Buðu mótherjum Björgólfs fyrst þjónustu sína Kjartan Kjartansson skrifar 2. maí 2025 13:51 Jón Óttar Ólafsson, annar eiganda PPP, virðist hafa haldið því fram að Grímur Sigurðsson, lögmaður hjá Landslögum, hafi óskað eftir þjónustu fyrirtækis hans við undirbúning málsóknar á hendur Björgólfi Thor Björgólfssyni. Vísir/Pjetur/Vilhelm Fyrrverandi lögreglumenn sem njósnuðu um fólk fyrir hönd Björgólfs Thors Björgólfssonar buðu fyrst þjónustu sína lögmönnum sem undirbjuggu málsókn gegn Björgólfi. Einn lögmannanna segir að aðeins hafi verið rætt um lögmæta gagnaöflun. Ítarlega hefur verið fjallað um njósnir sem tveir fyrrverandi lögreglumenn stunduðu fyrir hönd Björgólfs Thors árið 2012 eftir að Kveikur sagði fyrst frá þeim í vikunni. Njósnirnar tengdust málsókn á hendur Björgólfi sem þá var í undirbúningi og tengdist Landsbankanum. Á meðal þeirra sem njósnað var um var Vilhjálmur Bjarnason sem síðar varð þingmaður Sjálfstæðisflokksins en hann átti frumkvæðið að undirbúningi málsóknarinnar. Í gögnum sem sáust í umfjöllun Kveiks var meðal annars útprentun á glæru um aðdraganda þess að lögreglumennirnir fyrrverandi hófu störf fyrir Björgólf. Hún virðist stafa frá lögreglumönnunum. Þar stendur að þeir hafi fyrst rætt við lögmenn hjá Landslögum um að afla gagna í komandi dómsmáli gegn Björgólfi. Jón Óttar Ólafsson (t.v.) og Guðmundur Haukur Gunnarsson heitinn (t.h.) voru starfsmenn sérstaks saksóknara en ráku einnig ráðgjafarfyrirtækið PPP. Á milli þeirra situr Hólmsteinn Gauti Sigurðsson saksóknari hjá sérstökum saksóknara sem Jón Óttar sagði að hefði lagt blessun yfir að þeir störfuðu samhliða fyrir slitastjórn Milestone.Vísir/Anton Samkomulag hefði ekki náðst við Landslög en í framhaldinu hafi þeir haft samband við Birgi Má Ragnarsson, þáverandi framkvæmdastjóra Novators, fjárfestingarfélags sem var að stærstum hluta í eigu Björgólfs. Þeir hefðu svo afhent honum endurgjaldslaust gögn sem þeir teldu nýtast til varnar í málsókninni sem lögmenn Landslaga undirbjuggu á þeim tíma. Tveir lögmenn hjá Landslögum staðfesta við Vísi að það hafi komið til tals að Pars per Pars (PPP slf.), ráðgjafarfyrirtæki lögreglumannanna, ynni að undirbúningi málsóknarinnar gegn Björgólfi. Niðurstaðan hefði verið að óska ekki eftir þjónustu fyrirtækisins. Töldu sig miklu betri í að afla gagna sjálfir Pars per Pars hafði unnið fyrir slitastjórn Milestone sem Grímur Sigurðsson, lögmaður hjá Landslögum, stýrði á sama tíma og þeir unnu í hlutastarfi fyrir embætti sérstaks saksóknara. Þeir unnu skýrslu fyrir slitastjórnina upp úr gögnum sem þrotabúið átti rétt á frá embætti sérstaks saksóknara. Lögreglumennirnir tveir voru síðar kærðir fyrir brot á þagnarskyldu í starfi þegar þeir létu Grím skiptastjóra fá rannsóknargögn um Milestone. Málið var síðar fellt niður. Í skjali Pars per Pars sem sást í umfjöllun Kveiks segir að Grímur hafi farið þess á leit við lögreglumennina að þeir beittu „aðferðarfræði“ sinni til þess að afla gagna í dómsmáli gegn Björgólfi, meðal annars með því að taka gögn frá embætti sérstaks saksóknara sem gætu nýst í