sem hún heyrist láta falla í myndbandinu, þá segir hún að um bull hafi verið að ræða, þau hafi verið orðljót hvort við annað. Ekki gagnkvæmur skilningur á sambandinu Dagbjört var spurð út í samband sitt við manninn. Þau hafi verið vinir um margra ára skeið, en einungis vinir. Hún var spurð út í að hann hafi kallað hana kærustuna sína, hún sagði hann bara hafa kallað sig það. Það hafi ekki verið gagnkvæmur skilningur á þeim skilningi hans á sambandi þeirra. Þá hafi vinir og fjölskyldumeðlimir hennar verið hneykslaðir á því að hún væri í sambandi við manninn og hissa á því að hún talaðist við hann. Sjálf sagðist hún spyrja sig að því hvers vegna hún hafi leyft honum að vera hjá sér. Dró í land með að maðurinn bæri ábyrgð á dauða hundsins Þegar áðurnefnt myndband var tekið upp virtist Dagbjört sannfærð um að maðurinn ætti þátt í dauða hunds hennar, en fyrir dómi í dag sagði hún það ekki vera svo. Hundurinn hafi verið orðinn þrettán ára gamall og líklega dáið vegna hás aldurs. Hundurinn fannst dauður á vettvangi málsins. Dagbjört sagðist hafa verið í áfalli vegna þess dagana sem málið varðar. Í myndbandinu heyrist hún kalla hann dýraníðing, sakar hann um að hafa drepið hundinn hennar. Þá segir hún „nóg til af því fólki sem hati fólk eins og hann.“ Jafnframt heyrist hún tala um í myndbandinu að hann væri öfundsjúkur þar sem hún hefði farið niður í bæ með vinum hennar. Sagði hann hafa dottið ítrekað dagana á undan Fyrir dómi sagði Dagbjört að maðurinn hefði dottið ítrekað dagana á undan, og hann hafi verið með áverka vegna þess. Hún gaf til kynna að andlátið hafi borið að vegna þess. Hann hafi verið veiklulegur í aðdraganda andlátsins. Mánuðina fyrir andlátið hafi hann verið orðinn mjög slappur og dagana fyrir hafi hann neitað að borða en heimtað áfengi og vatn. Aðspurð um hvort hún hafi verið að hugsa um manninn sagði Dagbjört alltaf hafa verið mjög góð við hann, eldað fyrir hann og farið með honum í göngutúra. Myndi aldrei gera honum neitt Fyrir dómi vísaði Dagbjört ítrekað í lögregluskýrslur og gögn málsins. Dómarinn virtist furða sig á því að hún vildi ekki skýra framburð sinn betur, og spurði hana nánar út í ýmis atriði málsins og fékk þau svör að hún hefði verið að verja sig fyrir manninum. Hún hafi ekki beitt hann ofbeldi. Hún hafi þó mögulega slegið hann utan undir, en gerði lítið úr því. „Ég myndi aldrei gera honum eitt eða neitt,“ sagði hún. Mannslát til rannsóknar í Bátavogi Dómsmál Reykjavík Mest lesið „Hér er ekki ódýr orka í neinum alþjóðlegum samanburði“ Innlent Læknir nýtti sér sjúkraskrár til að afla viðskiptavina Innlent „Kennarar eiga ekki að vera í einhverjum lögguhlutverki“ Innlent Bandaríska utanríkisráðuneytið tjáir sig ekki um undirróðursherferð Erlent Gunnfaxi ekki á safnið nema annar þristur fáist á sandinn Innlent Setti byssukúlu í póstkassa: „Næsta kemur ekki í umslagi“ Innlent Stefnir Hödd vegna ásökunar um nauðgun Innlent Lögreglan vill ná tali af þremur mönnum Innlent Kjördæmapot og pólitískar sveiflur megi ekki ráða för Innlent Vinstribeygja inn á Bústaðaveg gæti heyrt sögunni til Innlent Fleiri fréttir „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Sjá meira
