Loksins, loksins unnu skáldin kvalara sína! Vésteinn Örn Pétursson skrifar 28. apríl 2025 00:01 Svipmyndir úr sigri rithöfunda á útgefendum á Valbjarnavelli á laugardag. Rithöfundar sigruðu útgefendur 2-0 í æsispennandi leik á Valbjarnarvelli í Laugardal í gær. Leikurinn er árleg hefð í tengslum við Bókmenntahátíð í Reykjavík og höfðu útgefendur unnið síðustu þrjú ár í röð. Bókmenntahátíð í Reykjavík fagnar fjörutíu ára afmæli og var því viðeigandi að um tímamótaleik væri að ræða, aðeins annar sigur rithöfunda síðustu tuttugu ár. Rithöfundar klæddust svörtum treyjum sem voru merktar „Skáld eru aldrei rangstæð!“ og útgefendur klddust fagurbláum treyjum. Anna Lea Friðriksdóttir, útgefandi hjá Sölku, var fyrirliði útgefenda og Börkur Gunnarsson, leikstjóri og rithöfundur, var fyrirliði rithöfunda. Þá nutu rithöfundar þjálfunar Höllu Gunnarsdóttur, formanns VR og rithöfundar, sem sýndi mikla kænsku í skiptingum sínum og var óhrædd við að rótera liði skáldanna. Halla Gunnars fór með innblásna ræðu fyrir leik. Hjalti, Einar og Jón spekúlera í bakgrunni. Mark sitt í hvorum hálfleiknum Leikurinn var fimmtíu mínútna langur, tvisvar sinnum 25 mínútur, með stuttu hléi. Spilað var átta á átta en töluverður munur var á varamannafjölda liðanna. Útgefendur voru aðeins tíu talsins en rithöfundar nítján, tveir varamenn á móti ellefu. Halldór Armand spilaði sem regista fyrir útgefendur. Hér fylgist Einar Lövdahl grannt með honum. Rithöfundurinn Halldór Armand, sem nýlega stofnaði útgáfuna Flatkökuna, sá auman á fáliðuðum útgefendum og sveik lit. Fór úr svörtu í blátt. En hann átti eftir að sjá eftir því... Leikurinn var afar jafn allan fyrri hálfleikinn þar til hægri bakvörðurinn Huldar Breiðfjörð gaf fallega fyrirgjöf á Einar Lövdahl sem skallaði boltann smekklega í netið. Staðan 1-0 og hún hélst þannig óbreytt út fyrri hálfleikinn. Hjalti Halldórsson sprettir úr spori. Útgefendur voru í vígahug eftir slakan fyrri hálfleik en fengu hins vegar stóran skell snemma í þeim seinni. Hinn óþreytandi Einar Lövdahl gaf þá stungusendingu á Hjalta Hallgrímsson sem spændi sig í gegnum vörn útgefenda og skaut boltanum í fjærhornið. Staðan 2-0. Útgefendur gáfust þó ekki upp og lágu á rithöfundum. Stefán Þ. Hermannsson, markmaður rithöfunda, varði þónokkrum sinnum stórglæsilega og tryggði rithöfundum hreint blað þegar flautan gall í lokin. Skáldin fylgjast með Jóni Kalman tækla Bjarna Fritzson allkröftuglega. Bjarni í grasinu. Ekkert að þessu. Útgefendur vinni alltaf... en ekki í ár „Við erum í skýjunum. Þvílíkt hvað menn eru glaðir,“ sagði Börkur Gunnarsson þegar fréttastofa náði tali af honum á lokahófi Bókmenntahátíðarinnar á laugardagskvöld. Börkur sá um alla umgjörð fyrir rithöfundana sem skipti sköpum.Vísir/Vilhelm Sigurinn var umtalaður meðal gesta hátíðarinnar að sögn Barkar. „Það er ekki verið að tala um þessi stórkostlegu skáld og rithöfunda sem hafa verið með svo flotta fyrirlestra og góðar umræður heldur um fótboltaleikinn í dag þar sem við loksins unnum útgefendur okkar sem annars vinna eiginlega alltaf; bæði í samningum og fótboltaleikjum,“ sagði