málsókninni. Grímur segir að það hafi komið til tals að Pars per Pars tæki að sér svipuð verkefni og það vann fyrir þrotabú Milestone, að safna gögnum og greina þau. Forsenda þess væri að það væru gögn sem aðstandendur málsóknarinnar ættu rétt á að fá aðgang að. „Ef það á að skilja þessa glæru þannig að ég hafi beðið þá um að gera eitthvað ólöglegt þá er það með öllu rangt,“ segir Grímur við Vísi. Vilhjálmur Bjarnason varð fyrir njósnum fyrrverandi og þáverandi lögreglumanna árið 2012.Stöð 2 Jóhannes Bjarni Björnsson, lögmaður hjá Landslögum sem stýrði því sem varð síðar hópmálsókn gegn Björgólfi, segir að Landslög hafi ekki falast eftir þjónustu Pars per Pars og ekki talið hana gagnast sér. „Það snýst bara um að safna saman gögnum sem þeir töldu sig vera einhverja sérfræðinga í en við töldum okkur nú vera miklu betri í sjálfir,“ segir Jóhannes Bjarni. Málsóknin ekki hafin þegar njósnirnar áttu sér stað Þegar njósnir Pars per Pars um Vilhjálm Bjarnason áttu sér stað haustið 2012 var eiginleg málsókn fyrrverandi hluthafa í Landsbankanum gegn Björgólfi, stærsta eiganda hans, ekki hafin. Landslög unnu þá fyrir Vilhjálm að svonefndu vitnamáli þar sem krafist var skýrslutaka af hópi manna í kringum Björgólf til undirbúnings málsóknar. Í umfjöllun Kveiks kom fram að Björgólfur hefði haft áhuga á að leiða í ljós hverjir stæðu að málsókn gegn honum með Vilhjálmi. Sjálfur hefði hann verið sannfærður um að Róbert Wessmann, fyrrverandi samherji hans og síðar keppinautur, stæði að baki mögulegum málaferlum vegna falls Landsbankans. Hópmálsókn gegn Björgólfi vegna meintra blekkinga hans í garð hluthafa var síðan þingfest árið 2015. Málinu lauk með sátt sem Björgólfur gerði við fyrrverandi hluthafana þar sem hann gekkst þó ekki við ábyrgð á falli bankans. Pars per Pars starfaði einnig fyrir slitastjórn Glitnis eftir að lögreglumennirnir tveir hættu störfum hjá sérstökum saksóknara. Eftir að eigendur félagsins voru kærðir fyrir brot á þagnarskyldu kannaði slitastjórnin hvort að þeir hefðu nýtt sér upplýsingar frá embættinu en taldi ekkert benda til þess, samkvæmt umfjöllun mbl.is frá þessum tíma. Félaginu PPP var slitið haustið 2013, um ári eftir að njósnirnar á vegum Björgólfs áttu sér stað. Fjórum árum síðar var nafni annars ráðgjafarfyrirtækis sem Jón Óttar átti í félagi við Svein Guðmundsson, hæstaréttarlögmann, breytt í PPP slf. Það félag var úrskurðað gjaldþrota í fyrra. Samkvæmt upplýsingum fréttastofu kom Sveinn þó aldrei að starfi ráðgjafafyrirtækisins heldur aðstoðaði Jón Óttar aðeins við að koma því á fót sem greiði vegna þáverandi fjölskyldutengsla. Fréttin hefur verið uppfærð. Gögnum stolið frá héraðssaksóknara Landsbankinn Lögreglan Tengdar fréttir Brot á trausti gagnvart félögum Lúðvíks sem vilji hjálpa Formaður Nefndar um eftirlit með lögreglu segir að mál Lúðvíks Kristinssonar lögreglumanns sem leystur hefur verið frá störfum vegna njósna sé litið alvarlegum augum. Ríkislögreglustjóri telur ástæðu til að endurskoða reglur um aukastörf lögreglumanna en forstjóri Persónuverndar segist ekki telja að heimildir