Ekki púað á Snorra Jakob Bjarnar skrifar 11. nóvember 2024 14:51 Snorri Másson frambjóðandi var ræðumaður á Herrakvöldi UMF Selfossi á föstudagskvöldið. Reynir Traustason ritstjóri Mannlífs komst á snoður um að ræða hans hafi fjallið í grýttan jarðveg, hafði Karen Kjartansdóttur fyrir því en eitthvað hefur farið á milli mála. vísir/samsett Ein mest lesna frétt fréttavefsins Mannlífs um þessar mundir er undir fyrirsögninni „Púað á Snorra“. Eitthvað er það málum blandið og við ritun og birtingu fréttarinnar gerði Reynir Traustason ritstjóri þau örmu mistök að upplýsa um heimildarmann sinn – í ógáti. Um er að ræða framgöngu á herrakvöldi á Selfossi þar sem Snorri Másson frambjóðandi var annar ræðumanna. Hinn var Stefán Einar Stefánsson fjölmiðlamaður og kampavínsinnflytjandi. En tónlistina annaðist Ingó veðurguð. Í frásögn Mannlífs kemur fram að Snorri hafi hrökklast af sviðinu við illan leik. „Óánægja með boðskap ræðumannsins magnaðist og Snorri gafst upp á að halda áfram með ræðu sína og steig af sviðinu. Hávært klapp og fögnuður gaf til kynna að viðstaddir söknuðu hans ekki. Margir telja kvöldið hafa verið eftirminnilegt en að uppákoman hafi ekki aukið vinsældir Miðflokksins …“ segir Mannlíf. Ekki segja Reyni af herrakvöldi á Selfossi Hvað er satt og hvað er logið í þessari einkennilegu frásögn? Vísir grófst fyrir um það og byrjaði á heimildarmanninum sem óvart var upplýst um í upprunalegu útgáfunni. Karen Kjartansdóttir ráðgjafi, sem nú um stundir starfar fyrir Framsóknarflokkinn. Í skjáskoti sem gengur manna á millum, af fréttinni eins og hún birtist í fyrstu, kemur fram að Reynir vann fréttina upp úr skilaboðasendingum þeirra á milli. Skilaboðin birtust neðan við fréttina, copy-paste mistök ef svo má segja. Mikil stemmning var á herrakvöldinu og þar var ýmislegt sér til dundurs gert eins og sjá má á þessum aðgöngumiða. „Aldrei segja Reyni Traustasyni af Herrakvöldi Selfoss, hann mun afrita nafn heimildarmannsins og greina þannig fá því sem hann segir,“ segir Karen í samtali við Vísi. Hún veit ekki hvort hún á að hlæja eða gráta. Aðallega hlæja þó. Karen segir að Reynir hafi haft samband við sig, því hann hafi heyrt þetta úr öðrum áttum og spurt sig út í þetta herrakvöld. En hún hafi vissulega ekki sjálf verið á því en heyrði í mörgum sem voru á téðu Herrakvöldi. Og sá dómur hafi fallið þar, meðal annars í vöfflukaffi hjá Framsóknarmönnum þar sem menn gerast sýslumannslegir, að þetta hafi verið erfitt hjá frambjóðandanum. Það hafi þetta verið altalað. Erfir ekki særindi Framsóknarmanna En hvað segir Snorri sjálfur? „Já, ertu að tala um Framsóknarfréttina. Frétt Karenar Kjartansdóttur?“ spyr Snorri sem var á leið í klippingu þegar Vísir náði í skottið á honum. Varstu púaður af sviðinu? „Hahaha, nei, alls ekki,” segir Snorri. Hann segir að allir sem þarna hafi verið geti vitnað um það. Snorri segir þetta reyndar hafa verið einkar ánægjulega stund. „Ég hafði mikla ánægju af herrakvöldinu á föstudaginn og erfi það ekki við Framsóknarmenn að verða sárir yfir málflutningi mínum.“ Snorri telur að þetta hafi kannski fallið í grýttan jarðveg hjá einum Framsóknarmanni en það hafi verið viðbúið. Mælir með Snorra sem ræðumanni Hvað er satt og hverju er logið í þessu dularfulla máli? Í raun verður að kveða til dómara og hann er Tómas Þóroddsson veitingamaður, sem er einn þeirra sem stóð fyrir kvöldinu. Tómas segir að Snorri hafi komist vel frá sínu og hann mælir með honum, klárlega, sem ræðumanni. Með honum á myndinni er Ingó tónlistarmaður sem lokaði kvöldinu með glæsibrag. „Nei. Það var ekki púað. Það voru einhver frammíköll: „Þetta á ekki að vera stjórnmálafundur!