Þessar súperstjörnur hafa þekkst í mörg ár og var Charlie meðal annars upphitunaratriðið á tónleikaferðalagi Taylor árið 2018.
Charlie er trúlofuð trommaranum í hljómsveitinni 1975 en Taylor var í stuttu sambandi með aðalsöngvara sömu sveitar. Aðdáendur virðast sannfærðir um að Charlie skjóti á Taylor.
Lagið sem um ræðir heitir „Sympathy is a Knife“ og syngur Charlie meðal annars að hún vilji alls ekki sjá „hana“ baksviðs á tónleikum kærastans síns og gefur til kynna að Taylor sé betri en hún.
Charlie hefur þó ekki viljað fara djúpt í texta lagsins.
„Fólk má hugsa það sem það vill. Þetta fjallar um mig, mínar tilfinningar og kvíðann minn og hvernig heilinn minn býr til söguþráð þegar ég er óörugg. Sömuleiðis hvað ég á erfitt með að vera í aðstæðum þar sem mér líður óþægilega,“ segir Charlie um málið.
Taylor Swift virðist hins vegar ekki taka þessu persónulega en hún dásamaði Charlie nýverið í viðtali við New York Magazine.
„Ég hef verið agndofa yfir tónlistar hæfileikum Charlie síðan ég heyrði fyrst lagið hennar Stay Away árið 2011. Textarnir hennar eru óraunverulega góðir alltaf. Hún fer með lag á staði sem maður býst aldrei við og hún hefur verið að gera það stöðugt í yfir áratug. Ég elska að sjá alla þessa vinnu borga sig.“
Eins og áður segir er Charlie að eiga risa stórt ár. Hún er með rúmlega 45 milljón mánaðarlega hlustendur á streymisveitunni Spotify, platan Brat er með hundruði milljóna streyma og lagið Guess, nýjasti smellur hennar og Billie Eilish, fór beint í 12. sæti eftirsótta bandaríska lagalistans Billboard Hot 100.
Þá hefur hún verið vinsæl á samfélagsmiðlum, Brat summer sem vísar í plötuna varð eitt vinsælast trend sumarsins sem vísar í plötuna og fjölmargir á TikTok lærðu dans við lagið hennar Apple.
Nýverið var hún svo í forsíðumyndatöku hjá stórljósmyndaranum David LaChapelle en hann hefur myndað allar heitustu stjörnurnar, allt frá Paris Hilton yfir í Björk. Myndirnar birtust meðal annars í sama tímariti og birti viðtalið við Taylor, New York Magazine.
