Fótbolti

Kvöddu Vinnie sína, aka Karó­línu Leu, með krúttlegu mynd­bandi

Óskar Ófeigur Jónsson skrifar
Íslenska landsliðskonan Karólína Lea Vilhjálmsdóttir stóð sig vel hjá Bayer Leverkusen og var líka vinsæl hjá samfélgasmiðla fólkinu. 
Íslenska landsliðskonan Karólína Lea Vilhjálmsdóttir stóð sig vel hjá Bayer Leverkusen og var líka vinsæl hjá samfélgasmiðla fólkinu.  Getty/Fabio Deinert

Íslenska landsliðskonan Karólína Lea Vilhjálmsdóttir átti tvö flott tímabil hjá Bayer Leverkusen en hefur nú spilað sinn síðasta leik fyrir félagið.

Karólína Lea kom til félagsins á láni frá Bayern München, en hefur nú ákveðið að segja þetta gott.

Karólínu Lea hefur verið mjög vinsæl hjá félaginu. Inn á vellinum hefur nú skorað mörg frábær mörk, sýnt glæsileg tilþrif og lagt upp fjölda marka.

Hún hefur einnig slegið í gegn á samfélagsmiðlum enda einstaklega opin, létt og skemmtileg fyrir framan myndavélarnar. Hún er líka oftast til í hvaða glens og grín sem er.

Leverkusen vildi kveðja sína konu og tók saman krúttlegt myndband þar sem má sjá blöndu af bæði stórkostlegum mörkum sem og fyndnum atvikum með henni utan vallar.

Myndbandið má sjá hér fyrir neðan. Þeir kalla hana þó ekki Karólínu Leu heldur Vinnie og myndbandið heitir „Best of Vinnie“ eða það besta frá tíma Vinnie hjá Leverkusen.

„Draumamörk, góður húmor, danstaktar og mikið gaman. Hápunktarnir frá þessum tveimur árum með Karólínu Lea,“ segir í texta við myndbandið sem er hér fyrir neðan.




Fleiri fréttir

Sjá meira


×