“ Og: „Þetta er ekki stjórnmálafundur, hættu þessari pólitík.“ En það var lágt,“ segir Tómas. En var hann púaður af sviðinu? „Neinei, hann kláraði ræðuna sína. Ég veit auðvitað ekkert um það hvort hann stytti ræðuna. En hann var að tala um steggjunina sína, að þar hafi hann kynnst Sigmundi Davíð og af hverju hann fór út í þetta. Þetta var enginn áróður, alls ekki. Mér fannst hann komast vel frá þessu.“ Og þú mælir með honum sem ræðumanni? „Já, klárlega, ég mæli með honum á herrakvöld. Og, ég held að Karen hafi ekki verið þarna. Enda, herrakvöld,“ segir Tómas. Og þar höfum við það. Alþingiskosningar 2024 Miðflokkurinn Framsóknarflokkurinn Áfengi og tóbak Samkvæmislífið Árborg Mest lesið Bað um 12 milljónir til að halda tónlistarhátíð í öðru sveitarfélagi Innlent Telja að maðurinn sé fundinn Innlent Segja ógnarstjórn ríkja á Þjóðminjasafninu Innlent „Þetta er mjög þungt og erfitt“ Innlent Telja manninn hafa örmagnast við sjósundsæfingar Innlent Reknir fyrir að vinna ekki nógu mikið Innlent Kærir Costner fyrir „ofbeldisfulla óundirbúna“ nauðgunarsenu Erlent „Yndisleg kvöldstund í þessum þunga harmi okkar“ Innlent Margra kílómetra bílaröð eftir árekstur á Vesturlandsvegi Innlent Gert að finna aðra staðsetningu fyrir hjólhýsabyggðina Innlent Fleiri fréttir Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Færa boðuð gagnmótmæli gegn rasisma vegna ofbeldisógnar Telja manninn hafa örmagnast við sjósundsæfingar Gömul strætóskýli verði nýtt sem „byttebox“ Segja ógnarstjórn ríkja á Þjóðminjasafninu Gert að finna aðra staðsetningu fyrir hjólhýsabyggðina Sofandi á byggingarsvæðinu og „í vandræðum með vin sinn“ „Okkur langar að börnin okkar fái öruggan stað til að vera á“ Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Biblíur og Kjarval sameinast í Vestmannaeyjum Tapaði 20 milljónum á svipstundu við að samþykkja beiðni Sjaldséð heimsókn utanríkisráðherra og háar upphæðir sem hverfa Ætla ekki að minnka leyfilegan dagsafla Leitinni að sundmanninum lokið að sinni „Arfavitlaus lausn“ að minnka aflann í hverri veiðiferð Barn fórst í Hvítá í gær Sjá meira
Um er að ræða framgöngu á herrakvöldi á Selfossi þar sem Snorri Másson frambjóðandi var annar ræðumanna. Hinn var Stefán Einar Stefánsson fjölmiðlamaður og kampavínsinnflytjandi. En tónlistina annaðist Ingó veðurguð. Í frásögn Mannlífs kemur fram að Snorri hafi hrökklast af sviðinu við illan leik. „Óánægja með boðskap ræðumannsins magnaðist og Snorri gafst upp á að halda áfram með ræðu sína og steig af sviðinu. Hávært klapp og fögnuður gaf til kynna að viðstaddir söknuðu hans ekki. Margir telja kvöldið hafa verið eftirminnilegt en að uppákoman hafi ekki aukið vinsældir Miðflokksins …“ segir Mannlíf. Ekki segja Reyni af herrakvöldi á Selfossi Hvað er satt og hvað er logið í þessari einkennilegu frásögn? Vísir grófst fyrir um það og byrjaði á heimildarmanninum sem óvart var upplýst um í upprunalegu útgáfunni. Karen Kjartansdóttir ráðgjafi, sem nú um stundir starfar fyrir Framsóknarflokkinn. Í skjáskoti sem gengur manna á millum, af fréttinni eins og hún birtist í fyrstu, kemur fram að Reynir vann fréttina upp úr skilaboðasendingum þeirra á milli. Skilaboðin birtust neðan við fréttina, copy-paste mistök ef svo má segja. Mikil stemmning var á herrakvöldinu og þar var ýmislegt sér til dundurs gert eins og sjá má á þessum aðgöngumiða. „Aldrei segja Reyni Traustasyni af Herrakvöldi Selfoss, hann mun afrita nafn heimildarmannsins og greina þannig fá því sem hann segir,“ segir Karen í samtali við Vísi. Hún veit ekki hvort hún á að hlæja eða gráta. Aðallega hlæja þó. Karen segir að Reynir hafi haft samband við sig, því hann hafi heyrt þetta úr öðrum áttum og spurt sig út í þetta herrakvöld. En hún hafi vissulega ekki sjálf verið á því en heyrði í mörgum sem voru á téðu Herrakvöldi. Og sá dómur hafi fallið þar, meðal annars í vöfflukaffi hjá Framsóknarmönnum þar sem menn gerast sýslumannslegir, að þetta hafi verið erfitt hjá frambjóðandanum. Það hafi þetta verið altalað. Erfir ekki særindi Framsóknarmanna En hvað segir Snorri sjálfur? „Já, ertu að tala um Framsóknarfréttina. Frétt Karenar Kjartansdóttur?