Brighton lét króatískt fé­lag breyta merki sínu

NK Jadran-Galeb spilar í þriðju deildinni í Króatíu en virðist hafa hermt eftir merki Brighton.

Króatíska félagið fékk í framhaldinu formlegt bréf fá Brighton eftir að forráðamenn enska félagsins sáu hversu merkin voru lík.

NK Jadran-Galeb ákvað í framhaldinu að láta hanna nýtt merki fyrir félagið og hefur nú opinberað það.

Viðurnefni Brighton liðsins eru Seagulls, eða hvítmávarnir á íslensku. Mávurinn var líka áberandi á merki Brighton sem og á merki NK Jadran-Galeb.

Á nýja merkinu, sem má sjá hér fyrir neðan, má áfram sjá mávinn en hann hefur þó breyst töluvert.