Heldur sýningu um vítakeppnir: Angistin, alsælan og sagan hans Southgate Ingvi Þór Sæmundsson skrifar 13. júlí 2024 09:00 Listamaðurinn Guðmundur Einar. Fyrir aftan hann rignir upp í nefið á Andreas Möller eftir að hann tryggði Þýskalandi sigur á Englandi í vítaspyrnukeppni í undanúrslitum á EM 1996. vísir/einar Guðmundur Einar er svo hugfanginn af vítaspyrnukeppnum að hann ákvað að halda myndlistarsýningu tileinkaða þeim. Örlög Gareths Southgate, landsliðsþjálfara Englands, eru listamanninum sérstaklega hugleikin. Spánn og England eigast við í úrslitaleik Evrópumótsins í Þýskalandi annað kvöld. Þar gæti Guðmundur Einar fengið hráefni í fleiri verk svipuð þeim sem eru til sýnis á myndlistarsýningunni VÍTI. Þar setur Guðmundur Einar fram sína útgáfu af mörgum af þekktustu augnablikum vítakeppna fótboltasögunnar. Á sýningunni á Núllinu í Bankastræti - sem var opnuð á miðvikudaginn og stendur fram á sunnudag - koma ýmsar þekktar persónur úr vítaspyrnukeppnum stórmóta í gegnum tíðina við sögu, meðal annars Roberto Baggio, Stuart Pearce, Claudio Taffarel, Bukayo Saka og auðvitað Southgate, maðurinn sem klúðraði sinni spyrnu í vítakeppni Englands og Þýskalands á EM 1996 og var þjálfari enska landsliðsins sem tapaði fyrir Ítalíu í vítakeppni í úrslitaleik EM fyrir þremur árum. Við hverja mynd á sýningunni VÍTI er textabrot. Með því að skanna QR-kóðann er svo hægt að bjóða í myndirnar.vísir/einar Vítakeppnir eru stórmerkilegt fyrirbæri og eitthvað sem Guðmundur Einar hefur heillast að allt frá því hann sá úrslitaleik heimsmeistaramótsins 1994 í Bandaríkjunum ráðast á vítapunktinum. Baggio, heilaga taglið, Taffarel og allt það. „Mér finnst vítaspyrnukeppnir ótrúlegt fyrirbæri. Þetta er það næsta sem kemst hringleikahúsi í nútímanum,“ sagði Guðmundur Einar í samtali við Vísi. Þarna stíga ungir menn fram fyrir allt að einn og hálfan milljarð áhorfenda og eru hetjur eða skúrkar. Þessi frægustu klúður í vítakeppnum eru algjörlega brennd í sálir þjóðanna. Það er enginn Englendingur sem man ekki eftir að Southgate hafi klúðrað 1996 og klúður Baggios 1994 er fast í sameiginlegu minni ítölsku þjóðarinnar. Þetta er þjóðartráma. Og það er þessi stærð augnabliksins í þessari rússnesku rúllettu fótboltans sem heillar Guðmund Einar. „Mér finnast tilfinningarnar sem skapast þarna, hvernig tíminn frýs í pressu, þögnin og andrúmsloftið á vellinum, stórkostleg augnablik. Þess vegna byrjaði ég að skoða þessar myndir, horfa á vítakeppnir og svo byrjaði ég bara að teikna og mála eitt augnablik.“ Líður eins og hann hafi verið á staðnum Fyrsta myndin sem Guðmundur Einar gerði var af markvörðunum Taffarel og Gianluca Pagliuca fyrir vítakeppni Brasilíu og Ítalíu á HM 1994. Hún endaði sem frægt er með skoti Baggios, mannsins sem dró Ítali í úrslitaleikinn, yfir markið. Það var svo önnur myndin sem Guðmundur Einar málaði. Myndin af Claudio Taffarel og Gianluca Pagliuca. „Ég sá hana bara og heillaðist af henni,“ sagði Guðmundur Einar um fyrirmyndina.vísir/einar „Ég er mjög heillaður af þessari 1994 keppni. Ég var bara sjö ára og maður hefur séð þetta svo oft að manni líður eins og maður hafi verið þarna,“ sagði Guðmundur Einar. Hann segir Baggio-myndina, þar sem maðurinn taglið er með hendur á mjöðmum meðan Taffarel ákallar æðri máttarvöld, vera í uppáhaldi hjá honum. Allur tilfinningaskalinn kemur saman í myndinni af Taffarel og Roberto Baggio frá úrslitaleik HM 1994.vísir/einar „Hún