“ spyr Snorri sem var á leið í klippingu þegar Vísir náði í skottið á honum. Varstu púaður af sviðinu? „Hahaha, nei, alls ekki,” segir Snorri. Hann segir að allir sem þarna hafi verið geti vitnað um það. Snorri segir þetta reyndar hafa verið einkar ánægjulega stund. „Ég hafði mikla ánægju af herrakvöldinu á föstudaginn og erfi það ekki við Framsóknarmenn að verða sárir yfir málflutningi mínum.“ Snorri telur að þetta hafi kannski fallið í grýttan jarðveg hjá einum Framsóknarmanni en það hafi verið viðbúið. Mælir með Snorra sem ræðumanni Hvað er satt og hverju er logið í þessu dularfulla máli? Í raun verður að kveða til dómara og hann er Tómas Þóroddsson veitingamaður, sem er einn þeirra sem stóð fyrir kvöldinu. Tómas segir að Snorri hafi komist vel frá sínu og hann mælir með honum, klárlega, sem ræðumanni. Með honum á myndinni er Ingó tónlistarmaður sem lokaði kvöldinu með glæsibrag. „Nei. Það var ekki púað. Það voru einhver frammíköll: „Þetta á ekki að vera stjórnmálafundur!“ Og: „Þetta er ekki stjórnmálafundur, hættu þessari pólitík.“ En það var lágt,“ segir Tómas. En var hann púaður af sviðinu? „Neinei, hann kláraði ræðuna sína. Ég veit auðvitað ekkert um það hvort hann stytti ræðuna. En hann var að tala um steggjunina sína, að þar hafi hann kynnst Sigmundi Davíð og af hverju hann fór út í þetta. Þetta var enginn áróður, alls ekki. Mér fannst hann komast vel frá þessu.“ Og þú mælir með honum sem ræðumanni? „Já, klárlega, ég mæli með honum á herrakvöld. Og, ég held að Karen hafi ekki verið þarna. Enda, herrakvöld,“ segir Tómas. Og þar höfum við það.
Alþingiskosningar 2024 Miðflokkurinn Framsóknarflokkurinn Áfengi og tóbak Samkvæmislífið Árborg Mest lesið Bað um 12 milljónir til að halda tónlistarhátíð í öðru sveitarfélagi Innlent Telja að maðurinn sé fundinn Innlent Segja ógnarstjórn ríkja á Þjóðminjasafninu Innlent „Þetta er mjög þungt og erfitt“ Innlent Telja manninn hafa örmagnast við sjósundsæfingar Innlent Reknir fyrir að vinna ekki nógu mikið Innlent Kærir Costner fyrir „ofbeldisfulla óundirbúna“ nauðgunarsenu Erlent „Yndisleg kvöldstund í þessum þunga harmi okkar“ Innlent Margra kílómetra bílaröð eftir árekstur á Vesturlandsvegi Innlent Gert að finna aðra staðsetningu fyrir hjólhýsabyggðina Innlent Fleiri fréttir Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Færa boðuð gagnmótmæli gegn rasisma vegna ofbeldisógnar Telja manninn hafa örmagnast við sjósundsæfingar Gömul strætóskýli verði nýtt sem „byttebox“ Segja ógnarstjórn ríkja á Þjóðminjasafninu Gert að finna aðra staðsetningu fyrir hjólhýsabyggðina Sofandi á byggingarsvæðinu og „í vandræðum með vin sinn“ „Okkur langar að börnin okkar fái öruggan stað til að vera á“ Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Biblíur og Kjarval sameinast í Vestmannaeyjum Tapaði 20 milljónum á svipstundu við að samþykkja beiðni Sjaldséð heimsókn utanríkisráðherra og háar upphæðir sem hverfa Ætla ekki að minnka leyfilegan dagsafla Leitinni að sundmanninum lokið að sinni „Arfavitlaus lausn“ að minnka aflann í hverri veiðiferð Barn fórst í Hvítá í gær Sjá meira
Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“