Gló­­dís kemst ekki á verð­­launa­há­­tíðina: „Mér finnst þetta bara fá­rán­legt“

Lands­liðs­hópur ís­lenska kvenna­lands­liðsins fyrir tvo æfingar­leiki gegn ólympíu­meisturum Banda­ríkjanna ytra var opin­beraður í dag. Leikir liðanna munu fara fram í Austin Texas og Nas­hvil­le Tennees­se 25. Og 27.októ­ber næst­komandi og gat Þor­steinn Hall­dórs­son, lands­liðs­þjálfari valið úr sínum sterkustu leik­mönnum og gerir að­eins eina breytingu milli lands­liðs­verk­efna.

Í lands­liðs­hópnum er sem fyrr að finna leið­toga liðsins Gló­dísi Perlu Viggós­dóttur, leik­mann og fyrir­liða Bayern Munchen sem átti skínandi tíma­bil á síðasta tíma­bili og var í kjöl­far þess til­nefnd til Ball­on d´or verð­launanna virtu sem veitt eru besta leik­manni í heimi í karla og kvenna­flokki.

„Auð­vitað er þetta bara frá­bært af­rek hjá henni. Þetta er risa­stórt. Hún er einn besti leik­maður heimsins. Til­nefnd sem slík og það er frá­bært. Þetta sýnir í raun og veru hvar hún er stödd sem leik­maður. Það er eftir því tekið hversu góð hún er. Þetta er bara virki­lega flott af­rek. Flott fyrir hana sem leik­mann og sýnir að við erum með leik­mann í þessum gæða­flokki í okkar liði. Það hjálpar okkur að sjálf­sögðu líka. Þetta er stórt og mikið. Vonandi verður bara á­fram­hald á þessu. Að hún haldi á­fram að þróast og þroskast sem leik­maður. Verði enn þá betri en hún er í dag.“

„Mér finnst þetta bara fáránlegt“

Gló­dís er fyrst Ís­lendinga til þess að vera til­nefnd til verð­launanna en mun ekki geta sótt sjálfa verð­launa­há­tíðina í París þann 28.októ­ber næst­komandi því hún fer fram degi eftir seinni leik Ís­lands og Banda­ríkjanna í Nas­hvil­le.

Þá má gera ráð fyrir því að fleiri stór nöfn úr kvenna­boltanum muni ekki geta sótt há­tíðina sem er haldin í miðjum lands­liðs­glugga kvenna­lands­liðanna og munu á þessum dögum undir lok októ­ber fara fram mikil­vægir leikir í um­spili fyrir Evrópu­mót næsta árs. Stað­reynd sem kemur lands­liðs­þjálfara Ís­lands spánskt fyrir sjónir en það er franski miðillinn French Foot­ball sem stendur fyrir Ball­on d´or valinu og nýtur lið­sinnis Evrópska knatt­spyrnu­sam­bandsins við undir­búning verð­launa­af­hendingarinnar.

„Þetta er náttúru­lega bara galið. Í grunninn er þetta galið. Ef þeir vilja gera konum hátt undir höfði þá þurfa þær að geta mætt á svæðið. Það er al­gjör­lega ljóst. Þú getur ekki sett þetta í mitt lands­leikja­hlé hjá konum því að bestu leik­mennirnir eru að spila með lands­liðum sínum og munu ekki geta mætt nema kannski í ein­hverjum undan­tekningar­til­fellum þar sem að þær eru í um­ræddu landi þar sem að verð­launa­af­hendingin fer fram. Mér finnst þetta bara fá­rán­legt. Ein­faldasta leiðin í þessu væri bara að halda þetta í sitt­hvoru lagi. Að hafa sér stóra verð­launa­af­hendingu fyrir konur og sér fyrir karla.“