var sú fyrsta sem ég málaði með vatnslitum. Það var sérstakt augnablik þegar mér fannst þetta virka,“ sagði Guðmundur Einar og lýsir svo vinnunni við verkin. „Þetta eru stafræn málverk, þar sem ég finn einhverja mynd eða skjáskot af augnablikum úr vítakeppnum. Stafræna teikningin er gríðarlega mikið handverk. Fólk gæti alveg haldið að þetta sé einhver grafísk vinnsla en hver einasta stafræna stroka er gerð í höndunum. Síðan prenta ég myndirnar á bómullarpappír og vatnslita svo yfir. Bæði finnst mér það fallegt og ýta undir tilfinninguna í þessu, sem er að skoða mörk hins íkoníska og efnislega. Ég reyni að má út skilin á milli raunveruleika, ímyndunar og minningar,“ sagði Guðmundur Einar. Með víti á heilanum Talið berst svo að Southgate og sögu hans sem hefur ekki enn tekið enda. „Svo er ein tragedía sem er enn að spilast út og við vitum ekki hvort endar sem harmleikur eða með uppreisn æru. Ég er með mynd af félögum hann þegar hann klúðraði vítinu sem Þjóðverjum og aðra þar sem hann faðmar Saka eftir að hann klikkaði 25 árum síðar,“ sagði Guðmundur Einar. Stefán Pálsson virðir fyrir sér mynd af viðbrögðum leikmanna enska landsliðsins eftir að Gareth Southgate brást bogalistin á vítapunktinum í undanúrslitum EM 1996.vísir/einar Sem landsliðsþjálfari Englands er Southgate í öðru hlutverki, að velja hvaða ungu menn eigi að stíga á punktinn og gætu því mögulega hlotið sömu örlög og hann sjálfur. Hann hefur unnið tvær vítakeppnir á stórmótum sem landsliðsþjálfari, gegn Kólumbíu 2018 og Sviss 2024, en flestir muna eflaust best eftir tapinu gegn Ítalíu 2021. Þar voru Saka, Marcus Rashford og Jadon Sancho í sömu stöðu og Southgate. Skúrkarnir. „Hann virðist hafa verið að hugsa um vítaspyrnur og vítakeppnir frá 1996 og velta þessu fyrir sér. Eru þetta veikir einstaklingar sem klúðra? Hafa þeir styrkinn inn í sér? Eða er þetta tæknileg geta?“ sagði Guðmundur Einar. „Hann fær svo möguleikann á endurlausn gegn Ítalíu 2021. Hann valdi þá þrjár tæknilega bestu vítaskytturnar og þeir klúðruðu allir. Þá missti hann af þessu tækifæri til uppreisnar æru. Hann er farsælasti landsliðsþjálfari Englands síðan 1966 en sagan hans er samt algjör harmsaga út af því vítakeppnirnar hafa spilast.“ Skrifað í skýin Eins og Guðmundur Einar segir er sögu Southgates ekki lokið. Englendingar eru nefnilega komnir aftur í úrslit EM þar sem þeir mæta Spánverjum. Og væri það ekki eftir öllu að úrslitin réðust á vítapunktinum og Southgate myndi loks slökkva VÍTISlogann? Allt er þegar þrennt er og svona. Og það væri viðeigandi þar sem síðasti sýningardagur VÍTIS er á sunnudaginn, sama dag og úrslitaleikur EM fer fram. „And Psycho screaming.“ Guðmundur Einar vonast til að Southgate fái svipaða uppreisn æru og Stuart Pearce fékk gegn Spáni á EM 1996.vísir/einar „Hann gæti endað söguna sína sem hetja, akkúrat sama dag og sýningunni lýkur. Mér finnst það skrifað í skýin að þeir vinni úrslitaleikinn í vítakeppni,“ sagði Guðmundur Einar að endingu. Hægt er að bjóða í myndirnar sem eru til sýnis á VÍTI með því að smella hér. EM 2024 í Þýskalandi Myndlist Mest lesið Leik lokið: Ísland - Frakkland 114 - 74 | Afleitur endir á EM Körfubolti Uppgjörið: Ísland - Færeyjar 1-2 | Íslendingar í gjafastuði Fótbolti Styðja þrettán ára strák sem var kýldur af pabba mótherja Fótbolti Skandall í NBA: Borguðu honum milljarða fyrir að gera ekki neitt Körfubolti „Jesús breytti vatni í vín en ég kann það ekki“ Körfubolti Einkunnir á móti Frakklandi: Engin orka og engin trú Körfubolti Í beinni: Breiðablik - FH | Toppslagur í Smáranum Íslenski boltinn „Heilinn var að öskra á mig og líkaminn svaraði ekki“ Körfubolti Heimir leggur allt undir: „Núna er tíminn til að standa sig“ Fótbolti Hafþór Júlíus með augun á nýju heimsmeti Sport Fleiri fréttir Óvænt tap Þýskalands og Belgía skoraði sex Sameiginlegt lið Grindavíkur og Njarðvíkur upp í Bestu eftir ótrúlegan sigur Uppgjör: Víkingur - Valur 3-2 | Víkingur náði í dýrmæt stig í fallbarátunni Ólafur Ingi: „Sjálfum okkur verstir“ Í beinni: Breiðablik - FH | Toppslagur í Smáranum Levy hættur hjá Tottenham eftir 25 ár í starfi Í beinni: Tindastóll - Fram | Mikilvægur fallslagur á Króknum Uppgjörið: Ísland - Færeyjar 1-2 | Íslendingar í gjafastuði Valsmenn semja við einn markahæsta leikmanninn í Lengjunni Arnar og Hákon sátu fyrir svörum Mættust í fótboltagolfi fyrir stórleik kvöldsins Fundu efnið sem felldi fótboltastelpurnar í öllu gúmmíi á gervigrasi Isak í fjölmiðlafeluleik Mo Salah var ekki skemmt vegna færslu um fyrrum félaga Guðjohnsen bræður berjast um sömu stöðu en gætu spilað saman Setti nýtt heimsmet í Liverpool treyjum Heimir leggur allt undir: „Núna er tíminn til að standa sig“ Styðja þrettán ára strák sem var kýldur af pabba mótherja Blindraþraut fyrir risaleik: „Þetta er svo vandræðalegt“ Chiesa og Tel ekki valdir í Meistaradeild en Dowman gæti slegið met Sædís kom að dýrmætu marki „Lítum á þennan leik sem leik sem við verðum að vinna“ Freyr ósáttur við Bodø/Glimt og sakar þá um hroka Leikir U-21 árs strákanna í opinni dagskrá á Sýn Sport HM-hetja hvarf eftir að hafa fengið sér kaffi Tárvotur Antony: Rosalega erfitt að vera hjá Man United Eiginkona Gunnhildar Yrsu kvaddi með tárin í augunum Gummi Ben reiður: „Hvað í andskotanum er að hjá Stjörnunni?“ Liverpool eyddi meira en öll sádi-arabíska deildin til samans Gagnrýna meðferðina á Gylfa Sig: „Mér finnst þetta vera óskiljanlegt“ Sjá meira
Spánn og England eigast við í úrslitaleik Evrópumótsins í Þýskalandi annað kvöld. Þar gæti Guðmundur Einar fengið hráefni í fleiri verk svipuð þeim sem eru til sýnis á myndlistarsýningunni VÍTI. Þar setur Guðmundur Einar fram sína útgáfu af mörgum af þekktustu augnablikum vítakeppna fótboltasögunnar. Á sýningunni á Núllinu í Bankastræti - sem var opnuð á miðvikudaginn og stendur fram á sunnudag - koma ýmsar þekktar persónur úr vítaspyrnukeppnum stórmóta í gegnum tíðina við sögu, meðal annars Roberto Baggio, Stuart Pearce, Claudio Taffarel, Bukayo Saka og auðvitað Southgate, maðurinn sem klúðraði sinni spyrnu í vítakeppni Englands og Þýskalands á EM 1996 og var þjálfari enska landsliðsins sem tapaði fyrir Ítalíu í vítakeppni í úrslitaleik EM fyrir þremur árum. Við hverja mynd á sýningunni VÍTI er textabrot. Með því að skanna QR-kóðann er svo hægt að bjóða í myndirnar.vísir/einar Vítakeppnir eru stórmerkilegt fyrirbæri og eitthvað sem Guðmundur Einar hefur heillast að allt frá því hann sá úrslitaleik heimsmeistaramótsins 1994 í Bandaríkjunum ráðast á vítapunktinum. Baggio, heilaga taglið, Taffarel og allt það. „Mér finnst vítaspyrnukeppnir ótrúlegt fyrirbæri. Þetta er það næsta sem kemst hringleikahúsi í nútímanum,“ sagði Guðmundur Einar í samtali við Vísi. Þarna stíga ungir menn fram fyrir allt að einn og hálfan milljarð áhorfenda og eru hetjur eða skúrkar. Þessi frægustu klúður í vítakeppnum eru algjörlega brennd í sálir