Mál Margeirs til Lands­réttar

Það var gert árið 2023 í kjölfar ásakanna um áreitni í garð undirmanns hans. Hann var þá færður úr stöðu yfirmanns yfir í að því er virðist stöðu einhverskonar sérfræðings, án þess þó að launakjör hans breyttust.

Héraðsdómur komst að þeirri niðurstöðu að lögreglustjóranum hafi ekki verið heimilt að breyta verksviði hans með þessum hætti. Að mati dómsins hefði verið réttara að færa hann í aðra sambærilega stöðu, þar sem hann yrði áfram yfirmaður, en ekki yfir starfsmanninum sem sakaði hann um áreitni.

Sjá nánar: Vó að æru Margeirs með því að færa hann til í starfi

Halla Bergþóra Björnsdóttir, lögreglustjórinn á höfuðborgarsvæðinu, vildi ekki tjá sig um málið að sinni, en benti á að ríkislögmaður tæki ákvörðun um áfrýjun. Embætti ríkislögmanns segist búið að taka ákvörðun um að áfrýja málinu til Landsréttar.

Ekki náðist í Margeir né lögmann hans við vinnslu fréttarinnar.