Fótbolti

Klessti á Ronaldo í hjóla­stólnum sínum

Óskar Ófeigur Jónsson skrifar
Cristiano Ronaldo er enn á fullu með portúgalska landsliðinu og er sagður hafa sett stefnuna á það að vera með á HM næsta sumar.
Cristiano Ronaldo er enn á fullu með portúgalska landsliðinu og er sagður hafa sett stefnuna á það að vera með á HM næsta sumar. Getty/Peter Lous

Fæturnir á Cristiano Ronaldo eru afar verðmætir eins og sést ekki síst á síðustu samningum hans. Hér eftir gæti hann þurft að mæta með legghlífar þegar hann hitti aðdáendur sína.

Ronaldo er staddur með portúgalska landsliðinu þar sem liðið spilaði í kvöld í undanúrslitum Þjóðadeildarinnar.

Hann gaf sér þó tíma til að hitta fatlaðan aðdáanda sinn í aðdraganda leiksins. Fundur þeirra fór fyrir framan hótel portúgalska landsliðsins í München.

Þetta var stór stund fyrir aðdáandann sem var í hjólastól. Svo mikill var æsingurinn hjá honum að hann klessti óvart á Ronaldo.

Ronaldo fann vel fyrir þessu en Portúgalinn tók þessu slysi vel eins og sjá má í myndbandinu með því að fletta hér fyrir neðan.

Einhverjir hefðu auðvitað snöggreiðst enda gat Ronaldo auðveldlega meitt sig illa. Hann slapp þó við meiðsli og það fór síðan vel á með honum og aðdáandanum. 

Þjóðadeild karla í fótbolta Portúgalski boltinn

Mest lesið


Fleiri fréttir

Sjá meira


×

Mest lesið