„Held að helvíti margir leikmenn hugsi: Hjúkk“ Valur Páll Eiríksson skrifar 19. mars 2025 12:30 Davíð Smári Lamude, þjálfari Vestra Vísir/Vilhelm Gunnarsson Davíð Smári Lamude, þjálfari karlaliðs Vestra í fótbolta, segir bann fyrirliða félagsins vegna veðmálabrota vera högg. Hann kveðst viss um að töluvert sé um veðmál hjá leikmönnum hérlendis. „Þetta er mikið högg fyrir okkur og ákveðið sjokk. Reglur eru reglur og þær ber að virða en ég held að það séu helvíti margir leikmenn í deildum Íslandsmóts KSÍ sem hugsa bara hjúkk, ef ég á að vera alveg hreinskilinn,“ segir Davíð Smári í samtali við íþróttadeild en hann er staddur ásamt leikmönnum Vestra á Spáni í æfingaferð. Davíð er þá spurður hvort hann haldi að þetta sé toppurinn á ísjakanum, að meira sé um veðmál leikmanna hérlendis en komið hafi í ljós. Hann segir mikla hættu á því vegna þess hve samofnar veðmálaauglýsingar séu orðnar allri fótboltaumræðu hérlendis. „Ég held það viti allir að það eru einhverjir í þessu að veðja á leiki. Auðvitað er þetta bannað en því miður er þetta eitthvað sem fylgir íþróttinni. Það er eitthvað sem við ráðum ekki við,“ „Það eru margar auglýsingar í kringum fótboltann sem eru á þessa vegu. Þegar menn hafa áhuga á fótbolta og hrærast í fótbolta virðist þetta vera komið inn á það að spá í úrslit og veðja á úrslit. Sem betur fer er ekki mikið um þetta hjá okkur í Vestra, ekki neitt svo ég viti af, en svo veit maður aldrei,“ segir Davíð Smári. Tekið mikið á Elmar Málið hafi tekið töluvert á Elmar Atla, en hann opinberaði sjálfur um brotin á Facebook í síðustu viku. Hann sé fullur iðrunar og hafi orðið á í messunni. „Þetta heftur tekið mjög mikið á hann. Elmar er algjör fyrirmynd ungu strákanna fyrir vestan og verður það áfram þrátt fyrir þetta. Sem leikmaður og sem persóna er hann til fyrirmyndar, hann er einstaklega góður drengur og vel gefinn. Klárlega er eitthvað þarna sem klikkar,“ segir Davíð. Ósáttir við lengd ferlisins Vestramenn eru þá ósáttir við tímann sem KSÍ tók til meðhöndlunar á málinu. Að upplýsingar um brot Elmars hafi legið fyrir í nóvember og þar með tekið fimm mánuði að komast að niðurstöðu. „Vinnutíminn hjá KSÍ, mér finnst hann mjög sérkennilegur. Ef það er rétt að þeir hafi verið með allar upplýsingar um málið í nóvember, af hverju er verið að draga þetta? Ég velti því fyrir mér, er hagur einhvers hafður í fyrirrúmi það. Ég skil ekki af hverju er verið að vinna þetta svona hægt,“ „Ef það hefði verið gefinn út sex mánaða dómur í nóvember eða tveggja mánaða dómur núna – þetta er skrýtið. En klárlega mikið högg fyrir okkur, en aðallega fyrir hann auðvitað,“ segir Davíð Smári. Reynt að takmarka veðmálaauglýsingar í Evrópu Starfsemi veðmálafyrirtækja og tengsl þeirra við íþróttaheiminn hafa verið töluvert til umræðu bæði hérlendis og erlendis undanfarin misseri. Rannsókn frá því í september síðastliðnum sýnir fram á að þrefalt fleiri veðmálaauglýsingar hafi verið til staðar í kringum fyrstu umferð ensku