Fótbolti

Marokkó á­fram í undan­úr­slit eftir stór­sigur gegn Banda­ríkjunum

Ágúst Orri Arnarson skrifar
Hakimi setti þriðja mark Marokkómanna.
Hakimi setti þriðja mark Marokkómanna. Marc Atkins/Getty Images

Knattspyrnulandslið Marokkó er komið áfram í undanúrslit Ólympíuleikanna eftir afar öruggan 4-0 sigur gegn Bandaríkjunum.

Soufiane Rahimi opnaði markareikning Marokkómanna af vítapunktinum á 29. mínútu.

Þar við sat í hálfleik en mörkin hrúguðust inn í þeim seinni. Ilias Akhomach setti annað markið á 63. mínútu, það þriðja var svo smíði Achraf Hakimi á 70. mínútu og El Mehdi Maouhoub setti smiðshöggið á fyrstu mínútu uppbótartíma, aftur var það af vítapunktinum.

Marokkó varð þar með fyrsta liðið til að tryggja sig áfram í undanúrslit. Þar munu þeir mæta annað hvort Spáni eða Japan en leikur þeirra hófst klukkan 15:00.

Ólympíuleikar 2024 í París Fótbolti

Mest lesið


Fleiri fréttir

Sjá meira


×

Mest lesið