Lífið

Race Across the World-keppandi látinn eftir bíl­veltu

Atli Ísleifsson skrifar
Sam Gardiner með móður sinni Jo þegar þau kepptu í annarri þáttaröð Race Across the World árið 2020.
Sam Gardiner með móður sinni Jo þegar þau kepptu í annarri þáttaröð Race Across the World árið 2020.

Bretinn Sam Gardiner, sem þekktur er fyrir að hafa verið meðal keppanda í raunveruleikaþáttunum Race Across the World, er látinn eftir bílveltu á hraðbraut nærri Manchester í Englandi. Hann varð 24 ára gamall.

Í frétt BBC segir að slysið hafi orðið á A34-hraðbrautinni síðastliðinn mánudag en að hann hafi látist af sárum sínum á sjúkrahúsi á fimmtudaginn. Hann var einn í bílnum.

Gardiner starfaði sem garðyrkjumaður og keppti ásamt móður sinni Jo í annarri þáttaröð BBC-þáttanna Race Across the World sem sýndir hafa verið á Stöð 2.

Í annarri þáttaröðinni kepptust liðin um að komast fyrst frá Mexíkóborg í Mexíkó til borgarinnar Ushuaia syðst í Argentínu. Mæðginin náðu þó ekki að klára síðasta legg keppninnar þar sem peningarnir þeirra voru þá uppurnir.

Í viðtölum eftir keppnina lýsti Sam þó lífsreynslunni sem einstakri og að hún gert hann á allan hátt ævintýragjarnari.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.