Sport

Sjáðu klaufalegu mörkin sem Fram gaf frá sér

Ágúst Orri Arnarson skrifar
Kennie Chopart tapaði boltanum á slæmum stað í fyrra markinu.
Kennie Chopart tapaði boltanum á slæmum stað í fyrra markinu. vísir / guðmundur

Fram heimsótti Hlíðarenda í gærkvöldi og gaf tvö afar klaufaleg mörk frá sér sem leiddu til 2-1 taps. Vuk Oskar Dimitrijevic skoraði glæsilegt mark fyrir Fram.

Fram lenti undir snemma í seinni hálfleik þegar Kennie Chopart missti boltann á mjög slæmum stað. Bjarni Mark vann boltann og stakk honum strax inn fyrir á Patrick Pedersen sem kláraði færið af öryggi og er nú sjö mörkum frá því að slá markamet efstu deildar.

Vuk Oskar Dimitrijevic jafnaði fyrir Fram á 64. mínútu með glæsiskoti sem sveif yfir Fredrik Schram í marki Vals.

Leikurinn hélst þó ekki jafn nema í nokkrar mínútur þegar Fram fékk á sig annað klaufalegt mark. Fredrik Schram spyrnti boltanum úr vítateignum og Óliver Elís Hlynsson, sem var að spila sinn fyrsta leik í efstu deild, misreiknaði flugið og fékk hann yfir sig. Tryggvi Hrafn Haraldsson kom boltanum yfir línuna.

Klippa: Valur - Fram 2-1

Mörkin má sjá í spilaranum hér fyrir ofan. Næsta umferð Bestu deildarinnar hefst þann 14. júní, eftir landsleikjahlé.




Fleiri fréttir

Sjá meira


×