Odd­ný gleymir aldrei sím­tali Bjarna Ben

Kosningapallborðið var í beinni útsendingu á Vísi og þar töluðu þátttakendur frjálslega, enda kanónur að kveðja Alþingi. Nema einn, Brynjar Níelsson, ekki er vitað hvað verður um hann. Brynjar lét það þó ekki trufla sig heldur segir hann að ef svo fari þá verði hann kjörinn stjórnarandstöðuþingmaður ársins.

Margrét Helga Erlingsdóttir fréttamaður stýrði umræðum sem voru léttar, skemmtilegar og upplýsandi: Steinunn Þóra Árnadóttir, þingmann Vinstri grænna, Oddný Harðardóttir, þingmann Samfylkingarinnar og Arndís Anna Kristínardóttur Gunnarsdóttur, þingmann Pírata voru mættar til leiks ásamt Brynjari.

Miðflokksmenn með grasið í skónum á eftir Brynjari

Margrét Helga beindi fyrst orðum sínum að Brynjari og spurði út í sviptingarnar sem nú væru í pólitíkinni, mikil endurnýjun væri að eiga sér stað. Og óvissa um hann sjálfan; sem sagði af sér varaþingmennsku í síðasta mánuði?

„Það hefur alltaf verið mikil óvissa í kringum mig, alla mína ævi. Ég hef sagt nokkuð skýrt að mínu mati að ég væri tilbúinn að íhuga alvarlega, ef það væri sæmileg sátt við að hafa mig á lista, en ég er ekki kominn á lista ennþá,“ sagði Brynjar.

Hann upplýsti að það væru aðallega aðrir flokkar sem hefðu mestan áhuga á sér og var þar að vísa til Miðflokksins.

„Þetta eru miklar breytingar og ég óttast að það þrengi flokkinn að þetta fólk sé horfið á braut,“ sagði Brynjar og var þar meðal annars að vísa til fréttar um Sigríði Á. Andersen sem gengið hefur til liðs við Miðflokkinn. Það kitli sig hins vegar ekki, en ánægjulegt sé að fleiri flokkar tali fyrir Sjálfstæðisstefnunni, bara að allir gerðu það, en hann sé enn í móðurskipinu.

Ekki skyndiákvörðun að hætta núna

Steinunn Þóra upplýsti að hún hafi verið búin að taka ákvörðun um að fara ekki fram fyrir margt löngu, áður en stjórnarslit urðu.

„Áður en Bjarni [Benediktsson] sleit ríkisstjórninni, þá var ég búin að taka ákvörðun um að fara ekki fram. Ég lét minn formann vita áður en ég sagði frá því í fjölmiðlum.“

Steinunn Þóra vildi meina að fjölmargir öflugir einstaklingar væru að koma upp í gegnum grasrótina og þetta væri blanda sem hlyti að höfða til fólks: Gamlir jaxlar í bland við nýtt blóð.

„Við vitum að það er á brattann að sækja og við þurfum að sanna okkur. Það er enn mikið af öflugu fólki sem gefur kost á sér í forystusveitina,“ sagði Steinunn Þóra.

Hún rifjaði upp að hafa komið fyrst á þing 2008, sem varaþingmaður.

„Þetta er langur tími og mér fannst kominn tími á að segja þetta gott. Þetta var ekki skyndiákvörðun og ég var komin á þá ákvörðun þegar þessu starfi myndi ljúka sem ég gerði frekar ráð fyrir að yrði í vor, síðasta lagi í haust.“

Innanhússátök Pírata óheppileg

Arndís Anna sagðist taka undir að það væri skrítið að fylgi Pírata væri eins lágt og raun ber vitni í skoðanakönnunum að teknu tilliti til þess að þeir eru í stjórnarandstöðu og við stjórn hafi verið óvinsælasta ríkisstjórn síðan mælingar hófust.

„Ég hefði búist við því að við fengjum meira fylgi. En við erum að fá nýtt fólk inn í starfið. Fylgið, maður getur bara reynt að fabúlera um það, en þetta snýst um ákveðna ímynd, fólk sækir í stöðugleika þegar óstöðugleiki hefur ríkt. Píratar eru róttækur flokkur,“ sagði Arndís Anna og taldi Pírata eiga talsvert inni.

Prófkjörum sé ekki lokið, benti hún á þegar hún var spurð hvort þetta gæti tengst því að nú væru þingmenn og borgarfulltrúar sem voru áður en hún kom til skjalanna í framboði.

Þá sagði Arndís Anna það tvímælalaust svo að innanhúsátök sem fréttir hafa verið fluttar um ekki til að hjálpa upp á sakirnar. Ber þar hæst brottvísun Atla Þórs Fanndal sem samskiptastjóra en samskipti hans við flokkinn mætti líkja við jójó enda áður yfirgefið flokkinn í ósátt.

