Íslenski boltinn

„Fannst Víkingarnir ekki eiga skilið neitt út úr þessum leik“

Arnar Skúli Atlason skrifar
Davíð Smári fylgist íbygginn með af hliðarlínunni.
Davíð Smári fylgist íbygginn með af hliðarlínunni. Vísir/Anton

Davíð Smári Lamude, þjálfari Vestra, var allt annað en sáttur eftir 0-1 tap sinna manna gegn toppliði Víkings í uppgjöri toppliða Bestu deildar karla í fótbolta. Davíð Smári var þó sáttur með hvernig lið sitt spilaði og hvernig það þvingaði Víking í að gera breytingar.

„Við sköpuðum okkur einhver hálffæri svo sem bara eitthvað svipað og þeir enginn einhver alvöru færi. Þeir eru hættulegir í föstum leikatriðum en við erum það líka.“

„Hvorugt liðið náði að nýta sér það. Mér fannst fyrstu 30 mínúturnar eitt lið á vellinum og fram að vítinu og undir lokin þvingum við Víkingum í fimm manna varnarlínu. Mér finnst það segja ýmislegt um okkar lið og hvar við erum staddir.“

„Ég er ofboðslega stoltur af liðinu og strákunum sem komu inn á. Ég meina ef við spilum svona í þeim leikjum sem eftir eru þá verðum við áfram þar sem við erum búnir að vera framan af móti. “

Fótbolti Íslenski boltinn Besta deild karla Vestri

Mest lesið


Fleiri fréttir

Sjá meira


×

Mest lesið