Í hugleiðingum veðurfræðings á vef Veðurstofunnar segir að á morgun nái líklega einhverjar skúrir norður yfir heiðar, en annars sé spáð svipuðu veðri áfram. Að mestu verði þurrt austanlands. Hita er spáð sex til tólf stigum yfir daginn.
Veðurhorfur á landinu næstu daga
Á mánudag:
Suðlæg eða breytileg átt 3-10 m/s og skúrir, en yfirleitt þurrt á Norðaustur- og Austurlandi. Hiti 6 til 12 stig.
Á þriðjudag:
Sunnan og suðaustan 5-13 og bjart austantil, annars skýjað en úrkomulítið. Bætir í vind og fer að rigna sunnan- og vestanlands um kvöldið. Hiti breytist lítið.
Á miðvikudag:
Suðlæg eða breytileg átt 8-15 og rigning, einkum sunnan- og vestantil. Hiti 5 til 10 stig. Norðvestlægari og dregur úr vætu um kvöldið.
Á fimmtudag:
Vestlæg átt og dálítil rigning, en að mestu þurrt á Suðaustur- og Austurlandi. Hiti breytist lítið.
Á föstudag:
Norðvestanátt og bjart sunnan heiða, en dálitlar skúrir eða él og kólnar norðanlands.
Á laugardag:
Breytileg átt og úrkomulítið.
