Given vorkennir Heimi Sindri Sverrisson skrifar 12. september 2024 10:33 Shay Given varði mark Írlands í 134 landsleikjum, á árunum 1996-2016. Heimir Hallgrímsson stýrir nú liðinu. Samsett/Getty Markvörðurinn margreyndi Shay Given kennir sinnuleysi stjórnenda írska knattspyrnusambandið um þá stöðu sem írska karlalandsliðið í fótbolta er í, og kennir í brjósti um nýja þjálfarann Heimi Hallgrímsson. Heimir tók við starfinu í júlí, eftir að Stephen Kenny hafði hætt 231 degi fyrr. Given segir fáránlegt að nýr þjálfari hafi ekki verið ráðinn fyrr, til að geta undirbúið sig með vináttulandsleikjum fyrir Þjóðadeildina nú í haust. „Allt ferlið við að finna nýjan stjóra, ég veit ekki hvert rétta orðið er… algjör óreiða,“ segir Given á vef Irish Mirror. „Heimir þarf að þola gagnrýni líka því það er stjórinn sem velur liðið og uppleggið. En stóra myndin snýst um allt þetta ráðningarferli. Það er fáránlegt hvað það tók langan tíma,“ segir Given. Bjuggust allir við nýjum og spennandi tímum Írland hóf Þjóðadeildina á 2-0 töpum gegn Englandi og Grikklandi á heimavelli, í fyrstu leikjunum undir stjórn Heimis, og hefur aðeins unnið einn af síðustu átta leikjum sínum. Írar eru í 58. sæti heimslistans og hafa fallið niður um 46 sæti frá árinu 2004, eða fleiri sæti en öll lið Evrópu nema Liechtenstein, San Marínó og Lettland. „Fyrir leikinn við England voru allir iðandi af spennu og leikvangurinn hristist. Það héldu allir að núna væru að byrja nýir tímar, en fjórum dögum seinna sitjum við hérna og veltum fyrir okkur hvað í ósköpunum gerðist,“ segir Given sem gengur ekki eins langt og Eamon Dunphy, 79 ára fjölmiðlamaður og fyrrverandi landsliðsmaður, sem vill hreinlega að Heimir verði rekinn strax. Klikkun hve langan tíma tók að finna þjálfara „Við hefðum átt meiri möguleika með þjálfara sem hefði fengið vináttulandsleiki. En ég vorkenni manninum. Hann tapaði fyrstu tveimur keppnisleikjunum og þannig er hann strax kominn í vörn gagnvart stuðningsmönnunum. Þetta er ekki fullkomin byrjun, en undirbúningurinn var heldur ekki æskilegur. Það að taka 231 dag í að finna nýjan þjálfara er allt of langur tími. Það er í raun klikkun. Hvort sem þú velur réttan eða rangan mann, fáðu hann alla vega inn snemma,“ segir Given. Þurfti að gúgla Heimi Þessi fyrrverandi landsliðsmarkvörður Íra, sem lengi varði mark Newcastle og fleiri liða í ensku úrvalsdeildinni, þurfti líkt og margir Írar að nota Google til að kynna sér Heimi þegar hann var ráðinn. En skiptir það máli fyrir leikmenn írska liðsins að hafa ekki þekkt Heimi fyrir fram? „Hluti af mér skilur hvers vegna hann var fenginn hingað, vegna þess sem hann gerði með Íslandi. Þeir fóru upp styrkleikalistann og stóðu í stóru þjóðunum. Það er fyrirmynd hérna. Þolinmæði er orðið sem að þjálfarinn notar. En hveitibrauðsdagarnir eru liðnir strax eftir tvo leiki. Eftir leikinn á þriðjudag [tapið gegn Grikklandi] var hann reiður og