Albert skoraði á móti gömlu fé­lögunum

Albert kom Fiorentina í 2-0 á 28. mínútu eftir að Moise Kean hafði skorað fyrsta markið strax á áttundu mínútu.

Mark Albert kom með vinstri fótar skoti utarlega út teignum eftir stoðsendingu frá Robin Gosens.

Þetta var fyrsta skot íslenska landsliðsmannsins í leiknum.

Þetta er annars fjórða deildarmark Alberts fyrir Fiorentina á leiktíðinni en það fyrsta síðan í byrjun október.

Albert missti af fyrri leiknum á móti Genoa vegna meiðsla.

Genoa minnkaði muninn í seinni hálfleik og lokatölur urðu 2-1. Mark Alberts var því að endanum það mark sem skildi á milli liðanna.