Sport

Khelif beðin af­sökunar á kynjaprófstilkynningunni

Ágúst Orri Arnarson skrifar
Imane Khelif varð fyrir miklu aðkasti og var sökuð um að vera karlmaður á Ólympíuleikunum í París.
Imane Khelif varð fyrir miklu aðkasti og var sökuð um að vera karlmaður á Ólympíuleikunum í París. RvS.Media/Robert Hradil/Getty Images

Alþjóðahnefaleikasambandið World Boxing hefur beðist afsökunar á því að hafa nefnt Imane Khelif sérstaklega í tilkynningu um að keppendur yrðu skyldugir í kynjapróf. Friðhelgi einkalífs hennar hefði átt að virða.

World Boxing er tekið við taumunum í hnefaleikaheiminum og hefur yfirumsjón með alþjóðlegum hnefaleikakeppnum fram yfir Ólympíuleikana 2028. Í síðustu viku var tilkynnti sambandið að allir keppendur í mótum á vegum World Boxing yrðu skyldugir til að taka kynjapróf, svokallað PCR próf.

Í tilkynningunni var tekið sérstaklega fram að alsírska hnefaleikasambandinu hafi borist bréf um að Imane Khelif mætti ekki taka keppa í kvennaflokki fyrr en hún tæki kynjapróf.

Reuters greinir nú frá því að Boris van der Vorst, forseti World Boxing, hafi persónulega skrifað alsírska sambandinu bréf þar sem beðist var afsökunar á því að hafa nefnt Khelif í tilkynningunni. Friðhelgi einkalífs hennar hefði átt að virða. Alsírska sambandið hefur ekki tjáð sig opinberlega um málið.

Khelif kýldi svo fast að Carini hélt hún væri karlmaður.Fabio Bozzani/Anadolu via Getty Images

Khelif vann gullverðlaun og varð fyrir miklu aðkasti á síðasta ári á Ólympíuleikunum í París eftir að keppinautur hennar, hin ítalska Angela Carini, fór grátandi út úr hringnum og sakaði hana um að vera karlmaður.




Fleiri fréttir

Sjá meira


×