í uppnámi á blaðamannafundinum, og sagðist ekki vera góður í að tapa. Það er það sem maður vill heyra frá þjálfaranum sínum,“ segir Given sem gagnrýndi hins vegar Heimi fyrir að eftirláta aðstoðarmönnum sínum, John O‘She og Paddy McCarthy, mikla ábyrgð í aðdraganda fyrstu leikjanna. „Þegar nýr maður kemur inn, sem þekkir ekki leikmennina, þá þarf hann að mínu mati að rísa upp og segja „Ég er stjórinn og við gerum hlutina eftir mínu höfði“. Hann var með aðra nálgun. En ég er eins og stuðningsmennirnir, með því að tapa mér í svartsýni eftir tvö töp. Það er eðlilegt eftir tapið gegn Grikklandi. Allir stjórar, hvort sem það er Heimir Hallgrímsson eða einhver annar, vita að hið sama gildir alltaf. Ef að leikirnir fara ekki vel þá mun það bitna á þeim,“ segir Given. Heimir Hallgrímsson þjálfar landslið Írlands Þjóðadeild karla í fótbolta Mest lesið Ísak veit að hann verður hataður: „Ungur strákur átti sér draum“ Fótbolti Dómarinn fékk gult spjald og glotti Fótbolti Hákon mun slást við Kelleher um stöðuna Enski boltinn Sakaður um viljandi árekstur: „Bara séð svona í leikjum og go-kart“ Formúla 1 Sjáðu miðjumark Sverris, tvennu Tobiasar, rautt á Alex og Atla stela sigri Íslenski boltinn Magnus Carlsen brjálaðist og lamdi í skákborðið Sport „Lengi dreymt um að keppa við þá“ Golf „Heimsmeistaramót félagsliða hefur okkur að féþúfu“ Fótbolti Átta leikir í röð án sigurs ekki áhyggjuefni Fótbolti Sjóðheitur Scheffler tryggði titil sem aðeins Tiger hafði tekist að verja Golf Fleiri fréttir „Getum alveg fundið glufur“ gegn Frakklandi „Heimsmeistaramót félagsliða hefur okkur að féþúfu“ Átta leikir í röð án sigurs ekki áhyggjuefni Hákon mun slást við Kelleher um stöðuna Sjáðu miðjumark Sverris, tvennu Tobiasar, rautt á Alex og Atla stela sigri Fögnuðu með skrúðgöngu í skugga óeirða Ísak veit að hann verður hataður: „Ungur strákur átti sér draum“ Dagskráin í dag: Litrík umferð gerð upp í Stúkunni Dómarinn fékk gult spjald og glotti „Þetta mark átti ekki að telja“ „Verður ekkert frí í þessu landsleikjahléi“ „Gott veganesti inn í kærkomið frí“ Leik lokið: Breiðablik - Víkingur 3-1 | Allt í hnút á toppnum „Erum með sjö stigum meira en á sama tíma í fyrra“ Uppgjörið: FH - Afturelding 0-0| Markalaust í bragðdaufum leik Uppgjörið: ÍA - ÍBV 0-3 | Eyjamenn fara með tvo sigurleiki á bakinu inn í hléið Uppgjörið: KA - Stjarnan 1-1 | Náðu að lokum að jafna gegn tíu gestum Óskar Hrafn: Sem betur fer hlusta stuðningsmenn KR ekki mikið á umræðuna Sævar Atli kallaður inn í landsliðið Sex mörk í fyrri þegar Eggert og Freyr fóru upp í annað sæti Ósáttur Davíð Smári: Einn maður sem eyðileggur leikinn Uppgjörið: KR - Vestri 2-1 | Atlarnir stálu sigrinum af Vestra Rauðu djöflarnir staðfesta kaup á Cunha Köln kaupir Ísak Bergmann Kolbeinn skoraði tvö í góðum sigri Gautaborgar „Þyrfti að vera klúbbur í efri hillu í Skandinavíu eða eitthvað á meginlandinu“ „Ég held það vilji enginn upplifa svona aftur“ Tveir látnir og fleiri hundruð handtekin í óeirðum eftir sigur PSG Sævar hundeltur af blaðamönnum í Danmörku og Noregi Stuðningsfólk Fortuna brjálað út í Ísak Bergmann Sjá meira
