Innlent

Harður þriggja bíla á­rekstur á Suður­lands­vegi

Sólrún Dögg Jósefsdóttir skrifar
Lögregla stýrir umferð um vettvang.
Lögregla stýrir umferð um vettvang. Vísir

Þriggja bíla árekstur varð til þess að einn bílanna valt nærri Hólmi við Suðurlandsveg á tólfta tímanum í dag. Þrír voru fluttir á slysadeild. 

Davíð Friðjónsson aðstoðarvarðstjóri slökkviliðsins á höfuðborgarsvæðinu staðfestir þetta í samtali við fréttastofu, og segir áreksturinn hafa verið nokkuð harðan. Hann segir engin meiri háttar slys hafa orðið á fólki en þrír verið fluttir á slysadeild til skoðunar. 

Veginum var lokað vegna árekstursins og að sögn Davíðs verður opnað fyrir umferð um hann á ný þegar búið verður að draga bílana í burtu frá vettvangi. Að öðru leyti sé starfi á vettvangi lokið. 

Fréttin hefur verið uppfærð.

Reykjavík Slökkvilið Samgönguslys

Mest lesið


Fleiri fréttir

Sjá meira


×

Mest lesið