hann. Sjálfur spilaði Börkur ekki, í fyrsta skiptið í átta ár, vegna meiðsla en hann sinnti framkvæmdastjórn liðsins: smalaði skáldum saman, þreif treyjurnar, skrásetti leikinn á mynd og hvatti liðið áfram. Magnús Jochum eltir uppi boltann með Bjarna Fritz í eftirdragi. Ekkert tuð og engin ljóð „Liðsheildin. Rithöfundar eru röfl- og tuðgjarnir en það var lítið um það hjá okkur í dag. Við náðum að standa saman og enginn fór út í horn að yrkja ljóð í miðjum leik,“ sagði Börkur aðspurður hver lykillinn að sigrinum hefði verið. „Við vorum líka með fleiri á varamannabekknum. Gátum hvílst meira en þeir,“ bætti hann við. Embla Bachmann þrusar og Sölvi Halldórsson reynir að kasta sér fyrir boltann. Öfugt við leikinn í fyrra voru það ekki rithöfundarnir sem áttu erfitt með að skora. „En þetta var jafn leikur þótt hann hafi endað 2-0 fyrir okkur. Þeir spiluðu vel og voru óheppnir að klára ekki 3-4 færi sem þeir fengu. En það var á hinn veginn á síðustu bókmenntahátíð þegar þeir unnu 2-1, við áttum að klára nokkuð mörg góð færi þá, en gerðum það ekki,“ sagði Börkur. Útgefendur voru kampakátir þó blásið hefði dálítið á móti. Fyrirliði útgefenda, Anna Lea, tók í sama streng og sagði að útgefendur hefðu legið í færum. „Það var algjör skandall að við skyldum ekki hafa náð að saxa á þetta,“ sagði hún í samtali við mbl. Taldi Börkur að um tímamótasigur væri að ræða: aðeins annar sigur rithöfunda á kvölurum sínum á tuttugu árum. Liðin tvö stilltu sér upp saman eftir leik. Bókmenntahátíð Fótbolti Menning Bókmenntir Bókaútgáfa Mest lesið Seiðandi víbrur sem virka í bólinu Lífið Þegar Jónas var jarðsettur hundrað árum eftir andlátið Lífið Amman helsta fyrirmynd tískudrottningar Reykjavíkur Tíska og hönnun Ein frægasta bakrödd landsins gifti sig Lífið Skammar vini sína: „Hættum Happy birthday á Facebook“ Menning Ríkulegt einbýlishús knattspyrnukappa falt fyrir 315 milljónir Lífið Kemur út sem pankynhneigð Lífið „Pylsa“ sækir í sig veðrið Lífið „Við munum aldrei leyfa minningu hennar að deyja“ Lífið Opnar sig um sviplegt fráfall eiginmannsins Lífið Fleiri fréttir Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig „Pylsa“ sækir í sig veðrið Ómótstæðileg ítölsk steikarloka úr smiðju Hildar Rutar Opnar sig um sviplegt fráfall eiginmannsins „Lítið ömmugull á leiðinni“ hjá Siggu Lund Ríkulegt einbýlishús knattspyrnukappa falt fyrir 315 milljónir Langömmulán hjá Eddu Björgvins Kemur út sem pankynhneigð Vín mun hýsa Eurovision á næsta ári „Við munum aldrei leyfa minningu hennar að deyja“ Einfaldar leiðir til að róa taugakerfið Nýju fötin forsetans Erla og Ólafur selja glæsilegt einbýli í Vesturbænum Bubbi segir Hróa Hattar-brag á stuldinum Dúnmjúkir pizzasnúningar Fáklædd og glæsileg við sundlaugarbakkann Flugfreyjusætið var inni á klósettinu Sunneva veltir Evu Ruzu úr sessi Elskar Kennedy þó þeir ræði lítið pólitík í matarboðum Kennir kettinum hundatrix og heklar á hann föt Martin og Anna María selja hönnunaríbúð í Garðabæ Þaggar niður í orðrómi um sambandsslit Fjörutíu ára draumur Guðmundar rættist Gamlir samherjar funduðu á fiskistað Ein glæsilegasta leikkona landsins á lausu Saga Matthildur orðin tveggja barna móðir WikiLeaks og aðför stórvelda: Uppljóstrun aldarinnar undirbúin í Reykjavík Bryndís Haralds amman og Gunni Helga afinn Sjá meira