„Það vekur ákveðna tilfinningu hjá fólki en ég held að það vari ekki lengi. Þetta er komið í ágætis farveg og við erum ein eining sem sækir fram. En það er hluti af því að vera í pólitík, við erum sammála um markmið en kannski ekki hver er leiðin að markinu.“

Arndís Anna sagðist ekki hafa þungar áhyggjur af fylgi Pírata í skoðankönnunum en mikilvægt væri að þeir dyttu ekki út af þinginu.

Oddný skoraði á Víði að taka oddvitasætið

Oddný er reynslumikill þingmaður sem nú kveður sviðið. Oddný segir langt síðan hún tók þá ákvörðun.

„Ég íhugaði þetta fyrir síðustu kosningar en þá var covid og ég í efnahags og viðskiptanefnd. Ég fann hvað reynslan skipti miklu máli. Ég held að þjóðin þurfi á mér að halda.“

Og Oddný upplýsti að hún hafi sjálf sett sig í samband við Víði Reynisson, fyrir síðustu kosningar, og sagst myndi styðja hann ef hann vildi oddvitasætið.

„Hann var ekki til þá en ég var mjög glöð að sjá að hann væri til í að taka oddvitaembættið,“ sagði Oddný. En hún væri nú orðin 67 ára, verið 16 ár á þingi og þetta sé komið gott. 

„Ég var búin að lofa fólkinu mínu því.“

Miðflokkurinn skrítinn skrúfa að mati Brynjars

Oddný sagðist þekkja flokksmenn vel og grasrótina og það hvernig flokkurinn virki. Hún sé ánægð með margt í því sem kynnt hefur verið sem áherslubreytingar. Og hún sagðist skilja vel sjónarmið nýs formanns, flokkurinn væri enn Evrópusinnaður þó það mál hafi verið sett inn í skáp að sinni.

Ég þekki flokksmenn og grasrótina og hvernig flokkurinn virkar .það eru ákveðnar áherslubreytingar með nýrri forystu, ég er ánægður með margt í því. Augljóslega Evrópumálin, flokkurinn er ekki búinn að segja að hann sé ekki lengur Evrópusinnaður.

Eftir nokkurt þras um Evrópumálin upplýsti Brynjar að hann væri í enn í sorgarferli eftir að Sigríður Á. Andersen hefði skilið við flokkinn.

„Það verður til Miðflokkur sem var angi gamla Framsóknarflokknum. Sem hafa tekið upp einhverja anga Sjálfstæðisflokksins, sem hefur verið að reyna að halda saman ríkisstjórn. Og þeir tala frjálslega.“

Vinnur að því að fá Jón í baráttusætið

Brynjar sagði hinum megin svokallaður frjálslyndur armur hægrimanna sem er Viðreisn og flokkurinn leiki því fylgi.

„Það sem þýðir að menn þurfa að bretta upp ermar. Ég segi við Sjálfstæðismenn, þetta er flokkurinn okkar. Okkur hafa verið mislagðar hendur, miðla málum og allt þetta en samt er árangurinn þetta góður, en svona eru hlutirnir. Ég kann engin betri svör.“

Brynjar var þá spurður út í fóstbróður sinn í pólitíkinni, sem yfirgaf Valhöll í skyndi þegar ljóst var að Þórdís Kolbrún Gylfadóttir Reykfjörð hafði haft betur gegn honum.

„Jón Gunnarsson? Já, ég heyrði í honum í hádeginu. Ég held að vont sé fyrir flokkinn að hann sé ekki í flokknum. Ég er að vinna í því að hann taki fimmta sætið, baráttusætið.“

Pallborðið var skemmtilegt og upplýsandi. Til að mynda segir Oddný dramatíska sögu af því þegar hún kom fyrst í landsmálin 2009 en hún hafði þá verið bæjarstjóri í Garðinum. Það var handleggur að taka við því búi.

Þá sagði hún frá því að hún hafi í fyrstu verið viðkvæm fyrir gagnrýni, en eftir eina slíka rimmu hafi Bjarni Benediktsson hringt í sig, talað fallega við sig og hughreyst. Að lonum kosningunum 2016 þegar flokkurinn undir leiðsögn Oddnýjar var nálægt því að þurrkast út.

„Hann talaði svo fallega við mig og ég hef alltaf kunnað að meta það við hann. Hann talaði við mig sem formaður sem hafði reynt ýmislegt í sínum flokki. Það var fallegt. Svo héldum við áfram að rífast daginn eftir.“

Pallborðið í heild sinni má sjá að neðan.