Smitten á lista yfir mesta tekju­aukningu á Norður­löndum

Smitten er stefnumóta-app sem stofnað var árið 2020 af íslendingum og er með höfuðstöðvar í Reykjavík. Appið naut strax mikilla vinsælda hjá Íslendingum og hefur veitt einu stærsta stefnumótaappi heims, Tinder, harða samkeppni. 

„Niðurstaðan er frábær viðurkenning fyrir okkur, og veitir okkur byr undir báða vængi. 

Smitten hefur náð góðri fótfestu í Svíþjóð, Noregi og Danmörku, auk Íslands, og við erum að sækja tekjur frá þeim mörkuðum”, segir Davíð Örn Símonarson, framkvæmdastjóri og annar stofnenda Smitten.

Fjármögnun upp á tæpa tvo milljarða

Smitten er með rúmlega 400 milljónir í árstekjur sem koma í gegnum áskriftir notenda. Smitten hefur hlotið fjármögnun upp á tæplega 2 milljarða, en fá stefnumótaöpp í heiminum, hafa fengið jafn mikla fjárfestingu og Smitten, í seinni tíð.

„Við höfum lagt gríðarlegan metnað á undanförnum árum í að auka virði áskriftarleiða fyrir viðskiptavini okkar, sem hefur skilað sér í miklum tekjuvexti. 

Þó að grunnvaran sé mjög góð, þá eru mörg sem kjósa að fara áskriftarleiðina til þess að fá betri innsýn inn í stefnumótalíf sitt,” segir Ingi Brown, tekju- og vaxtarstjóri Smitten.

Skemmtilegasta stefnumóta-appið

Strax í upphafi var stefnan sett á að verða skemmtilegasta stefmumótaappið og áhersla lögð á að notendur eigi betri samtöl á Smitten en á öðrum stefnumótaöppum. Meðal nýjunga sem Smitten setti fram voru persónulegir leikir og gagnvirkir prófílar sem gerir notendum auðveldara að byrja samtöl.

Hér má sjá lista Sifted fyrir Norðurlöndin og Evrópu.