Brúnku­kremið frá Bondi Sands getur fram­kallað töfra

Technocolor frá Bondi Sands er brúnkukrem með TM litatækni sem er vísindalega þróuð og byggð á klínískum rannsóknum. Með TM litatækni nærð þú besta árangrinum í sjálfbrúnku en í formúlunni er búið að blanda saman virkum og rakagefandi innihaldsefnum ásamt litatónum sem aðlagast að þínum húðlit og gefa betri endingu.

Technocolor er til í fjórum mismunandi tegundum sem hjálpa til við að framkalla ljómandi og sólbrúnan lit fyrir mismunandi húðtóna. Hver litur dýpkast eftir ólíkum húðlitum og því er engin hætta á að enda eins og appelsína á litinn eða flekkótt(ur).

Technocolor er lyktarlaus og inniheldur einnig rakagefandi innihaldsefni svo húðin þornar ekki upp. Brúnkan helst í 5-7 daga og smitast ekki í föt.

Technocolor er til í fjórum mismunandi tegundum:

Sapphire 

Sapphire er sérstaklega hannaður fyrir ljósan húðlit og hefur blá-gráan leiðandi lit og virk innihaldsefni sem vinna gegn appelsínugulum tónum. Sapphire gefur þér náttúrulegan kaldan tón.

Emerald 

Emerald er sérstaklega hannaður fyrir milliljósan húðlit og hefur grænan leiðandi lit og virk innihaldsefni sem vinna gegn appelsínugulum tónum.

Magenta 

Magenta er sérstaklega hannaður fyrir ólífu- og dökkan húðlit og hefur rauð-fjólubláan leiðandi lit og virk innihaldsefni sem vinna gegn köldum tónum. Magenta gefur þér þéttan og djúpan lit.

Caramel 

Caramel er sérstaklega hannaður fyrir dökkan húðlit og hefur gylltan leiðandi lit og virk innihaldsefni sem vinna gegn þurrki. Caramel gefur þér hlýjan gylltan lit. Liturinn er hannaður fyrir dökka húð en virkar líka vel fyrir þá sem eru ljósari en vilja bara örlítinn og gylltan ljóma.

Skemmtikrafturinn og fjölmiðlakonan Eva Ruža hefur langa reynslu af notkun brúnkukrema. „Það má eiginlega kalla mig sérlegan sérfræðing í brúnku sem ég er í raun og veru. Ég er með margra áratuga reynslu af slíkum kremum því ég byrjaði ung að tana mig með kremum. Technocolor brúnkukremið frá Bondi Sands eru í miklu uppáhaldi hjá mér.“

Af hverju notar þú Technocolor og hvað er best við þessar vörur?

„Það sem ég elska við Technocolor er í fyrsta lagi að Bondi Sands er með inn á heimasíðu sinni brúnkupróf. Þar svarar þú nokkrum spurningum og færð upp hvaða litur hentar þér og þínum húðtón. Ég tók prófið og liturinn sem kom upp hentar mér fullkomlega. Það er auðvelt að bera brúnkuna á líkamann og liturinn sem kemur eftir sturtuna er svoooo ferskur, fallegur og djúpur. Þegar ég tala um ferskur, þá á ég við að t.d. núna yfir vetrartímann líta flestir Íslendinga út eins og hrátt ýsuflak. En eftir Technocolor Bondi Sands meðferð þá er allt ferskt og fallegt, ég get svo svarið fyrir það.“

Hvernig er brúnku rútínan þín?

„Ég byrja á að undirbúa húðina um tveimur dögum áður en ég set á mig brúnkuna með því að skrúbba hana og setja á gott krem til að ná raka í húðina. Áður en ég ber á mig brúnkuna set ég smá krem á olnbogana, þar sem þeir eru oft þurrir, áður en ég maka hinum heilaga ljóma á mig.

Brúnkuhanski er algjört möst ásamt brúnkuburstanum góða frá Bondi. Þetta eru svo engin geimvísindi. Maður sér auðveldlega hvar maður hefur sett á sig og svo er bara að passa að skilja ekkert svæði eftir.

