ÍBR sækir um vottun á Reykjavíkurmaraþoninu sem er að seljast upp Ágúst Orri Arnarson skrifar 8. ágúst 2024 11:51 Reykjavíkurmaraþonið fagnar 40 ára afmæli í ár. Vísir / Hulda Margrét Íþróttabandalag Reykjavíkur (ÍBR) hefur sent inn umsókn, eftir að umsóknarfrestur rann út, um vottun Frjálsíþróttasambands Íslands (FRÍ) á hálfu og heilu maraþoni í Reykjavíkurmaraþoninu sem fer fram þann 24. ágúst. Nær uppselt er í báðar keppnir. Þrátt fyrir að umsóknin hafi borist of seint verður hún tekin til afgreiðslu. Það staðfestir Friðleifur Friðleifsson, formaður langhlaupanefndar, með færslu í Facebook-hópinn Hlauparar á Íslandi. Engin umsókn barst um vottun á hlaupum í öðrum vegalengdum. „Frjálsíþróttasambandið mun taka þessa umsókn til afgreiðslu en áréttar að framkvæmdaraðilar eiga að skila inn umsókn vegna vottunar með a.m.k. 4. vikna fyrirvara. Hvað sem því líður þá mun verða unnið hratt í þágu hlaupara svo að þeir fá sinn árangur í hálfu og heilu maraþoni viðurkenndann,“ skrifar Friðleifur á Facebook. Facebook-færsla Friðleifs í heild sinni.skjáskot / Hlauparar á Íslandi Málið hefur verið til umræðu í allt sumar, og lengur aftur í tímann jafnvel, en aðilar voru ósammála um hvað ágreiningurinn snerist. ÍBR sagðist ekki vilja fylgja kröfum um sjálfkrafa skráningu í afrekaskrá FRÍ, því það bryti gegn persónuverndarlögum um upplýst samþykki. FRÍ sagði ÍBR ekki vilja greiða 150 króna gjaldið sem sett er á hvern þátttakanda sem kemur í mark og fær tíma sinn vottaðan. Ætla má af skrifum Friðleifs að dæma að ÍBR hafi látið undan, sent inn umsókn og keppendur verði sjálfkrafa skráðir í afrekaskránna gegn gjaldi. „Frjálsíþróttasamband Íslands áréttar að það er algjörlega á hendi framkvæmdaraðila að sækjast eftir vottun sambandsins og ef framkvæmdaraðili óskar þess þá verður hann að gangast við þeim reglum og kröfum sem sambandið hefur sett fram.“ Uppselt og alveg að seljast upp Uppselt er í hálfmaraþonið og örfáir miðar eru eftir í heilt maraþon. Reykjavíkurmaraþonið fagnar 40 ára afmæli í ár og verður öllu til tjaldað til að gera hlaupið sem glæsilegast. „Það er greinilega óvenju mikil tilhlökkun fyrir hlaupinu í ár. Skráningin er farin langt fram úr okkar björtustu vonum,” segir Hrefna Hlín Sveinbjörnsdóttir, viðburðastjóri Reykjavíkurmaraþons Íslandsbanka hjá ÍBR í tilkynningu. „Annað árið í röð er uppselt í hálfmaraþonið, jafnvel þó að við höfum fjölgað um rúmlega þúsund miða. Þá eru bara örfáir miðar eftir í heila maraþonið svo það stefnir allt í að það verði uppselt í það líka”. Í tilkynningu kemur fram að í fyrra hafi ríflega 2.000 hlauparar verið skráðir í hálfmaraþon en í ár eru þeir yfir 3.000. „Það hafa aldrei verið jafn margir skráðir í hálfmaraþonið svo þetta er skráningarmet og það á sjálfu afmælisárinu,” segir Hrefna Hlín. Gríðarleg aðsókn hefur verið í hlaupið en í fyrra voru í allt 11.307 hlauparar á öllum aldri sem tóku þátt. Það voru 5.766 konur, 5.483 karlmenn og 12 kvár. Í tilkynningu segir að allt bendi til þess að það muni fjölga í