til slíks eftirlits yrðu gefnar. F 30. apríl 2025 20:21 Lítur málið mjög alvarlegum augum Þegar lögreglustjóranum á höfuðborgarsvæðinu varð kunnugt um efni umfjöllunar Kveiks í gær var málið sent þá þegar, að frumkvæði embættisins, til meðferðar hjá embætti ríkissaksóknara. Í beinu framhaldi var viðkomandi lögreglumaður sendur í leyfi á meðan rannsókn þess fer fram. 30. apríl 2025 16:14 Gætu þurft að endurskoða aukastörf lögreglumanna Ríkislögreglustjóri segir lögregluna þurfa að kanna hvort ástæða sé til þess að endurskoða aukastörf lögreglumanna eftir uppljóstranir um að starfandi lögreglumaður hafi tekið þátt í njósnum um fólk í aukastarfi. Lögreglumenn séu í ýmsum störfum samhliða lögreglustörfunum. 30. apríl 2025 13:58 Mest lesið Íslensk stúlka í útskriftarveislu sem breyttist í martröð Innlent Dúxinn í Kvennó úr óvæntri átt Innlent Tíu milljónum fátækari eftir augnablik af einbeitingarleysi Innlent Margrét Hauksdóttir er látin Innlent Nauðlending á þjóðveginum Innlent Höfum fullkomlega misst stjórn á útlendingamálum Innlent Líkir aðalfundi Sósíalista við Warhammer-útsöluna í Nexus Innlent Eldur kviknaði í hjólhýsi við íbúðarhús Innlent Segir Guðmund Hrafn ekki sjá bjálkann í eigin auga Innlent Náðar spilltan fógeta Erlent Fleiri fréttir Erfiðast að læra íslenskuna Afnema lengri opnunartíma í ákveðnum leikskólum borgarinnar Dúxinn í Kvennó úr óvæntri átt Utanríkisráðherra Bretlands á leið til Íslands Eldur kviknaði í hjólhýsi við íbúðarhús Fjórða hvert ungmenni talar sjaldnar en einu sinni í viku við foreldra sína Ungliðahreyfing Viðreisnar ályktar gegn ákvörðun ríkisstjórnarinnar Lýstu yfir óvissustigi vegna sömu flugvélar Hefur lagt tillögur á borðið en tjáir sig ekki um lögreglustjóra Höfum fullkomlega misst stjórn á útlendingamálum Áhyggjuefni hversu fáir treysta íslenskum fjölmiðlum Uppsagnir yfirvofandi á Húsavík Hnífi beitt í heimahúsi á Húsavík Frábiður sér að nördum sé líkt við Sósíalista Íslensk stúlka í útskriftarveislu sem breyttist í martröð Fyrrverandi þingmenn í nýrri stjórn Evrópuhreyfingarinnar Segir Guðmund Hrafn ekki sjá bjálkann í eigin auga Mannréttindadómstóllinn sýknar ríkið af kröfum mótmælenda Flestir urðu varir við „falsfréttir“ fyrir síðustu alþingiskosningar Margrét Hauksdóttir er látin Líkir aðalfundi Sósíalista við Warhammer-útsöluna í Nexus Þorbjörg sögð bjóða Helga embætti vararíkislögreglustjóra Nauðlending á þjóðveginum Tíu milljónum fátækari eftir augnablik af einbeitingarleysi Lækkandi fæðingartíðni ekki hundaflauta: „Ég bara hafna algjörlega forsendunum“ Hætt í VG og segir spillingu grassera í íslenskum stjórnmálum Ný forysta stefni í ranga átt „Einhver erfiðasti tími sem ég hef gengið í gegnum“ „Og ég treysti því að dómstólar snúi því við“ Sendir í leyfi fyrir að vinna ekki nógu mikið Sjá meira