Heimir tók við starfinu í júlí, eftir að Stephen Kenny hafði hætt 231 degi fyrr. Given segir fáránlegt að nýr þjálfari hafi ekki verið ráðinn fyrr, til að geta undirbúið sig með vináttulandsleikjum fyrir Þjóðadeildina nú í haust. „Allt ferlið við að finna nýjan stjóra, ég veit ekki hvert rétta orðið er… algjör óreiða,“ segir Given á vef Irish Mirror. „Heimir þarf að þola gagnrýni líka því það er stjórinn sem velur liðið og uppleggið. En stóra myndin snýst um allt þetta ráðningarferli. Það er fáránlegt hvað það tók langan tíma,“ segir Given. Bjuggust allir við nýjum og spennandi tímum Írland hóf Þjóðadeildina á 2-0 töpum gegn Englandi og Grikklandi á heimavelli, í fyrstu leikjunum undir stjórn Heimis, og hefur aðeins unnið einn af síðustu átta leikjum sínum. Írar eru í 58. sæti heimslistans og hafa fallið niður um 46 sæti frá árinu 2004, eða fleiri sæti en öll lið Evrópu nema Liechtenstein, San Marínó og Lettland. „Fyrir leikinn við England voru allir iðandi af spennu og leikvangurinn hristist. Það héldu allir að núna væru að byrja nýir tímar, en fjórum dögum seinna sitjum við hérna og veltum fyrir okkur hvað í ósköpunum gerðist,“ segir Given sem gengur ekki eins langt og Eamon Dunphy, 79 ára fjölmiðlamaður og fyrrverandi landsliðsmaður, sem vill hreinlega að Heimir verði rekinn strax. Klikkun hve langan tíma tók að finna þjálfara „Við hefðum átt meiri möguleika með þjálfara sem hefði fengið vináttulandsleiki. En ég vorkenni manninum. Hann tapaði fyrstu tveimur keppnisleikjunum og þannig er hann strax kominn í vörn gagnvart stuðningsmönnunum. Þetta er ekki fullkomin byrjun, en undirbúningurinn var heldur ekki æskilegur. Það að taka 231 dag í að finna nýjan þjálfara er allt of langur tími. Það er í raun klikkun. Hvort sem þú velur réttan eða rangan mann, fáðu hann alla vega inn snemma,“ segir Given. Þurfti að gúgla Heimi Þessi fyrrverandi landsliðsmarkvörður Íra, sem lengi varði mark Newcastle og fleiri liða í ensku úrvalsdeildinni, þurfti líkt og margir Írar að nota Google til að kynna sér Heimi þegar hann var ráðinn. En skiptir það máli fyrir leikmenn írska liðsins að hafa ekki þekkt Heimi fyrir fram? „Hluti af mér skilur hvers vegna hann var fenginn hingað, vegna þess sem hann gerði með Íslandi. Þeir fóru upp styrkleikalistann og stóðu í stóru þjóðunum. Það er fyrirmynd hérna. Þolinmæði er orðið sem að þjálfarinn notar. En hveitibrauðsdagarnir eru liðnir strax eftir tvo leiki. Eftir leikinn á þriðjudag [tapið gegn Grikklandi] var hann reiður og í uppnámi á blaðamannafundinum, og sagðist ekki vera góður í að tapa. Það er það sem maður vill heyra frá þjálfaranum sínum,“ segir Given sem gagnrýndi hins vegar Heimi fyrir að eftirláta aðstoðarmönnum