öllum flokkum í ár. Í fyrsta Reykjavíkurmaraþoninu, árið 1984, voru 214 hlauparar skráðir til leiks, 135 Íslendingar og 79 erlendir keppendur. Síðan þá hefur þátttakendum fjölgað svo um munar og hafa yfir 40 þúsund erlendir keppendur tekið þátt í áranna rás. Fjórar vegalengdir í boði Reykjavíkurmaraþon Íslandsbanka fer í ár fram laugardaginn 24. ágúst, á Menningarnótt. Fjórar vegalengdir verða í boði og því ættu öll að geta fundið eitthvað við sitt hæfi, því í raun má tala um fimm vegalengdir þar sem boðið er upp á tvær vegalengdir í Skemmtiskokkinu: Maraþon (42,2 km) Hálfmaraþon (21,1 km) 10 km hlaup Skemmtiskokk (1,7 km og 3 km) Skráning í hlaupið fer fram á www.rmi.is og að vanda gefst hlaupurum í Reykjavíkurmaraþoni Íslandsbanka kostur á að hlaupa til styrktar góðs málefnis. Áheitasöfnunin fer fram á hlaupastyrkur.is og er hægt að velja á milli fjölmargra góðgerðafélaga. Hlaup Reykjavíkurmaraþon Mest lesið „Heyrðu, það þarf einhver að skutla syni okkar á leikskólann“ Sport Setti heimsmet en þarf ekki Sveindís Jane að fá að reyna næst? Fótbolti „Einu skrefi nær því að verða næsti Sir Alex Ferguson“ Íslenski boltinn Bakgarður 101: „Ætla að níðast á þessum líkama og sjá hvað hann getur“ Sport Sex rallýgoðsagnir teknar inn í nýjustu frægðarhöllina á Íslandi Sport Guðni Eiríksson: Markmannstaðan á Íslandi er ekki nógu góð Íslenski boltinn Arne Slot vonsvikinn með Trent Alexander-Arnold Enski boltinn Fjögur lið á toppnum með fjögur stig Íslenski boltinn Syni Tigers mistókst að tryggja sér sæti á Opna bandaríska Golf Dagskráin: Fer Íslandsmeistarbikarinn á loft í Njarðvík? Sport Fleiri fréttir Bakgarður 101: „Ætla að níðast á þessum líkama og sjá hvað hann getur“ Dagskráin: Fer Íslandsmeistarbikarinn á loft í Njarðvík? Setti heimsmet en þarf ekki Sveindís Jane að fá að reyna næst? „Einu skrefi nær því að verða næsti Sir Alex Ferguson“ Sex rallýgoðsagnir teknar inn í nýjustu frægðarhöllina á Íslandi Fjögur lið á toppnum með fjögur stig „Heyrðu, það þarf einhver að skutla syni okkar á leikskólann“ Guðni Eiríksson: Markmannstaðan á Íslandi er ekki nógu góð Íslensku stelpurnar flugu inn í úrslitin Hamarsmenn tryggðu sér oddaleik Arteta varar Arsenal fólk við: Erfiðasta staðan að fylla Nýliðarnir sóttu þrjú stig á heimavöll hamingjunnar Uppgjör: FH-Stjarnan 2-1 | FH-konur áfram á flugi Syni Tigers mistókst að tryggja sér sæti á Opna bandaríska Aldís Ásta og félagar einum sigri frá sænska meistaratitlinum Fleiri sæti í boði fyrir stelpurnar okkar á HM 2031 Arne Slot vonsvikinn með Trent Alexander-Arnold Svona er nýja landsliðstreyja stelpnanna fyrir EM í sumar Mac Allister besti leikmaðurinn í fyrsta sinn Tæplega fimmtugur Manny Pacquiao ætlar að snúa aftur í hringinn Fékk sleggju í höfuðið og var ljónheppinn að lifa af Salah valinn bestur af blaðamönnum „Er ekki alltaf markmiðið að bæta sig? Annars væri maður ekki að þessu“ Hlakkar til að mæta „fótboltapabba“ sínum í úrslitaleiknum Leik KR og ÍBV seinkað vegna færðar Fótboltaparið eignaðist son og skírði hann Jagger Geta unnið glænýjan bíl í Öskjuhlíðinni Sex ensk lið í Meistaradeild og tíu gætu náð Evrópusæti Hristi af sér meiðsli á „ódauðlega“ ökklanum og fagnaði sigri Sjáðu mörkin þegar United og Spurs gulltryggðu sig í úrslitaleikinn Sjá meira