úrvalsdeildarinnar á þessari leiktíð, samanborið við leiktíðina á undan. Víða í Evrópu hafa skref verið tekin til að takmarka aðgengi veðmálafyrirtækja að knattspyrnufélögum. Frá og með tímabilinu 2026 til 2027 mega veðmálafyrirtæki ekki auglýsa framan á treyjum enskra knattspyrnuliða, en ellefu af tuttugu liðum í ensku úrvalsdeildinni eru með veðmálafyrirtæki sem aðalstyrktaraðila. Samskonar bönn taka gildi í Belgíu og Hollandi á næstu árum. Borið hefur á óánægju á meðal félaga í ensku úrvalsdeildinni vegna yfirvofandi banns en bresk stjórnvöld hafa aukið eftirlit til muna og má búast við að regluverkið þrengist enn frekar á næstu árum. Verið kallað eftir öfugri þróun á Íslandi Ísland hefur ekki verið undanskilið aukinni innreið veðmálafyrirtækja á markað undanfarin ár. Borið hefur á háværari röddum sem kalla eftir lögleiðingu veðmálaauglýsinga hérlendis og starfsleyfisveitingum. Hægt sé þannig að skattleggja starfsemina og skila arði af starfseminni ýmist til ríkissjóðs eða íslenskra íþróttafélaga. Þeir Sigmar Guðmundsson, Viðreisn, og Óli Björn Kárason, Sjálfstæðisflokki, kölluðu þá eftir því árið 2022 að fjölmiðlum væri heimilt að auglýsa veðmálastarfsemi. Það myndi renna styrkari stoðum undir rekstur einkarekinna miðla. Að fara þá leið væri í algjörri andstöðu við þróunina á meginlandinu þar sem yfirvöld, þá sérstaklega íþróttayfirvöld, hafa hert löggjöfina, líkt og enska úrvalsdeildin er dæmi um. Íslenskar getraunir, Lengjan, er eina veðmálafyrirtækið sem hefur starfsleyfi hérlendis. Íslendingar eru taldir eyða hundruðum milljóna árlega í veðmál hjá fyrirtækjum á við bet365, EpicBet og Coolbet, til að nefna þrjú dæmi. Þeim fyrirtækjum er ekki heimilt að auglýsa í innlendum fjölmiðlum en hafa orðið sífellt meira áberandi á samfélagsmiðlum og þá hafa íslensk hlaðvörp ýmist sætt sektum eða aðvörunum vegna auglýsinga á erlendum veðmálasíðum. Sýn var til að mynda sektað árið 2022 fyrir að auglýsa veðmálafyrirtækið Coolbet í hlaðvarpinu Þungavigtin. Vestri KSÍ Íslenski boltinn Besta deild karla Fótbolti Mest lesið Persónulegar ástæður fyrir brotthvarfi Vésteins Sport Blá og marin rétt fyrir EM: „Vissi ekki hvort ég ætti að hlæja eða gráta“ Sport Ólafur baðst afsökunar eftir leik: „Ég er bara rosalega viðkvæmur eins og er“ Körfubolti Real Madrid vill fara í viðræður við Liverpool um Trent Enski boltinn Tóku Valsmenn til bæna: „Það er kannski helvítis málið, það er ekki hungur í paradís“ Íslenski boltinn Segir að Cecilía verði keypt fyrir metverð Fótbolti Sjáðu partýið í Kópavogi, Gylfa afgreiða Fram og nýliðana í stuði Íslenski boltinn Valdi fjórar verstu hornspyrnur ÍBV: „Þessi var helvíti slæm“ Íslenski boltinn Hildur fékk svakalegt glóðarauga Fótbolti „Komum Gylfa Þór meira í boltann“ Fótbolti Fleiri fréttir Valdi fjórar verstu hornspyrnur ÍBV: „Þessi var helvíti slæm“ Tóku Valsmenn til bæna: „Það er kannski helvítis málið, það er ekki hungur í paradís“ Sjáðu partýið í Kópavogi, Gylfa afgreiða Fram og nýliðana í