þjóðanna. Það er enginn Englendingur sem man ekki eftir að Southgate hafi klúðrað 1996 og klúður Baggios 1994 er fast í sameiginlegu minni ítölsku þjóðarinnar. Þetta er þjóðartráma. Og það er þessi stærð augnabliksins í þessari rússnesku rúllettu fótboltans sem heillar Guðmund Einar. „Mér finnast tilfinningarnar sem skapast þarna, hvernig tíminn frýs í pressu, þögnin og andrúmsloftið á vellinum, stórkostleg augnablik. Þess vegna byrjaði ég að skoða þessar myndir, horfa á vítakeppnir og svo byrjaði ég bara að teikna og mála eitt augnablik.“ Líður eins og hann hafi verið á staðnum Fyrsta myndin sem Guðmundur Einar gerði var af markvörðunum Taffarel og Gianluca Pagliuca fyrir vítakeppni Brasilíu og Ítalíu á HM 1994. Hún endaði sem frægt er með skoti Baggios, mannsins sem dró Ítali í úrslitaleikinn, yfir markið. Það var svo önnur myndin sem Guðmundur Einar málaði. Myndin af Claudio Taffarel og Gianluca Pagliuca. „Ég sá hana bara og heillaðist af henni,“ sagði Guðmundur Einar um fyrirmyndina.vísir/einar „Ég er mjög heillaður af þessari 1994 keppni. Ég var bara sjö ára og maður hefur séð þetta svo oft að manni líður eins og maður hafi verið þarna,“ sagði Guðmundur Einar. Hann segir Baggio-myndina, þar sem maðurinn taglið er með hendur á mjöðmum meðan Taffarel ákallar æðri máttarvöld, vera í uppáhaldi hjá honum. Allur tilfinningaskalinn kemur saman í myndinni af Taffarel og Roberto Baggio frá úrslitaleik HM 1994.vísir/einar „Hún var sú fyrsta sem ég málaði með vatnslitum. Það var sérstakt augnablik þegar mér fannst þetta virka,“ sagði Guðmundur Einar og lýsir svo vinnunni við verkin. „Þetta eru stafræn málverk, þar sem ég finn einhverja mynd eða skjáskot af augnablikum úr vítakeppnum. Stafræna teikningin er gríðarlega mikið handverk. Fólk gæti alveg haldið að þetta sé einhver grafísk vinnsla en hver einasta stafræna stroka er gerð í höndunum. Síðan prenta ég myndirnar á bómullarpappír og vatnslita svo yfir. Bæði finnst mér það fallegt og ýta undir tilfinninguna í þessu, sem er að skoða mörk hins íkoníska og efnislega. Ég reyni að má út skilin á milli raunveruleika, ímyndunar og minningar,“ sagði Guðmundur Einar. Með víti á heilanum Talið berst svo að Southgate og sögu hans sem hefur ekki enn tekið enda. „Svo er ein tragedía sem er enn að spilast út og við vitum ekki hvort endar sem harmleikur eða með uppreisn æru. Ég er með mynd af félögum hann þegar hann klúðraði vítinu sem Þjóðverjum og aðra þar sem hann faðmar Saka eftir að hann klikkaði 25 árum síðar,“ sagði Guðmundur Einar. Stefán Pálsson virðir fyrir sér mynd af viðbrögðum leikmanna enska landsliðsins eftir að Gareth Southgate brást bogalistin á vítapunktinum í undanúrslitum EM 1996.vísir/einar Sem landsliðsþjálfari Englands er Southgate í öðru hlutverki, að velja hvaða ungu menn eigi að stíga á punktinn og gætu því mögulega hlotið sömu örlög og hann sjálfur. Hann hefur unnið tvær vítakeppnir á stórmótum sem landsliðsþjálfari, gegn Kólumbíu 2018 og Sviss 2024, en flestir muna eflaust best eftir tapinu gegn Ítalíu 2021. Þar voru Saka, Marcus Rashford og Jadon Sancho í sömu stöðu og Southgate. Skúrkarnir. „Hann virðist hafa verið að hugsa um vítaspyrnur og vítakeppnir frá 1996 og velta þessu fyrir sér. Eru þetta veikir einstaklingar sem klúðra? Hafa þeir styrkinn inn í sér? Eða er þetta tæknileg geta?