„Við þurfum að taka okkar sénsa“

Sverrir samdi við gríska stór­liðið Pan­at­hinai­kos í sumar eftir að hafa leikið lykil­hlut­verk í liði FC Mid­tjylland sem stóð uppi sem danskur meistari í maí. Sverrir, sem hefur þurft að glíma við sinn skerf af meiðslum upp á síð­kastið, er nú aftur kominn á fullt skrið aftur og kann vel við sig í Aþenu en hann hafði áður verið á mála hjá PAOK í Grikk­landi.

„Ég er gríðar­lega á­nægður með að vera kominn aftur til Grikk­lands. Líður eins og ég sé kominn aftur heim. Maður þekkir allt. Auð­vitað var sumarið hjá mér skrítið að mörgu leiti. Ég náði ekki góðu og löngu undir­búnings­tíma­bili og var fljót­lega farinn að spila fullt af leikjum sem gerði það að verkum að ég lenti í smá meiðslum. Hef náð að jafna mig af því núna og finnst ég vera á góðum stað. Vonandi get ég hjálpað lands­liðinu eins mikið og ég get.“

Sverrir gegnir gríðar­lega mikil­vægu hlut­verki í hjarta varnar­línu Ís­lands og lýst honum vel á mögu­leika liðsins í fyrri leiknum gegn Wa­les á laugar­dals­velli á föstu­daginn kemur.

Wa­les er að taka sín fyrstu spor undir stjórn goð­sagnarinnar Cra­ig Bella­my og hefur byrjað Þjóða­deildina vel með jafn­tefli gegn Tyrk­landi og Sigri gegn Svart­fjalla­landi.

„Við þurfum að taka okkar sénsa þegar að við fáum þá. Við vitum að þegar við erum þéttir til baka þá getum við varist á móti hvaða mót­herja sem er. Það verður mjög mikil­vægt að við tökum þá sénsa sem við fáum. Náum að skora úr þeim.“

Viðtalið við Sverri Inga í heild sinni má sjá hér fyrir neðan: 

Leikur Íslands og Wales í Þjóðadeild UEFA á föstudaginn kemur verður sýndur í beinni útsendingu og í opinni dagskrá á Stöð 2 Sport. Leikurinn hefst klukkan korter í sjö en upphitun hefst hálftíma fyrr á Stöð 2 Sport.