Sport

„Á köflum kaffærðum við þá al­veg“

Ágúst Orri Arnarson skrifar
Tobias Thomsen fór á kostum í stórleiknum í kvöld.
Tobias Thomsen fór á kostum í stórleiknum í kvöld. Breiðablik

„Ég er svo stoltur af liðinu. Í hreinskilni sagt þá hafa síðustu tveir leikir verið erfiðir. Þetta var okkar svar. Þetta er það sem þetta félag snýst um,“ sagði sigurreifur Tobias Thomsen sem skoraði tvennu í 3-1 sigri Breiðabliks á Víkingi í stórleik Bestu deildarinnar í kvöld.

Breiðablik komst í 3-0 í leiknum og það var ekki fyrr en undir lok leiks sem Víkingar náðu að klóra í bakkann með marki. 

Hinn danski Tobias segir plan Blika hafa gengið upp:

„Við töluðum um að við þyrftum að vera agressívir, vera aðeins beinskeyttari. Við urðum að breyta því hvernig við viljum spila fótbolta venjulega. Það gekk upp. Á köflum kaffærðum við þá alveg.

Vanalega viljum við spila boltanum með jörðinni en núna urðum við að vera beinskeyttari í að koma boltanum fram á mig. Mér finnst ég hafa margt að gefa liðinu þannig. Planið gekk upp. Við skoruðum þrjú ótrúleg mörk og héldum þeim í burtu, fyrir utan í lokin þegar við gáfum þeim í raun mark,“ sagði Tobias glaðbeittur á meðan að stuðningsmenn Blika sungu sigursöngva á bakvið hann.

„Eins og ég hef áður sagt þá finnst mér þetta ótrúlegt félag. Ég er viss um að við munum eiga gott tímabil. Síðustu tvo leiki þjáðumst við svolítið en ég held að það muni svo gera okkur sterkari,“ sagði Tobias.

Besta deild karla Breiðablik Víkingur Reykjavík

Mest lesið


Fleiri fréttir

Sjá meira


×

Mest lesið