Ítarlega hefur verið fjallað um njósnir sem tveir fyrrverandi lögreglumenn stunduðu fyrir hönd Björgólfs Thors árið 2012 eftir að Kveikur sagði fyrst frá þeim í vikunni. Njósnirnar tengdust málsókn á hendur Björgólfi sem þá var í undirbúningi og tengdist Landsbankanum. Á meðal þeirra sem njósnað var um var Vilhjálmur Bjarnason sem síðar varð þingmaður Sjálfstæðisflokksins en hann átti frumkvæðið að undirbúningi málsóknarinnar. Í gögnum sem sáust í umfjöllun Kveiks var meðal annars útprentun á glæru um aðdraganda þess að lögreglumennirnir fyrrverandi hófu störf fyrir Björgólf. Hún virðist stafa frá lögreglumönnunum. Þar stendur að þeir hafi fyrst rætt við lögmenn hjá Landslögum um að afla gagna í komandi dómsmáli gegn Björgólfi. Jón Óttar Ólafsson (t.v.) og Guðmundur Haukur Gunnarsson heitinn (t.h.) voru starfsmenn sérstaks saksóknara en ráku einnig ráðgjafarfyrirtækið PPP. Á milli þeirra situr Hólmsteinn Gauti Sigurðsson saksóknari hjá sérstökum saksóknara sem Jón Óttar sagði að hefði lagt blessun yfir að þeir störfuðu samhliða fyrir slitastjórn Milestone.Vísir/Anton Samkomulag hefði ekki náðst við Landslög en í framhaldinu hafi þeir haft samband við Birgi Má Ragnarsson, þáverandi framkvæmdastjóra Novators, fjárfestingarfélags sem var að stærstum hluta í eigu Björgólfs. Þeir hefðu svo afhent honum endurgjaldslaust gögn sem þeir teldu nýtast til varnar í málsókninni sem lögmenn Landslaga undirbjuggu á þeim tíma. Tveir lögmenn hjá Landslögum staðfesta við Vísi að það hafi komið til tals að Pars per Pars (PPP slf.), ráðgjafarfyrirtæki lögreglumannanna, ynni að undirbúningi málsóknarinnar gegn Björgólfi. Niðurstaðan hefði verið að óska ekki eftir þjónustu fyrirtækisins. Töldu sig miklu betri í að afla gagna sjálfir Pars per Pars hafði unnið fyrir slitastjórn Milestone sem Grímur Sigurðsson, lögmaður hjá Landslögum, stýrði á sama tíma og þeir unnu í hlutastarfi fyrir embætti sérstaks saksóknara. Þeir unnu skýrslu fyrir slitastjórnina upp úr gögnum sem þrotabúið átti rétt á frá embætti sérstaks saksóknara. Lögreglumennirnir tveir voru síðar kærðir fyrir brot á þagnarskyldu í starfi þegar þeir létu Grím skiptastjóra fá rannsóknargögn um Milestone. Málið var síðar fellt niður. Í skjali Pars per Pars sem sást í umfjöllun Kveiks segir að Grímur hafi farið þess á leit við lögreglumennina að þeir beittu „aðferðarfræði“ sinni til þess að afla gagna í dómsmáli gegn Björgólfi, meðal annars með því að taka gögn frá embætti sérstaks saksóknara sem gætu nýst í málsókninni. Grímur segir að það hafi komið til tals að Pars per Pars tæki að sér svipuð verkefni og það vann fyrir þrotabú Milestone, að safna gögnum og greina þau. Forsenda þess væri að það væru gögn sem aðstandendur málsóknarinnar ættu rétt á að fá aðgang að. „Ef það á að skilja þessa glæru þannig að ég hafi beðið þá um að gera eitthvað ólöglegt þá er það með öllu rangt,“ segir Grímur við Vísi. Vilhjálmur Bjarnason varð fyrir njósnum fyrrverandi og þáverandi lögreglumanna árið 2012.Stöð 2 Jóhannes Bjarni Björnsson, lögmaður hjá Landslögum sem stýrði því sem varð síðar hópmálsókn gegn Björgólfi, segir að Landslög hafi ekki falast eftir þjónustu Pars per Pars og ekki talið hana gagnast sér. „Það snýst bara um að safna saman gögnum sem þeir töldu sig vera einhverja sérfræðinga í en við töldum okkur nú vera miklu betri í