Bókmenntahátíð í Reykjavík fagnar fjörutíu ára afmæli og var því viðeigandi að um tímamótaleik væri að ræða, aðeins annar sigur rithöfunda síðustu tuttugu ár. Rithöfundar klæddust svörtum treyjum sem voru merktar „Skáld eru aldrei rangstæð!“ og útgefendur klddust fagurbláum treyjum. Anna Lea Friðriksdóttir, útgefandi hjá Sölku, var fyrirliði útgefenda og Börkur Gunnarsson, leikstjóri og rithöfundur, var fyrirliði rithöfunda. Þá nutu rithöfundar þjálfunar Höllu Gunnarsdóttur, formanns VR og rithöfundar, sem sýndi mikla kænsku í skiptingum sínum og var óhrædd við að rótera liði skáldanna. Halla Gunnars fór með innblásna ræðu fyrir leik. Hjalti, Einar og Jón spekúlera í bakgrunni. Mark sitt í hvorum hálfleiknum Leikurinn var fimmtíu mínútna langur, tvisvar sinnum 25 mínútur, með stuttu hléi. Spilað var átta á átta en töluverður munur var á varamannafjölda liðanna. Útgefendur voru aðeins tíu talsins en rithöfundar nítján, tveir varamenn á móti ellefu. Halldór Armand spilaði sem regista fyrir útgefendur. Hér fylgist Einar Lövdahl grannt með honum. Rithöfundurinn Halldór Armand, sem nýlega stofnaði útgáfuna Flatkökuna, sá auman á fáliðuðum útgefendum og sveik lit. Fór úr svörtu í blátt. En hann átti eftir að sjá eftir því... Leikurinn var afar jafn allan fyrri hálfleikinn þar til hægri bakvörðurinn Huldar Breiðfjörð gaf fallega fyrirgjöf á Einar Lövdahl sem skallaði boltann smekklega í netið. Staðan 1-0 og hún hélst þannig óbreytt út fyrri hálfleikinn. Hjalti Halldórsson sprettir úr spori. Útgefendur voru í vígahug eftir slakan fyrri hálfleik en fengu hins vegar stóran skell snemma í þeim seinni. Hinn óþreytandi Einar Lövdahl gaf þá stungusendingu á Hjalta Hallgrímsson sem spændi sig í gegnum vörn útgefenda og skaut boltanum í fjærhornið. Staðan 2-0. Útgefendur gáfust þó ekki upp og lágu á rithöfundum. Stefán Þ. Hermannsson, markmaður rithöfunda, varði þónokkrum sinnum stórglæsilega og tryggði rithöfundum hreint blað þegar flautan gall í lokin. Skáldin fylgjast með Jóni Kalman tækla Bjarna Fritzson allkröftuglega. Bjarni í grasinu. Ekkert að þessu. Útgefendur vinni alltaf... en ekki í ár „Við erum í skýjunum. Þvílíkt hvað menn eru glaðir,“ sagði Börkur Gunnarsson þegar fréttastofa náði tali af honum á lokahófi Bókmenntahátíðarinnar á laugardagskvöld. Börkur sá um alla umgjörð fyrir rithöfundana sem skipti sköpum.Vísir/Vilhelm Sigurinn var umtalaður meðal gesta hátíðarinnar að sögn Barkar. „Það er ekki verið að tala um þessi stórkostlegu skáld og rithöfunda sem hafa verið með svo flotta fyrirlestra og góðar umræður heldur um fótboltaleikinn í dag þar sem við loksins unnum útgefendur okkar sem annars vinna eiginlega alltaf; bæði í samningum og fótboltaleikjum,“ sagði hann. Sjálfur spilaði Börkur ekki, í fyrsta skiptið í átta ár, vegna meiðsla en hann sinnti framkvæmdastjórn liðsins: smalaði skáldum saman, þreif treyjurnar, skrásetti leikinn á mynd og hvatti