sínum, John O‘She og Paddy McCarthy, mikla ábyrgð í aðdraganda fyrstu leikjanna. „Þegar nýr maður kemur inn, sem þekkir ekki leikmennina, þá þarf hann að mínu mati að rísa upp og segja „Ég er stjórinn og við gerum hlutina eftir mínu höfði“. Hann var með aðra nálgun. En ég er eins og stuðningsmennirnir, með því að tapa mér í svartsýni eftir tvö töp. Það er eðlilegt eftir tapið gegn Grikklandi. Allir stjórar, hvort sem það er Heimir Hallgrímsson eða einhver annar, vita að hið sama gildir alltaf. Ef að leikirnir fara ekki vel þá mun það bitna á þeim,“ segir Given.
Heimir Hallgrímsson þjálfar landslið Írlands Þjóðadeild karla í fótbolta Mest lesið Ísak veit að hann verður hataður: „Ungur strákur átti sér draum“ Fótbolti Dómarinn fékk gult spjald og glotti Fótbolti Hákon mun slást við Kelleher um stöðuna Enski boltinn Sakaður um viljandi árekstur: „Bara séð svona í leikjum og go-kart“ Formúla 1 Sjáðu miðjumark Sverris, tvennu Tobiasar, rautt á Alex og Atla stela sigri Íslenski boltinn Magnus Carlsen brjálaðist og lamdi í skákborðið Sport „Lengi dreymt um að keppa við þá“ Golf „Heimsmeistaramót félagsliða hefur okkur að féþúfu“ Fótbolti Átta leikir í röð án sigurs ekki áhyggjuefni Fótbolti Sjóðheitur Scheffler tryggði titil sem aðeins Tiger hafði tekist að verja Golf Fleiri fréttir „Getum alveg fundið glufur“ gegn Frakklandi „Heimsmeistaramót félagsliða hefur okkur að féþúfu“ Átta leikir í röð án sigurs ekki áhyggjuefni Hákon mun slást við Kelleher um stöðuna Sjáðu miðjumark Sverris, tvennu Tobiasar, rautt á Alex og Atla stela sigri Fögnuðu með skrúðgöngu í skugga óeirða Ísak veit að hann verður hataður: „Ungur strákur átti sér draum“ Dagskráin í dag: Litrík umferð gerð upp í Stúkunni Dómarinn fékk gult spjald og glotti „Þetta mark átti ekki að telja“ „Verður ekkert frí í þessu landsleikjahléi“ „Gott veganesti inn í kærkomið frí“ Leik lokið: Breiðablik - Víkingur 3-1 | Allt í hnút á toppnum „Erum með sjö stigum meira en á sama tíma í fyrra“ Uppgjörið: FH - Afturelding 0-0| Markalaust í bragðdaufum leik Uppgjörið: ÍA - ÍBV 0-3 | Eyjamenn fara með tvo sigurleiki á bakinu inn í hléið Uppgjörið: KA - Stjarnan 1-1 | Náðu að lokum að jafna gegn tíu gestum Óskar Hrafn: Sem betur fer hlusta stuðningsmenn KR ekki mikið á umræðuna Sævar Atli kallaður inn í landsliðið Sex mörk í fyrri þegar Eggert og Freyr fóru upp í annað sæti Ósáttur Davíð Smári: Einn maður sem eyðileggur leikinn Uppgjörið: KR - Vestri 2-1 | Atlarnir stálu sigrinum af Vestra Rauðu djöflarnir staðfesta kaup á Cunha Köln kaupir Ísak Bergmann Kolbeinn skoraði tvö í góðum sigri Gautaborgar „Þyrfti að vera klúbbur í efri hillu í Skandinavíu eða eitthvað á meginlandinu“ „Ég held það vilji enginn upplifa svona aftur“ Tveir látnir og fleiri hundruð handtekin í óeirðum eftir sigur PSG Sævar hundeltur af blaðamönnum í Danmörku og Noregi Stuðningsfólk Fortuna brjálað út í Ísak Bergmann Sjá meira