sjálfir,“ segir Jóhannes Bjarni. Málsóknin ekki hafin þegar njósnirnar áttu sér stað Þegar njósnir Pars per Pars um Vilhjálm Bjarnason áttu sér stað haustið 2012 var eiginleg málsókn fyrrverandi hluthafa í Landsbankanum gegn Björgólfi, stærsta eiganda hans, ekki hafin. Landslög unnu þá fyrir Vilhjálm að svonefndu vitnamáli þar sem krafist var skýrslutaka af hópi manna í kringum Björgólf til undirbúnings málsóknar. Í umfjöllun Kveiks kom fram að Björgólfur hefði haft áhuga á að leiða í ljós hverjir stæðu að málsókn gegn honum með Vilhjálmi. Sjálfur hefði hann verið sannfærður um að Róbert Wessmann, fyrrverandi samherji hans og síðar keppinautur, stæði að baki mögulegum málaferlum vegna falls Landsbankans. Hópmálsókn gegn Björgólfi vegna meintra blekkinga hans í garð hluthafa var síðan þingfest árið 2015. Málinu lauk með sátt sem Björgólfur gerði við fyrrverandi hluthafana þar sem hann gekkst þó ekki við ábyrgð á falli bankans. Pars per Pars starfaði einnig fyrir slitastjórn Glitnis eftir að lögreglumennirnir tveir hættu störfum hjá sérstökum saksóknara. Eftir að eigendur félagsins voru kærðir fyrir brot á þagnarskyldu kannaði slitastjórnin hvort að þeir hefðu nýtt sér upplýsingar frá embættinu en taldi ekkert benda til þess, samkvæmt umfjöllun mbl.is frá þessum tíma. Félaginu PPP var slitið haustið 2013, um ári eftir að njósnirnar á vegum Björgólfs áttu sér stað. Fjórum árum síðar var nafni annars ráðgjafarfyrirtækis sem Jón Óttar átti í félagi við Svein Guðmundsson, hæstaréttarlögmann, breytt í PPP slf. Það félag var úrskurðað gjaldþrota í fyrra. Samkvæmt upplýsingum fréttastofu kom Sveinn þó aldrei að starfi ráðgjafafyrirtækisins heldur aðstoðaði Jón Óttar aðeins við að koma því á fót sem greiði vegna þáverandi fjölskyldutengsla. Fréttin hefur verið uppfærð.
Gögnum stolið frá héraðssaksóknara Landsbankinn Lögreglan Tengdar fréttir Brot á trausti gagnvart félögum Lúðvíks sem vilji hjálpa Formaður Nefndar um eftirlit með lögreglu segir að mál Lúðvíks Kristinssonar lögreglumanns sem leystur hefur verið frá störfum vegna njósna sé litið alvarlegum augum. Ríkislögreglustjóri telur ástæðu til að endurskoða reglur um aukastörf lögreglumanna en forstjóri Persónuverndar segist ekki telja að heimildir til slíks eftirlits yrðu gefnar. F 30. apríl 2025 20:21 Lítur málið mjög alvarlegum augum Þegar lögreglustjóranum á höfuðborgarsvæðinu varð kunnugt um efni umfjöllunar Kveiks í gær var málið sent þá þegar, að frumkvæði embættisins, til meðferðar hjá embætti ríkissaksóknara. Í beinu framhaldi var viðkomandi lögreglumaður sendur í leyfi á meðan rannsókn þess fer fram. 30. apríl 2025 16:14 Gætu þurft að endurskoða aukastörf lögreglumanna Ríkislögreglustjóri segir lögregluna þurfa að kanna hvort ástæða sé til þess að endurskoða aukastörf lögreglumanna eftir uppljóstranir um að starfandi lögreglumaður hafi tekið þátt í njósnum um fólk í aukastarfi. Lögreglumenn séu í ýmsum störfum samhliða lögreglustörfunum. 