Arnór Ingvi skoraði eitt og annað dæmt af

Það voru gestirnir í Brommapojkarna sem komust yfir á 19. mínútu leiksins en í uppbótartíma fyrri hálfleiks jafnaði Arnór Ingvi metin með góðum skalla af stuttu færi og staðan 1-1 í hálfleik.

Snemma í síðari hálfleik hélt Arnór Ingvi að hann hefði komið heimamönnum yfir en markið dæmt af vegna naumrar rangstöðu og lokatölur leiksins því 1-1 jafntefli. Arnór Ingvi spilaði allan leikinn á miðju Norrköping.

Norrköping er nú í 12. sæti með 28 stig þegar þrjár umferðir eru til loka tímabilsins. Arnór Ingvi og félagar eru aðeins fimm stigum frá fallsæti og aðeins einu stigi frá umspilssæti en þriðja neðsta lið efstu deildar mætir þriðja efsta liði B-deildar í leik um sæti í efstu deild að ári.