Full­komið tan og tryllt partý

Demy Adams, alþjóðlegur sölustjóri kom hingað alla leið frá höfuðstöðvum Marc Inbane í Hollandi til þess að afhenda verðlaunin. Gestalistinn var einstaklega glæsilegur en hann samanstóð af stærstu endursöluaðilum Marc Inbane, áhrifavöldum og stórvinum merkisins.

Dagskráin var ekki af verri endanum en tónlistarfólkið Ágúst Brynjarsson og Klara Einars opnuðu kvöldið með stæl. Að lokinni verðlaunaafhendingu og kynningu á nýjungum mætti Pétur Jóhann á sviðið og tryllti salinn úr hlátri eins og honum er einum lagið. 

Pétur Jóhann fékk Sunnevu Einars ambassador MARC INBANE á Íslandi upp á svið til sín til að aðstoða sig við að tana á sér kroppinn. Það voru svo þeir Kristmundur Axel, Júlí Heiðar og DJ Danni Deluxe sem enduðu kvöldið með látum.

Tana sig í gegnum skammdegið

Baldur eigandi Bpro gerir mikið upp úr því að vanda valið þegar hann leitar eftir vörum til þess að flytja hingað til lands. Hann vill eingöngu bjóða upp vörumerki sem hafa sannað sig sem þær bestu sem eru í boði hár- og húðvörum og MARC INBANE tikkar í öll boxin hvað það varðar.

„Vinsældir MARC INBANE hafi vaxið gífurlega frá því merkið kom fyrst á markað hér á landi árið 2017. 

Við seljum meira hér en milljóna þjóðirnar Danmörk og Svíþjóð og erum að sjálfsögðu sjúklega stolt af þessum frábæra árangri. 

MARC INBANE sérhæfir sig í háþróuðum lúxus brúnkuvörum sem hafa það fram yfir aðrar brúnkuvörur að þær draga fram þinn náttúrulega húðtón ásamt því að gefa jafnan og eðlilegan lit. Eitthvað sem hentar fölum Íslendingum ansi vel," segir Baldur.

„Íslendingar eru sem betur fer meira og meira meðvitaðir um mikilvægi þess að verja húðina fyrir skaðlegum geislum sólar og velja frekar orðið að tana á heilbrigðan hátt. Það er eiginlega hægt að tala um vakningu í healthy tanning. Við förum sem betur fer ekki eins mikið í ljósabekkina eins og í gamla daga og pössum okkur betur orðið á sólinni. 

Góðar brúnkuvörur og ráðlagður dagskammtur af D-vítamíni hjálpa okkur á þessari köldu eldfjallaeyju að komast í gegnum skammdegið. Ég verð alltaf jafn hissa þegar fólk spyr mig hvort ég sé að koma frá útlöndum, en nei nei ég er bara að nota Marc Inbane.“

MARC INABANE til styrktar Krabbameinsfélaginu

Bpro fékk húðflúrlistakonuna Sveinu til liðs við sig en hún myndskreytti og sérmerkti MARC INBANE vörur sem voru seldar á staðnum og vöktu mikla lukku hjá gestum. Allur ágóði frá sölu kvöldsins rennur óskiptur til Krabbameinsfélagsins. Sveina myndskreytti nokkra auka brúsa svona fyrir þá sem hafa áhuga á að eignast uppáhalds tanið sitt í einstakri myndskreyttri útfærslu og styrkja Krabbameinsfélagið um leið. Fyrir þá sem hafa áhuga þá er hægt að hafa samband við okkur með því að senda skilaboð á marcinbaneiceland á Instagram.

MARC INBANE stúlkan 2025

Það er eiginlega hægt að segja að fjörið hafi haldið áfram daginn eftir því á fimmtudagskvöldinu var bpro gengið og Demy Adams mætt í Gamla bíó á úrslitakvöld Ungfrú Ísland til þess að tilkynna hver fegurðadísanna hafi verið valin MARC INBANE stúlkan 2025. En þess má geta að Marc Inbane á Íslandi er einn af stærstu styrktaraðilum keppninnar. Sú sem varð fyrir valinu var Helena Hafþórsdóttir O´Connor en Helena var einnig krýnd Ungfrú Ísland ásamt því að vera MAC stúlkan. Marc Inbane á Íslandi vill nýta tækifærið og óska Helenu innilega til hamingju með velgengnina í keppninni og við hlökkum mikið til þess að starfa með henni árið sem hún ber titilinn.

Það er líka gaman að segja frá því að Snyrtistofan Glow í Reykjanesbæ sá um að keppendurnir væru með fullkomið tan á sviðinu. Snyrtistofan Glow er einmitt ein af þeim stofum hér á landi sem bjóða upp á brúnkusprautun í klefa með MARC INBANE Original spreyi sem er einmitt það sem var borið á fegurðardrottningarnar.