Dregið var í dag og mæta Keflavíkurkonur grönnum sínum úr Njarðvík í nýju IceMar-höllinni, en Keflavíkurkarlar taka á móti Tindastóli í leik liðanna sem mættust í úrslitaleik í Laugardalshöll á síðustu leiktíð.
Aðeins einn annar úrvalsdeildarslagur er í 16-liða úrslitum kvenna en þar mætast Valur og Haukar. Hjá körlunum eru hins vegar fjórir leikir þar sem úrvalsdeildarlið mætast, til að mynda stórleikur á milli Vals og Grindavíkur. Þór tekur á móti Stjörnunni í Þorlákshöfn og KR sækir Hött heim á Egilsstaði.
Hér að neðan má sjá dráttinn í heild sinni. Leikirnir hjá konunum fara fram dagana 7.-8. desember en karlarnir spila 8.-9. desember.
- 16-liða úrslit kvenna:
- Hamar/Þór - KR
- Grindavík - Snæfell
- Aþena - Ármann
- Valur - Haukar
- Fjölnir - Stjarnan
- Selfoss - Tindastóll
- ÍR - Þór Akureyri
- Njarðvík - Keflavík
- 16-liða úrslit karla:
- Þór Þ. - Stjarnan
- Breiðablik - Haukar
- Álftanes - Snæfell
- Sindri - KV
- Njarðvík - Selfoss
- Keflavík - Tindastóll
- Höttur - KR
- Valur - Grindavík
Undanúrslitin og úrslitin í VÍS-bikarnum fara fram í Smáranum í Kópavogi í mars á næsta ári.