Eftir að ég hef makað þessu um kroppinn set ég örlitla brúnku í burstann og passa að setja vel í kringum fingurna, en alls ekki inn í lófann. Ekki gleyma hálsinum og bakvið eyrun- gott að nota burstann í það verkefni.

Eftir að brúnkan er komin á nota ég gott body lotion og set á handarbökin. Það mildar litinn þar og kemur í veg fyrir brúnkuslys á höndum Eftir um þrjár klukkustundir dembi ég mér í sturtu og þá er þessi stórkostlega fagurlitaði líkami mættur til leiks.“

Ég nota Technocolor andlitsbrúnku serum mjög reglulega. Hún frískar roooosalega upp á andlitið. Ýsuflakið hverfur og Eva Ruža lítur út eins og hún hafi skroppið til Tene í viku.

Hversu oft notar þú brúnkuvörur?

„Ég nota brúnkukrem í hverri viku. Ég kem fram á sviði nánast hverja helgi og ég læt ekki sjá mig brúnkulausa á giggum. Í rauninni líður mér eins og brúnka bæti smá andlega líðan enda líður mér miklu betur með brúnkuna á mér. Sjálf er ég mjög gagnrýnin á hvaða brúnkukrem eru best og er óhrædd að prufa mig áfram. Ég á það til að blanda t.d. saman Technocolor og Liquid Gold. Þá byrja ég á Technocolor og set svo Liquid Gold yfir. Brúnkukremið getur framkallað töfra.“

En notar þú líka brúnkuvörur í andlitið?

„Ég nota Technocolor andlitsbrúnku serum mjög reglulega. Hún frískar roooosalega upp á andlitið. Ýsuflakið hverfur og Eva Ruža lítur út eins og hún hafi skroppið til Tene í viku. Ég er líka með mjög viðkvæma húð og fæ bólur ef ég nota eitthvað vitlaust, en formúlan í Technocolor andlitsbrúnkunni er hönnuð sérstaklega fyrir þau sem eru með viðkvæma húð og stíflar ekki húðina.“

Margir eru hræddir við að nota brúnkuvörur. Hvað myndir þú segja við þann hóp og hvaða vöru myndir þú mæla með fyrir þann hóp?

„Það er ekkert að óttast kæru lesendur og þið skuluð trúa orðum brúnkusérfræðingsins. Það mætti segja að ég hafi verið langt á undan minni samtíð varðandi brúnku en ég gekk um götur Kársnessins í Kópavogi appelsínugul forðum daga og fannst ég ofsalega fín og flott. Ég fæ samt alltaf smá sjokk þegar ég sé þær myndir.

Sem betur fer eru brúnkukremin í dag gerð fyrir hvaða húðtóna og týpur sem er og hægt að velja hvernig lit maður vill fá.

Ég myndi mæla með Liquid Gold frá Bondi Sands fyrir þau sem eru óörugg og eru kannski að prófa í fyrsta sinn. Liturinn sem kemur frá Liquid Gold er ótrúlega mildur og fallegur og húðin fær einhvern gylltan gljáa sem allir „púlla“. Ég algjörlega elska gullið frá Bondi. Það er ekki hægt að klúðra þeirri brúnku á líkamanum.

En það mun enginn enda appelsínugulur eins og unglingurinn Eva Ruža. Því get ég lofað ykkur. Svo er hægt og rólega hægt að prufa sig áfram með aðra liti.“

En hvað með lykt? Einhverjum finnst vond lykt af brúnkuvörum. Er það raunin með Technocolor?

„Nei það er það svo sannarlega ekki. Vissulega er alltaf eilítil lykt af brúnkukremum en það er engin lykt af Technocolor og mild kókoslykt af Liquid Gold sem eyðist svo bara og hverfur. Ég er ótrúlega viðkvæm fyrir öllum ilm af kremum en Technocolor hefur aldrei truflað mitt nef.“