stuði „Þetta er eins og eldgamla tómatsósan“ Uppgjörið: Víkingur - Fram 3-2 | Gylfi Þór skoraði fyrsta mark sitt í torsóttum sigri Víkings Uppgjörið: Afturelding - Stjarnan 3-0 | Nýliðarnir öflugir á heimavelli Uppgjörið: Breiðablik - KR 3-3 | Stórleikurinn stóðst væntingarnar Valskonur ólíkar sér: Kallar eftir hungraðri Nadíu í stað Rhodes Sjáðu Flóka færa Val fyrsta tapið, ÍA í stuði og hvernig Vestri fór á toppinn Þorleifur snýr heim í Breiðablik Uppgjörið: FH - Valur 3-0| FH skellti Valsmönnum Nik sendi Ástu skeyti: „Mikil eftirvænting fyrir þessari frumraun“ Uppgjörið: ÍA - KA 3-0 | Skagamenn risu upp og Viktor fann markaskóna Uppgjörið: ÍBV - Vestri 0-2 | Vestramenn aftur á toppinn Sjáðu markaveislu Breiðabliks og FH og mörkin úr sögulegum sigri Fram „Við gátum ekki farið mikið neðar“ Uppgjörið: Stjarnan - Valur 1-0 | Stjarnan fyrst til að skora gegn Val FH-ingar kláruðu Akureyringa á korteri og jöfnuðu Blika á toppnum Leik lokið: Þróttur - Tindastóll 1-0 | Eina markið skorað úr fyrstu sókn leiksins Uppgjörið: Fram - FHL 2-0 | Fram nældi í sín fyrstu stig í nýliðaslagnum við FHL Uppgjörið: Breiðablik - Víkingur 4-0 | Meistararnir með markaveislu í sólinni „Þetta var ákvörðun sem ég þurfti að taka“ „Finnst þessir fyrstu tveir leikir hræðilegir“ Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Sjá meira
„Þetta er mikið högg fyrir okkur og ákveðið sjokk. Reglur eru reglur og þær ber að virða en ég held að það séu helvíti margir leikmenn í deildum Íslandsmóts KSÍ sem hugsa bara hjúkk, ef ég á að vera alveg hreinskilinn,“ segir Davíð Smári í samtali við íþróttadeild en hann er staddur ásamt leikmönnum Vestra á Spáni í æfingaferð. Davíð er þá spurður hvort hann haldi að þetta sé toppurinn á ísjakanum, að meira sé um veðmál leikmanna hérlendis en komið hafi í ljós. Hann segir mikla hættu á því vegna þess hve samofnar veðmálaauglýsingar séu orðnar allri fótboltaumræðu hérlendis. „Ég held það viti allir að það eru einhverjir í þessu að veðja á leiki. Auðvitað er þetta bannað en því miður er þetta eitthvað sem fylgir íþróttinni. Það er eitthvað sem við ráðum ekki við,“ „Það eru margar auglýsingar í kringum fótboltann sem eru á þessa vegu. Þegar menn hafa áhuga á fótbolta og hrærast í fótbolta virðist þetta vera komið inn á það að spá í úrslit og veðja á úrslit. Sem betur fer er ekki mikið um þetta hjá okkur í Vestra, ekki neitt svo ég viti af, en svo veit maður aldrei,“ segir Davíð Smári. Tekið mikið á Elmar Málið hafi tekið töluvert á Elmar Atla, en hann opinberaði sjálfur um brotin á Facebook í síðustu viku. Hann sé fullur iðrunar og hafi orðið á í messunni. „Þetta heftur tekið mjög mikið á hann. Elmar er algjör fyrirmynd ungu strákanna fyrir vestan og verður það áfram þrátt fyrir þetta. Sem leikmaður og sem persóna er hann til fyrirmyndar, hann er einstaklega góður drengur og vel gefinn. Klárlega er eitthvað þarna sem klikkar,“ segir Davíð. Ósáttir við lengd ferlisins Vestramenn eru þá ósáttir við tímann