liðið áfram. Magnús Jochum eltir uppi boltann með Bjarna Fritz í eftirdragi. Ekkert tuð og engin ljóð „Liðsheildin. Rithöfundar eru röfl- og tuðgjarnir en það var lítið um það hjá okkur í dag. Við náðum að standa saman og enginn fór út í horn að yrkja ljóð í miðjum leik,“ sagði Börkur aðspurður hver lykillinn að sigrinum hefði verið. „Við vorum líka með fleiri á varamannabekknum. Gátum hvílst meira en þeir,“ bætti hann við. Embla Bachmann þrusar og Sölvi Halldórsson reynir að kasta sér fyrir boltann. Öfugt við leikinn í fyrra voru það ekki rithöfundarnir sem áttu erfitt með að skora. „En þetta var jafn leikur þótt hann hafi endað 2-0 fyrir okkur. Þeir spiluðu vel og voru óheppnir að klára ekki 3-4 færi sem þeir fengu. En það var á hinn veginn á síðustu bókmenntahátíð þegar þeir unnu 2-1, við áttum að klára nokkuð mörg góð færi þá, en gerðum það ekki,“ sagði Börkur. Útgefendur voru kampakátir þó blásið hefði dálítið á móti. Fyrirliði útgefenda, Anna Lea, tók í sama streng og sagði að útgefendur hefðu legið í færum. „Það var algjör skandall að við skyldum ekki hafa náð að saxa á þetta,“ sagði hún í samtali við mbl. Taldi Börkur að um tímamótasigur væri að ræða: aðeins annar sigur rithöfunda á kvölurum sínum á tuttugu árum. Liðin tvö stilltu sér upp saman eftir leik.
Bókmenntahátíð Fótbolti Menning Bókmenntir Bókaútgáfa Mest lesið Seiðandi víbrur sem virka í bólinu Lífið Þegar Jónas var jarðsettur hundrað árum eftir andlátið Lífið Amman helsta fyrirmynd tískudrottningar Reykjavíkur Tíska og hönnun Ein frægasta bakrödd landsins gifti sig Lífið Skammar vini sína: „Hættum Happy birthday á Facebook“ Menning Ríkulegt einbýlishús knattspyrnukappa falt fyrir 315 milljónir Lífið Kemur út sem pankynhneigð Lífið „Pylsa“ sækir í sig veðrið Lífið „Við munum aldrei leyfa minningu hennar að deyja“ Lífið Opnar sig um sviplegt fráfall eiginmannsins Lífið Fleiri fréttir Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig „Pylsa“ sækir í sig veðrið Ómótstæðileg ítölsk steikarloka úr smiðju Hildar Rutar Opnar sig um sviplegt fráfall eiginmannsins „Lítið ömmugull á leiðinni“ hjá Siggu Lund Ríkulegt einbýlishús knattspyrnukappa falt fyrir 315 milljónir Langömmulán hjá Eddu Björgvins Kemur út sem pankynhneigð Vín mun hýsa Eurovision á næsta ári „Við munum aldrei leyfa minningu hennar að deyja“ Einfaldar leiðir til að róa taugakerfið Nýju fötin forsetans Erla og Ólafur selja glæsilegt einbýli í Vesturbænum Bubbi segir Hróa Hattar-brag á stuldinum Dúnmjúkir pizzasnúningar Fáklædd og glæsileg við sundlaugarbakkann Flugfreyjusætið var inni á klósettinu Sunneva veltir Evu Ruzu úr sessi Elskar Kennedy þó þeir ræði lítið pólitík í matarboðum Kennir kettinum hundatrix og heklar á hann föt Martin og Anna María selja hönnunaríbúð í Garðabæ Þaggar niður í orðrómi um sambandsslit Fjörutíu ára draumur Guðmundar rættist Gamlir samherjar funduðu á fiskistað Ein glæsilegasta leikkona landsins á lausu Saga Matthildur orðin tveggja barna móðir WikiLeaks og aðför stórvelda: Uppljóstrun aldarinnar undirbúin í Reykjavík Bryndís Haralds amman og Gunni Helga afinn Sjá meira