Eftir rólega byrjun á tímabilinu hefur Þrótturum vaxið ásmegin að undanförnu. Í síðustu sex leikjum hafa þeir náð í fjórtán stig og eru í 6. sæti deildarinnar með tuttugu stig.
Þróttarar voru nálægt því að vinna leikinn í Laugardalnum í kvöld og fengu góð tækifæri til þess. Kostiantyn Iaroshenko átti meðal annars skot í slá Fjölnismarksins snemma leiks og Vilhjálmur Kaldal Sigurðsson skallaði í stöngina í seinni hálfleik.
Fjölnir, sem hefur gert tvö jafntefli í röð, er enn á toppi deildarinnar, nú sjö stigum á undan ÍBV og Njarðvík.
Upplýsingar um úrslit og gang mála eru fengnar frá Fótbolta.net.
