Hákon kom inn af bekknum fyrir Brentford á 36. mínútu í markalausu jafntefli gegn Brighton vegna meiðsla aðalmarkvarðar liðsins, Mark Flekken.
Þetta var fyrsti leikur Hákons fyrir Brentford í ensku úrvalsdeildinni og gerði Gróttumaðurinn fyrrverandi vel í að halda marki gestanna hreinu í um það bil klukkustund í þessari sterku deild.
Það er ekki á hverjum degi sem við Íslendingar eignumst nýjan leikmann í ensku úrvalsdeildinni, en Hákon varð í gær aðeins 21. Íslendingurinn til að spila leik í efstu deild Englands. Albert Guðmundsson, sem fékk undanþágu til að leika tvo leiki sem áhugamaður með Arsenal árið 1946, var fyrstur Íslendinga til að afreka það.
Alls hafa sex íslenskir leikmenn leikið yfir hundrað leiki í ensku úrvalsdeildinni og er Hermann Hreiðarsson þeirra leikjahæstur með 332 leiki. Þar á eftir kemur Gylfi Þór Sigurðsson með 318 leiki og á eftir honum er Eiður Smári Guðjohnsen með 211 leiki.
Áðurnefndir Gylfi Þór og Eiður Smári eru markahæstu Íslendingarnir í ensku úrvalsdeildinni með 67 og 55 mörk og Heiðar Helguson er þriðji markahæstur með 28 mörk.
Íslendingar í efstu deild Englands
Hermann Hreiðarsson - 332 leikir og 14 mörk
Gylfi Þór Sigurðsson - 318 leikir og 67 mörk
Eiður Smári Guðjohnsen - 211 leikir og 55 mörk
Guðni Bergsson - 201 leikur og 10 mörk
Jóhann Berg Guðmundsson - 162 leikir og 10 mörk
Grétar Rafn Steinsson - 126 leikir og 4 mörk
Heiðar Helguson - 96 leikir og 28 mörk
Sigurður Jónsson - 75 leikir og 5 mörk
Ívar Ingimarsson - 72 leikir og 4 mörk
Aron Einar Gunnarsson - 51 leikur og 2 mörk
Arnar Gunnlaugsson - 45 leikir og 3 mörk
Brynjar Björn Gunnarsson - 43 leikir og 3 mörk
Þorvaldur Örlygsson - 37 leikir og 2 mörk
Jóhannes Karl Guðjónsson - 32 leikir og 2 mörk
Lárus Orri Sigurðsson - 29 leikir og 0 mörk
Þórður Guðjónsson - 10 leikir og 1 mark
Jóhann Birnir Guðmundsson - 9 leikir og 0 mörk
Eggert Gunnþór Jónsson - 3 leikir og 0 mörk
Albert Guðmundsson - 2 leikir og 0 mörk
Rúnar Alex Rúnarsson - 1 leikur og 0 mörk
Hákon Rafn Valdimarsson - 1 leikur og 0 mörk