30. apríl 2025 13:58 Mest lesið Íslensk stúlka í útskriftarveislu sem breyttist í martröð Innlent Dúxinn í Kvennó úr óvæntri átt Innlent Tíu milljónum fátækari eftir augnablik af einbeitingarleysi Innlent Margrét Hauksdóttir er látin Innlent Nauðlending á þjóðveginum Innlent Höfum fullkomlega misst stjórn á útlendingamálum Innlent Líkir aðalfundi Sósíalista við Warhammer-útsöluna í Nexus Innlent Eldur kviknaði í hjólhýsi við íbúðarhús Innlent Segir Guðmund Hrafn ekki sjá bjálkann í eigin auga Innlent Náðar spilltan fógeta Erlent Fleiri fréttir Erfiðast að læra íslenskuna Afnema lengri opnunartíma í ákveðnum leikskólum borgarinnar Dúxinn í Kvennó úr óvæntri átt Utanríkisráðherra Bretlands á leið til Íslands Eldur kviknaði í hjólhýsi við íbúðarhús Fjórða hvert ungmenni talar sjaldnar en einu sinni í viku við foreldra sína Ungliðahreyfing Viðreisnar ályktar gegn ákvörðun ríkisstjórnarinnar Lýstu yfir óvissustigi vegna sömu flugvélar Hefur lagt tillögur á borðið en tjáir sig ekki um lögreglustjóra Höfum fullkomlega misst stjórn á útlendingamálum Áhyggjuefni hversu fáir treysta íslenskum fjölmiðlum Uppsagnir yfirvofandi á Húsavík Hnífi beitt í heimahúsi á Húsavík Frábiður sér að nördum sé líkt við Sósíalista Íslensk stúlka í útskriftarveislu sem breyttist í martröð Fyrrverandi þingmenn í nýrri stjórn Evrópuhreyfingarinnar Segir Guðmund Hrafn ekki sjá bjálkann í eigin auga Mannréttindadómstóllinn sýknar ríkið af kröfum mótmælenda Flestir urðu varir við „falsfréttir“ fyrir síðustu alþingiskosningar Margrét Hauksdóttir er látin Líkir aðalfundi Sósíalista við Warhammer-útsöluna í Nexus Þorbjörg sögð bjóða Helga embætti vararíkislögreglustjóra Nauðlending á þjóðveginum Tíu milljónum fátækari eftir augnablik af einbeitingarleysi Lækkandi fæðingartíðni ekki hundaflauta: „Ég bara hafna algjörlega forsendunum“ Hætt í VG og segir spillingu grassera í íslenskum stjórnmálum Ný forysta stefni í ranga átt „Einhver erfiðasti tími sem ég hef gengið í gegnum“ „Og ég treysti því að dómstólar snúi því við“ Sendir í leyfi fyrir að vinna ekki nógu mikið Sjá meira
Brot á trausti gagnvart félögum Lúðvíks sem vilji hjálpa Formaður Nefndar um eftirlit með lögreglu segir að mál Lúðvíks Kristinssonar lögreglumanns sem leystur hefur verið frá störfum vegna njósna sé litið alvarlegum augum. Ríkislögreglustjóri telur ástæðu til að endurskoða reglur um aukastörf lögreglumanna en forstjóri Persónuverndar segist ekki telja að heimildir til slíks eftirlits yrðu gefnar. F 30. apríl 2025 20:21
Lítur málið mjög alvarlegum augum Þegar lögreglustjóranum á höfuðborgarsvæðinu varð kunnugt um efni umfjöllunar Kveiks í gær var málið sent þá þegar, að frumkvæði embættisins, til meðferðar hjá embætti ríkissaksóknara. Í beinu framhaldi var viðkomandi lögreglumaður sendur í leyfi á meðan rannsókn þess fer fram. 30. apríl 2025 16:14
Gætu þurft að endurskoða aukastörf lögreglumanna Ríkislögreglustjóri segir lögregluna þurfa að kanna hvort ástæða sé til þess að endurskoða aukastörf lögreglumanna eftir uppljóstranir um að starfandi lögreglumaður hafi tekið þátt í njósnum um fólk í aukastarfi. Lögreglumenn séu í ýmsum störfum samhliða lögreglustörfunum. 30. apríl 2025 13:58