Sport

Tví­bura­systir vonarstjörnu lést

Óskar Ófeigur Jónsson skrifar
Kierston Russell og tvíburabróðir hennar Keelon Russell. Hún er látin aðeins átján ára gömul.
Kierston Russell og tvíburabróðir hennar Keelon Russell. Hún er látin aðeins átján ára gömul. @kierstonrussell22_/@_pres1dentkee

Kierston Russell, tvíburasystir vonarstjörnu í ameríska fótboltanum, er látin. Lögreglan grunar þó ekkert glæpsamlegt í tengslum við dauða hennar.

Tvíburabróðir hennar er Keelon Russell og þar er á ferð svokölluð fimm stjörnu vonarstjarna í sinni íþrótt sem er amerískur fótbolti.

Lögreglan fékk leyfi frá fjölskyldunni til að staðfesta örlög systur hans en gat ekki gefið frekari upplýsingar um hvað gerðist. ESPN segir frá.

Keelon Russell endurbirti sjálfur skilaboð á samfélagsmiðlum með fjórum tjámyndum af höndum að búa til hjarta. Í skilaboðunum stóð: „Sendi ykkur mínar dýpstu samúðarkveðjur. Að missa tvíburasystur og dóttur er sársauki sem enginn getur búið sig undir“.

Kierston og Keelon Russel voru nýútskrifuð úr gagnfræðisskóla í Duncanville í Texas fylki. Þau fæddust 24. apríl 2007 og voru því nýorðin átján ára.

Hann hafði samið um að spila fyrir Alabama háskólann eftir að hafa valið úr tilboðum. Systir hans ætlaði líka í Alabama skólann.

Sérfræðingar ESPN settu Keelon i annað sætið yfir bestu leikmennina í sínum árangri, það er af þeim leikmönnum sem verða á fyrsta ári í háskólaboltanum í ár.




Fleiri fréttir

Sjá meira


×