sem KSÍ tók til meðhöndlunar á málinu. Að upplýsingar um brot Elmars hafi legið fyrir í nóvember og þar með tekið fimm mánuði að komast að niðurstöðu. „Vinnutíminn hjá KSÍ, mér finnst hann mjög sérkennilegur. Ef það er rétt að þeir hafi verið með allar upplýsingar um málið í nóvember, af hverju er verið að draga þetta? Ég velti því fyrir mér, er hagur einhvers hafður í fyrirrúmi það. Ég skil ekki af hverju er verið að vinna þetta svona hægt,“ „Ef það hefði verið gefinn út sex mánaða dómur í nóvember eða tveggja mánaða dómur núna – þetta er skrýtið. En klárlega mikið högg fyrir okkur, en aðallega fyrir hann auðvitað,“ segir Davíð Smári. Reynt að takmarka veðmálaauglýsingar í Evrópu Starfsemi veðmálafyrirtækja og tengsl þeirra við íþróttaheiminn hafa verið töluvert til umræðu bæði hérlendis og erlendis undanfarin misseri. Rannsókn frá því í september síðastliðnum sýnir fram á að þrefalt fleiri veðmálaauglýsingar hafi verið til staðar í kringum fyrstu umferð ensku úrvalsdeildarinnar á þessari leiktíð, samanborið við leiktíðina á undan. Víða í Evrópu hafa skref verið tekin til að takmarka aðgengi veðmálafyrirtækja að knattspyrnufélögum. Frá og með tímabilinu 2026 til 2027 mega veðmálafyrirtæki ekki auglýsa framan á treyjum enskra knattspyrnuliða, en ellefu af tuttugu liðum í ensku úrvalsdeildinni eru með veðmálafyrirtæki sem aðalstyrktaraðila. Samskonar bönn taka gildi í Belgíu og Hollandi á næstu árum. Borið hefur á óánægju á meðal félaga í ensku úrvalsdeildinni vegna yfirvofandi banns en bresk stjórnvöld hafa aukið eftirlit til muna og má búast við að regluverkið þrengist enn frekar á næstu árum. Verið kallað eftir öfugri þróun á Íslandi Ísland hefur ekki verið undanskilið aukinni innreið veðmálafyrirtækja á markað undanfarin ár. Borið hefur á háværari röddum sem kalla eftir lögleiðingu veðmálaauglýsinga hérlendis og starfsleyfisveitingum. Hægt sé þannig að skattleggja starfsemina og skila arði af starfseminni ýmist til ríkissjóðs eða íslenskra íþróttafélaga. Þeir Sigmar Guðmundsson, Viðreisn, og Óli Björn Kárason, Sjálfstæðisflokki, kölluðu þá eftir því árið 2022 að fjölmiðlum væri heimilt að auglýsa veðmálastarfsemi. Það myndi renna styrkari stoðum undir rekstur einkarekinna miðla. Að fara þá leið væri í algjörri andstöðu við þróunina á meginlandinu þar sem yfirvöld, þá sérstaklega íþróttayfirvöld, hafa hert löggjöfina, líkt og enska úrvalsdeildin er dæmi um. Íslenskar getraunir, Lengjan, er eina veðmálafyrirtækið sem hefur starfsleyfi hérlendis. Íslendingar eru taldir eyða hundruðum milljóna árlega í veðmál hjá fyrirtækjum á við bet365, EpicBet og Coolbet, til að nefna þrjú dæmi. Þeim fyrirtækjum er ekki heimilt að auglýsa í innlendum fjölmiðlum en hafa orðið sífellt meira áberandi á samfélagsmiðlum og þá hafa íslensk hlaðvörp ýmist sætt sektum eða aðvörunum vegna auglýsinga á erlendum veðmálasíðum. Sýn var til að mynda sektað árið 2022 fyrir að auglýsa veðmálafyrirtækið Coolbet í hlaðvarpinu Þungavigtin.