“ sagði Guðmundur Einar. „Hann fær svo möguleikann á endurlausn gegn Ítalíu 2021. Hann valdi þá þrjár tæknilega bestu vítaskytturnar og þeir klúðruðu allir. Þá missti hann af þessu tækifæri til uppreisnar æru. Hann er farsælasti landsliðsþjálfari Englands síðan 1966 en sagan hans er samt algjör harmsaga út af því vítakeppnirnar hafa spilast.“ Skrifað í skýin Eins og Guðmundur Einar segir er sögu Southgates ekki lokið. Englendingar eru nefnilega komnir aftur í úrslit EM þar sem þeir mæta Spánverjum. Og væri það ekki eftir öllu að úrslitin réðust á vítapunktinum og Southgate myndi loks slökkva VÍTISlogann? Allt er þegar þrennt er og svona. Og það væri viðeigandi þar sem síðasti sýningardagur VÍTIS er á sunnudaginn, sama dag og úrslitaleikur EM fer fram. „And Psycho screaming.“ Guðmundur Einar vonast til að Southgate fái svipaða uppreisn æru og Stuart Pearce fékk gegn Spáni á EM 1996.vísir/einar „Hann gæti endað söguna sína sem hetja, akkúrat sama dag og sýningunni lýkur. Mér finnst það skrifað í skýin að þeir vinni úrslitaleikinn í vítakeppni,“ sagði Guðmundur Einar að endingu. Hægt er að bjóða í myndirnar sem eru til sýnis á VÍTI með því að smella hér.
EM 2024 í Þýskalandi Myndlist Mest lesið Leik lokið: Ísland - Frakkland 114 - 74 | Afleitur endir á EM Körfubolti Uppgjörið: Ísland - Færeyjar 1-2 | Íslendingar í gjafastuði Fótbolti Styðja þrettán ára strák sem var kýldur af pabba mótherja Fótbolti Skandall í NBA: Borguðu honum milljarða fyrir að gera ekki neitt Körfubolti „Jesús breytti vatni í vín en ég kann það ekki“ Körfubolti Einkunnir á móti Frakklandi: Engin orka og engin trú Körfubolti Í beinni: Breiðablik - FH | Toppslagur í Smáranum Íslenski boltinn „Heilinn var að öskra á mig og líkaminn svaraði ekki“ Körfubolti Heimir leggur allt undir: „Núna er tíminn til að standa sig“ Fótbolti Hafþór Júlíus með augun á nýju heimsmeti Sport Fleiri fréttir Óvænt tap Þýskalands og Belgía skoraði sex Sameiginlegt lið Grindavíkur og Njarðvíkur upp í Bestu eftir ótrúlegan sigur Uppgjör: Víkingur - Valur 3-2 | Víkingur náði í dýrmæt stig í fallbarátunni Ólafur Ingi: „Sjálfum okkur verstir“ Í beinni: Breiðablik - FH | Toppslagur í Smáranum Levy hættur hjá Tottenham eftir 25 ár í starfi Í beinni: Tindastóll - Fram | Mikilvægur fallslagur á Króknum Uppgjörið: Ísland - Færeyjar 1-2 | Íslendingar í gjafastuði Valsmenn semja við einn markahæsta leikmanninn í Lengjunni Arnar og Hákon sátu fyrir svörum Mættust í fótboltagolfi fyrir stórleik kvöldsins Fundu efnið sem felldi fótboltastelpurnar í öllu gúmmíi á gervigrasi Isak í fjölmiðlafeluleik Mo Salah var ekki skemmt vegna færslu um fyrrum félaga Guðjohnsen bræður berjast um sömu stöðu en gætu spilað saman Setti nýtt heimsmet í Liverpool treyjum Heimir leggur allt undir: „Núna er tíminn til að standa sig“ Styðja þrettán ára strák sem var kýldur af pabba mótherja Blindraþraut fyrir risaleik: „Þetta er svo vandræðalegt“ Chiesa og Tel ekki valdir í Meistaradeild en Dowman gæti slegið met Sædís kom að dýrmætu marki „Lítum á þennan leik sem leik sem við verðum að vinna“ Freyr ósáttur við Bodø/Glimt og sakar þá um hroka Leikir U-21 árs strákanna í opinni dagskrá á Sýn Sport HM-hetja hvarf eftir að hafa fengið sér kaffi Tárvotur Antony: Rosalega erfitt að vera hjá Man United Eiginkona Gunnhildar Yrsu kvaddi með tárin í augunum Gummi Ben reiður: „Hvað í andskotanum er að hjá Stjörnunni?“ Liverpool eyddi meira en öll sádi-arabíska deildin til samans Gagnrýna meðferðina á Gylfa Sig: „Mér finnst þetta vera óskiljanlegt“ Sjá meira