Það staðfestir Friðleifur Friðleifsson, formaður langhlaupanefndar, með færslu í Facebook-hópinn Hlauparar á Íslandi. Engin umsókn barst um vottun á hlaupum í öðrum vegalengdum. „Frjálsíþróttasambandið mun taka þessa umsókn til afgreiðslu en áréttar að framkvæmdaraðilar eiga að skila inn umsókn vegna vottunar með a.m.k. 4. vikna fyrirvara. Hvað sem því líður þá mun verða unnið hratt í þágu hlaupara svo að þeir fá sinn árangur í hálfu og heilu maraþoni viðurkenndann,“ skrifar Friðleifur á Facebook. Facebook-færsla Friðleifs í heild sinni.skjáskot / Hlauparar á Íslandi Málið hefur verið til umræðu í allt sumar, og lengur aftur í tímann jafnvel, en aðilar voru ósammála um hvað ágreiningurinn snerist. ÍBR sagðist ekki vilja fylgja kröfum um sjálfkrafa skráningu í afrekaskrá FRÍ, því það bryti gegn persónuverndarlögum um upplýst samþykki. FRÍ sagði ÍBR ekki vilja greiða 150 króna gjaldið sem sett er á hvern þátttakanda sem kemur í mark og fær tíma sinn vottaðan. Ætla má af skrifum Friðleifs að dæma að ÍBR hafi látið undan, sent inn umsókn og keppendur verði sjálfkrafa skráðir í afrekaskránna gegn gjaldi. „Frjálsíþróttasamband Íslands áréttar að það er algjörlega á hendi framkvæmdaraðila að sækjast eftir vottun sambandsins og ef framkvæmdaraðili óskar þess þá verður hann að gangast við þeim reglum og kröfum sem sambandið hefur sett fram.“ Uppselt og alveg að seljast upp Uppselt er í hálfmaraþonið og örfáir miðar eru eftir í heilt maraþon. Reykjavíkurmaraþonið fagnar 40 ára afmæli í ár og verður öllu til tjaldað til að gera hlaupið sem glæsilegast. „Það er greinilega óvenju mikil tilhlökkun fyrir hlaupinu í ár. Skráningin er farin langt fram úr okkar björtustu vonum,” segir Hrefna Hlín Sveinbjörnsdóttir, viðburðastjóri Reykjavíkurmaraþons Íslandsbanka hjá ÍBR í tilkynningu. „Annað árið í röð er uppselt í hálfmaraþonið, jafnvel þó að við höfum fjölgað um rúmlega þúsund miða. Þá eru bara örfáir miðar eftir í heila maraþonið svo það stefnir allt í að það verði uppselt í það líka”. Í tilkynningu kemur fram að í fyrra hafi ríflega 2.000 hlauparar verið skráðir í hálfmaraþon en í ár eru þeir yfir 3.000. „Það hafa aldrei verið jafn margir skráðir í hálfmaraþonið svo þetta er skráningarmet og það á sjálfu afmælisárinu,” segir Hrefna Hlín. Gríðarleg aðsókn hefur verið í hlaupið en í fyrra voru í allt 11.307 hlauparar á öllum aldri sem tóku þátt. Það voru 5.766 konur, 5.483 karlmenn og 12 kvár. Í tilkynningu segir að allt bendi til þess að það muni fjölga í öllum flokkum í ár. Í fyrsta Reykjavíkurmaraþoninu, árið 1984, voru 214 hlauparar skráðir til leiks, 135 Íslendingar og 79 erlendir keppendur. Síðan þá hefur þátttakendum fjölgað svo um munar og hafa yfir 40 þúsund erlendir keppendur tekið þátt í áranna