Innlent

Grautfúl að tapa for­seta­kosningunum

Heimir Már Pétursson skrifar
Katrín Jakobsdóttirsegist hafa boðið sig fram til embættis forseta til að vinna kosningarnar og því orðið grútfúl að tapa þeim. Hún sjái hins vegar ekki eftir að hafa boðið sig fram.
Katrín Jakobsdóttirsegist hafa boðið sig fram til embættis forseta til að vinna kosningarnar og því orðið grútfúl að tapa þeim. Hún sjái hins vegar ekki eftir að hafa boðið sig fram. Vísir/Vilhelm

Katrín Jakobsdóttir segist hafa orðið grautfúl eftir að hafa tapað forsetakosningunum því hún hafi að sjálfsögðu farið í þær til að vinna kosningarnar. Í Samtalinu með Heimi Má á Stöð 2 í kvöld segist hún hafa fundið til djúprar sorgar þegar Vinstri græn félllu af þingi í nýafstöðnum alþingiskosningum.

Hreyfingin hafi þrátt fyrir allt komið mörgum góðum málum í gegn en verið hart dæmd. Í dag er hún sérlegur sendifulltrúi Hringborðs norðuslóða og útilokar ekki að gefa minningar sínar út á bók.

Katrín Jakobsdóttir segir að það hafi verið mikið áfall þegar Vinstri græn féllu af þingi eftir 25 ára veru þar.Vísir/Vilhelm

„Ég ætla ekki að ljúga neinu um það að sunnudaginn eftir kosningar upplifði ég verulega djúpa sorg. Ég ætla líka að segja að mér fannst við hart dæmd," sagði Katrín. Þau 25 ár sem Vinstrihreyfingin grænt framboð var á þingi hafi hreyfingin haft ótrúlega mikil áhrif á landsmálin.

„Bæði í stjórnarandstöðu fyrir hrun í ríkisstjórninni sem sinnti endurreisnarstarfi eftir hrun. Sem flokkur í stjórnarandstöðu sem alltaf var á vaktinni fyrir ýmis mannréttindamál, náttúruvernd og umhverfisvernd og auðvitað fyrir gildi félagshyggjunnar. Og svo auðvitað á síðustu sjö árum í ríkisstjórn þar sem ég tel að við höfum náð miklum árangri þótt að auðvitað hafi ekki allt náðst í gegn," sagði Katrín í Samtalinu.

Það þarf kannski líka að huga að heilbrigði hreyfingarinnar og kannski er það að koma í bakið á hreyfingunni núna að hún sýndi of mikið langlundargeð?

„Alveg vafalaust og vafalaust má benda á mig í þeim efnum. Það má örugglega benda á einhverja fleiri ef fólk vill. Stóra málið held ég og verkefnið sem formaður hreyfingarinar stendur fyrir og hennar fólk í forystunni er hvernig ætla þau núna að halda áfram," sagði forsætisráðherrann fyrrverandi. Flokkur væri bara tæki utanum einhver mál og þessi mál væru ekkert að fara.

Katrín segir það bíða núverandi formanns og forystu Vinstri grænna að byggja hreyfinguna upp.Vísir/Vilhelm

Katrín fékk rétt rúmlega 25 prósent atkvæða í forsetakosningunum í júni og hlaut næst mesta fylgið á eftir Höllu Tómasdóttur sem var kjörin með rétt rúmlega 34 prósentum atkvæða.

„Í fyrsta lagi fannst mér gaman í þessari forsetakosningabaráttu. Ég kynntist nýju fólki, fékk einhvern veginn aðra sýn á samfélagið. Þegar maður er á ferð um landið til dæmis sem stjórnmálamaður færðu ákveðna sýn og þu hittir ákveðið fólk. Svo ferðu sem forsetaframbjóðandi og hittir annað fólk sem hefur aðra hluti að segja þér. Þannig að það var í fyrsta lagi mjög gefandi. Ég var auðvitað grautfúl að tapa þessum kosningum. Ég fór í þetta til að vinna, að sjálfsögðu," sagði Katrín Jakobsdóttir.

Í Samtalinu ræddi hún einnig meðal annars hvað hún væri með á prjónunum þessa dagana. Það væru nokkur bretti með skjölum frá henni á Þjóðskjalasafninu sem hún væri að grúska í og útilokaði ekki að gefa út endurminningar sínar.

Hér má sjá Samtalið í heild sinni:

Klippa: Samtalið með Heimi Má: Katrín Jakobsdóttir
Samtalið Forsetakosningar 2024 Alþingiskosningar 2024 Ríkisstjórn Katrínar Jakobsdóttur (2017-2024) Ríkisstjórn Bjarna Benediktssonar Alþingi Vinstri græn

Tengdar fréttir

Telja flokkana þrjá geta fundið sterka sameiginlega samnefnara

Þorsteinn Pálsson fyrrverandi forsætisráðherra og einn stofnenda Viðreisnar og Ingibjörg Sólrún Gísladóttir fyrrverandi utanríkisráðherra og formaður Samfylkingarinnar segja nýliðnar alþingiskosningar staðfesta miklar breytingar á flokkakerfinu. Þau telja að þeir flokkar sem nú reyna að mynda ríkisstjórn ættu að geta fundið sameiginlegan samnefnara og eru bjartsýn á að þeim takist að mynda ríkisstjórn.

