Landssamtökin Þroskahjálp, Duchenne Samtökin á Íslandi, Réttur barna á flótta og Einstök börn hafa boðað til samstöðufundar með Yazan Tamimi, ellefu ára palestínskum dreng með hrörnunarsjúkdóm sem vísa á úr landi.
Í fréttatilkynningu frá skipuleggjendum segir að brottvísun geti haft afgerandi áhrif á heilsu Yazans. Kærunefnd útlendinga neitaði Yazani endanlega um vernd hér á landi fyrr í mánuðinum.
Fundurinn fer fram í dag klukkan tvö á Austurvelli. Hátt í átta hundruð manns hafa sýnt viðburðinum áhuga á Facebook. Fluttar verða ræður og tónlistaratriði.
Ellefu ára palestínskum dreng með hrörnunarsjúkdóm verður vísað úr landi eftir að Kærunefnd útlendinga vísaði máli hans frá og neitaði honum endanlega um vernd hér á landi. Boðað hefur verið til mótmæla á sunnudag vegna þessa.
Algjör óvissa er enn í máli tólf ára palestínsks drengs, með hrörnunarsjúkdóm, sem senda á úr landi. Tæpar þrjár vikur eru síðan stoðdeild ríkislögreglustjóra heimsótti drenginn og foreldra hans til að undirbúa brottflutning en óskað hefur verið eftir endurupptöku málsins.