Þessi ummæli voru á meðal þess sem kom fram í bútum í tæplega tveggja og hálfs klukkutíma myndbandi sem voru spilaðir við aðalmeðferð málsins í dag. Í myndbandinu má heyra manninn öskra ítrekað. Í eitt skiptið svarar hún með því að segja „hættu að öskra, hættu að öskra fíflið þitt.“ Jafnframt heyrist hann spyrja hvort hún vilji ekki ná í hníf og stinga hann í hjartað. Dagbjört, sem er 43 ára, hefur setið í varðhaldi frá því að málið kom upp. Henni er gefið að sök að hafa beitt manninn margþættu ofbeldi á heimili hennar í Bátavogi í aðdraganda andláts hans dagana tvo á undan í september í fyrra. Samkvæmt endanlegri niðurstöðu úr réttarkrufningu lést maðurinn af völdum köfnunar, og þá hafði innvortisblæðing spillandi áhrif á súrefnisnæringu til heilans sem var til þess fallið að stuðla enn frekar að köfnuninni. Fyrir dómi sagðist hún ekki hafa ráðist á manninn, en í myndbandinu sést hann í mjög slæmu ásigkomulagi. Þegar hún var spurð út í ummæli þar sem hún kallar hann öllum illum nöfnum, sem hún heyrist láta falla í myndbandinu, þá segir hún að um bull hafi verið að ræða, þau hafi verið orðljót hvort við annað. Ekki gagnkvæmur skilningur á sambandinu Dagbjört var spurð út í samband sitt við manninn. Þau hafi verið vinir um margra ára skeið, en einungis vinir. Hún var spurð út í að hann hafi kallað hana kærustuna sína, hún sagði hann bara hafa kallað sig það. Það hafi ekki verið gagnkvæmur skilningur á þeim skilningi hans á sambandi þeirra. Þá hafi vinir og fjölskyldumeðlimir hennar verið hneykslaðir á því að hún væri í sambandi við manninn og hissa á því að hún talaðist við hann. Sjálf sagðist hún spyrja sig að því hvers vegna hún hafi leyft honum að vera hjá sér. Dró í land með að maðurinn bæri ábyrgð á dauða hundsins Þegar áðurnefnt myndband var tekið upp virtist Dagbjört sannfærð um að maðurinn ætti þátt í dauða hunds hennar, en fyrir dómi í dag sagði hún það ekki vera svo. Hundurinn hafi verið orðinn þrettán ára gamall og líklega dáið vegna hás aldurs. Hundurinn fannst dauður á vettvangi málsins. Dagbjört sagðist hafa verið í áfalli vegna þess dagana sem málið varðar. Í myndbandinu heyrist hún kalla hann dýraníðing, sakar hann um að hafa drepið hundinn hennar. Þá segir hún „nóg til af því fólki sem hati fólk eins og hann.“ Jafnframt heyrist hún tala um í myndbandinu að hann væri öfundsjúkur þar sem hún hefði farið niður í bæ með vinum hennar. Sagði hann hafa dottið ítrekað dagana á undan Fyrir dómi sagði Dagbjört að maðurinn hefði dottið ítrekað dagana á undan, og hann hafi verið með áverka vegna þess. Hún gaf til kynna að andlátið hafi borið að vegna þess. Hann hafi verið veiklulegur í aðdraganda andlátsins. Mánuðina fyrir andlátið hafi hann verið orðinn mjög slappur og dagana fyrir hafi hann neitað að borða en heimtað áfengi og vatn. Aðspurð um hvort hún hafi verið að hugsa um manninn sagði Dagbjört alltaf hafa verið mjög góð við hann, eldað fyrir hann og farið með honum í göngutúra. Myndi aldrei gera honum neitt Fyrir dómi vísaði Dagbjört ítrekað í lögregluskýrslur og gögn málsins. Dómarinn virtist furða sig á því að hún vildi ekki skýra framburð sinn betur, og spurði hana nánar út í ýmis atriði málsins og fékk þau svör að hún hefði verið að verja sig fyrir manninum. Hún hafi ekki beitt hann ofbeldi. Hún hafi þó mögulega slegið hann utan undir, en gerði lítið úr því. „Ég myndi aldrei gera honum eitt eða neitt,“ sagði hún.
Mannslát til rannsóknar í Bátavogi Dómsmál Reykjavík Mest lesið „Hér er ekki ódýr orka í neinum alþjóðlegum samanburði“ Innlent Læknir nýtti sér sjúkraskrár til að afla viðskiptavina Innlent „Kennarar eiga ekki að vera í einhverjum lögguhlutverki“ Innlent Bandaríska utanríkisráðuneytið tjáir sig ekki um undirróðursherferð Erlent Gunnfaxi ekki á safnið nema annar þristur fáist á sandinn Innlent Setti byssukúlu í póstkassa: „Næsta kemur ekki í umslagi“ Innlent Stefnir Hödd vegna ásökunar um nauðgun Innlent Lögreglan vill ná tali af þremur mönnum Innlent Kjördæmapot og pólitískar sveiflur megi ekki ráða för Innlent Vinstribeygja inn á Bústaðaveg gæti heyrt sögunni til Innlent Fleiri fréttir „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Sjá meira