Hlutverk flokksforingja stórlega ofmetið í kosningabaráttunni

Ólafur Þ. Harðarson prófessor emiritus í stjórnmálafræði við Háskóla Íslands segir hlutverk leiðtoga stjórnmálaflokkanna í öflun vinsælda flokkanna stórlega ofmetið. Sjálfstæðisflokkurinn og Miðflokkurinn bítist nú á um 30 prósenta fylgi hægriflokka á Íslandi en nái ekki út fyrir þann bergmálshelli.

Milljónir ekki komið til Íslands þótt þær gætu það

Sanna Magadela Mörtudóttir oddviti Sósíalistaflokksins fyrir komandi alþingiskosningar segir milljónir manna innan Evrópska efnahagssvæðisins og Schengen ekki hafa komið til Íslands þótt þær gætu það með fullum rétti. Í Samtalinu með Heimi Má á fimmtudag sagði hún Sjálfstæðisflokkinn hafa farið með dómsmálaráðuneytið meira og minna allt frá því þessi samningar voru gerðir og nú kvartaði flokkurinn yfir því að innviðir landsins þyldu ekki þær þúsundir manna sem hingað hafi komið til að vinna á undanförnum árum.

Píratar stefna á stjórnarsamstarf án Sjálfstæðisflokksins

Þórhildur Sunna Ævardóttir þingflokksformaður Pírata er sannfærð um að hreyfingunni takist að koma fulltrúum á þing þótt á brattan hafi verið að sækja í könnunum að undanförnu. Í Samtalinu með Heimi Má segir hún Pírata stefna að því að komast í ríkisstjórn en muni þó ekki mynda stjórn með Sjálfstæðisflokknum.

Kallar eftir um­boði þjóðarinnar til breytinga

Hún kom eins og óskrifað blað inn í íslensk stjórnmál fyrir alþingiskosningarnar 2021 og var orðin formaður Samfylkingarinnar um ári síðar. Fljótlega varð ljóst að hún var stjórnmálamaður af annarri skúffu en flestir. Hún ferðaðist um landið með opna fundi og upp úr þeim ferðum mótaði hún nýja stefnu fyrir Samfylkinguna sem var nálægt því að þurrkast út í kosningunum 2016.

Þakklát fyrir að missa ekki sjónina síðar á ævinni

Inga Sæland formaður og stofnandi Flokks fólksins gerir lítið úr væringum innan flokksins nú þegar hún leiðir hann í fjórða sinn í kosningum til Alþingis. Tveir áberandi þingmenn í forystu flokksins, Tómas A. Tómasson í Reykjavíkurkjördæmi norður og Jakob Frímann Magnússon í Norðausturkjördæmi, fengu ekki brautargengi til að leiða flokkinn í kjördæmum sínum.

For­maður Fram­sóknar segir ríkis­stjórnina hafa talað sjálfa sig niður

Sigurður Ingi Jóhannsson formaður Framsóknarflokksins hefur lagt sjálfan sig að veði í komandi alþingiskosningum með því að taka annað sæti á lista flokksins í Suðurkjördæmi. Þar með baráttusætið því flokkurinn hefur ekki mælst með mann inni úr kjördæminu í nýjustu könnunum.

Þorgerður Katrín: Enginn ráðskonurass undir fólki í Viðreisn

Þorgerður Katrín Gunnarsdóttir formaður Viðreisnar er keppniskona með mikla reynslu af stjórnmálum og er kominn í hlaupaskóna fyrir næstu alþingiskosningar. Hún segir engann „ráðskonurass undir fólki í Viðreisn," sem taki almannahagsmuni fram yfir sérhagsmuni.   Þegar Benedikt Jóhannesson, aðalhvatamaður að stofnun Viðreisnar og fyrsti formaður flokksins, sagði af sér formennskunni aðeins sautján dögum fyrir kosningarnar 2017, stökk Þorgerður Katrín upp í brú á þessu nýsjósetta skipi í ólgusjó íslenskra stjórnmála og kom því í höfn.

Brotthvarf Katrínar hafði mikil áhrif

Svandís Svavarsdóttir er staðráðin í að Vinstrihreyfingin grænt framboð nái fulltrúum á þing í næstu alþingiskosningum þótt kannanir að undanförnu sýni að þar verði á brattan að sækja. Í Samtalinu á Vísi á fimmtudag fór hún yfir erindi hreyfingarinnar, stjórnarsamstarfið með Sjálfstæðisflokki og Framsókn í sjö ár og hvaða mál það eru sem hún telur mikilvægt að ná í gegn á Alþingi fyrir kosningar.

Telja flokkana þrjá geta fundið sterka sameiginlega samnefnara

Þorsteinn Pálsson fyrrverandi forsætisráðherra og einn stofnenda Viðreisnar og Ingibjörg Sólrún Gísladóttir fyrrverandi utanríkisráðherra og formaður Samfylkingarinnar segja nýliðnar alþingiskosningar staðfesta miklar breytingar á flokkakerfinu. Þau telja að þeir flokkar sem nú reyna að mynda ríkisstjórn ættu að geta fundið sameiginlegan samnefnara og eru bjartsýn á að þeim takist að mynda ríkisstjórn.

Mest lesið


Fleiri fréttir

Sjá meira


×

Mest lesið