Ók á fólk á götum München: Börn á meðal hinna slösuðu

Fyrstu fregnir benda til þess að að minnsta kosti fimmtán séu særðir og að ein kona hafi látið lífið, samkvæmt Süddeutsche zeitung. Börn eru sögð meðal hinna slösuðu.

Í frétt Bild segir að bíllinn sé af gerðinni Mini Cooper en honum mun hafa verið ekið á fólk sem var að taka þátt í mótmælum á vegum verkalýðsfélags starfsmanna í almenningssamgöngum.

Stór öryggisráðstefna fer fram í borginni um helgina, þar sem ráðamenn Vesturlanda munu meðal annars ræða innrás Rússa í Úkraínu og önnur öryggismál. Atvikið er sagt hafa átt sér stað tiltölulega skammt frá staðnum þar sem ráðstefnan verður haldin.

Í desember keyrði maður inn í hóp fólks á jólamarkaði í Magdeburg en þá létu sex lífið.

Fréttin verður uppfærð.