rás. Fjórar vegalengdir í boði Reykjavíkurmaraþon Íslandsbanka fer í ár fram laugardaginn 24. ágúst, á Menningarnótt. Fjórar vegalengdir verða í boði og því ættu öll að geta fundið eitthvað við sitt hæfi, því í raun má tala um fimm vegalengdir þar sem boðið er upp á tvær vegalengdir í Skemmtiskokkinu: Maraþon (42,2 km) Hálfmaraþon (21,1 km) 10 km hlaup Skemmtiskokk (1,7 km og 3 km) Skráning í hlaupið fer fram á www.rmi.is og að vanda gefst hlaupurum í Reykjavíkurmaraþoni Íslandsbanka kostur á að hlaupa til styrktar góðs málefnis. Áheitasöfnunin fer fram á hlaupastyrkur.is og er hægt að velja á milli fjölmargra góðgerðafélaga.
Hlaup Reykjavíkurmaraþon Mest lesið „Heyrðu, það þarf einhver að skutla syni okkar á leikskólann“ Sport Setti heimsmet en þarf ekki Sveindís Jane að fá að reyna næst? Fótbolti „Einu skrefi nær því að verða næsti Sir Alex Ferguson“ Íslenski boltinn Bakgarður 101: „Ætla að níðast á þessum líkama og sjá hvað hann getur“ Sport Sex rallýgoðsagnir teknar inn í nýjustu frægðarhöllina á Íslandi Sport Guðni Eiríksson: Markmannstaðan á Íslandi er ekki nógu góð Íslenski boltinn Arne Slot vonsvikinn með Trent Alexander-Arnold Enski boltinn Fjögur lið á toppnum með fjögur stig Íslenski boltinn Syni Tigers mistókst að tryggja sér sæti á Opna bandaríska Golf Dagskráin: Fer Íslandsmeistarbikarinn á loft í Njarðvík? Sport Fleiri fréttir Bakgarður 101: „Ætla að níðast á þessum líkama og sjá hvað hann getur“ Dagskráin: Fer Íslandsmeistarbikarinn á loft í Njarðvík? Setti heimsmet en þarf ekki Sveindís Jane að fá að reyna næst? „Einu skrefi nær því að verða næsti Sir Alex Ferguson“ Sex rallýgoðsagnir teknar inn í nýjustu frægðarhöllina á Íslandi Fjögur lið á toppnum með fjögur stig „Heyrðu, það þarf einhver að skutla syni okkar á leikskólann“ Guðni Eiríksson: Markmannstaðan á Íslandi er ekki nógu góð Íslensku stelpurnar flugu inn í úrslitin Hamarsmenn tryggðu sér oddaleik Arteta varar Arsenal fólk við: Erfiðasta staðan að fylla Nýliðarnir sóttu þrjú stig á heimavöll hamingjunnar Uppgjör: FH-Stjarnan 2-1 | FH-konur áfram á flugi Syni Tigers mistókst að tryggja sér sæti á Opna bandaríska Aldís Ásta og félagar einum sigri frá sænska meistaratitlinum Fleiri sæti í boði fyrir stelpurnar okkar á HM 2031 Arne Slot vonsvikinn með Trent Alexander-Arnold Svona er nýja landsliðstreyja stelpnanna fyrir EM í sumar Mac Allister besti leikmaðurinn í fyrsta sinn Tæplega fimmtugur Manny Pacquiao ætlar að snúa aftur í hringinn Fékk sleggju í höfuðið og var ljónheppinn að lifa af Salah valinn bestur af blaðamönnum „Er ekki alltaf markmiðið að bæta sig? Annars væri maður ekki að þessu“ Hlakkar til að mæta „fótboltapabba“ sínum í úrslitaleiknum Leik KR og ÍBV seinkað vegna færðar Fótboltaparið eignaðist son og skírði hann Jagger Geta unnið glænýjan bíl í Öskjuhlíðinni Sex ensk lið í Meistaradeild og tíu gætu náð Evrópusæti Hristi af sér meiðsli á „ódauðlega“ ökklanum og fagnaði sigri Sjáðu mörkin þegar United og Spurs gulltryggðu sig í úrslitaleikinn Sjá meira