Vestri KSÍ Íslenski boltinn Besta deild karla Fótbolti Mest lesið Persónulegar ástæður fyrir brotthvarfi Vésteins Sport Blá og marin rétt fyrir EM: „Vissi ekki hvort ég ætti að hlæja eða gráta“ Sport Ólafur baðst afsökunar eftir leik: „Ég er bara rosalega viðkvæmur eins og er“ Körfubolti Real Madrid vill fara í viðræður við Liverpool um Trent Enski boltinn Tóku Valsmenn til bæna: „Það er kannski helvítis málið, það er ekki hungur í paradís“ Íslenski boltinn Segir að Cecilía verði keypt fyrir metverð Fótbolti Sjáðu partýið í Kópavogi, Gylfa afgreiða Fram og nýliðana í stuði Íslenski boltinn Valdi fjórar verstu hornspyrnur ÍBV: „Þessi var helvíti slæm“ Íslenski boltinn Hildur fékk svakalegt glóðarauga Fótbolti „Komum Gylfa Þór meira í boltann“ Fótbolti Fleiri fréttir Valdi fjórar verstu hornspyrnur ÍBV: „Þessi var helvíti slæm“ Tóku Valsmenn til bæna: „Það er kannski helvítis málið, það er ekki hungur í paradís“ Sjáðu partýið í Kópavogi, Gylfa afgreiða Fram og nýliðana í stuði „Þetta er eins og eldgamla tómatsósan“ Uppgjörið: Víkingur - Fram 3-2 | Gylfi Þór skoraði fyrsta mark sitt í torsóttum sigri Víkings Uppgjörið: Afturelding - Stjarnan 3-0 | Nýliðarnir öflugir á heimavelli Uppgjörið: Breiðablik - KR 3-3 | Stórleikurinn stóðst væntingarnar Valskonur ólíkar sér: Kallar eftir hungraðri Nadíu í stað Rhodes Sjáðu Flóka færa Val fyrsta tapið, ÍA í stuði og hvernig Vestri fór á toppinn Þorleifur snýr heim í Breiðablik Uppgjörið: FH - Valur 3-0| FH skellti Valsmönnum Nik sendi Ástu skeyti: „Mikil eftirvænting fyrir þessari frumraun“ Uppgjörið: ÍA - KA 3-0 | Skagamenn risu upp og Viktor fann markaskóna Uppgjörið: ÍBV - Vestri 0-2 | Vestramenn aftur á toppinn Sjáðu markaveislu Breiðabliks og FH og mörkin úr sögulegum sigri Fram „Við gátum ekki farið mikið neðar“ Uppgjörið: Stjarnan - Valur 1-0 | Stjarnan fyrst til að skora gegn Val FH-ingar kláruðu Akureyringa á korteri og jöfnuðu Blika á toppnum Leik lokið: Þróttur - Tindastóll 1-0 | Eina markið skorað úr fyrstu sókn leiksins Uppgjörið: Fram - FHL 2-0 | Fram nældi í sín fyrstu stig í nýliðaslagnum við FHL Uppgjörið: Breiðablik - Víkingur 4-0 | Meistararnir með markaveislu í sólinni „Þetta var ákvörðun sem ég þurfti að taka“ „Finnst þessir fyrstu tveir leikir hræðilegir“ Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Sjá meira
Tóku Valsmenn til bæna: „Það er kannski helvítis málið, það er ekki hungur í paradís“ Íslenski boltinn
Tóku Valsmenn til bæna: „Það er kannski helvítis málið, það er ekki hungur í paradís“ Íslenski boltinn