Þetta kemur fram í dagbók lögreglunnar á höfuðborgarsvæðinu. Þar kemur einnig fram að annar einstaklingur var handtekinn í miðborg Reykjavíkur grunaður um líkamsárás, vopnalagabrot og vörslu fíkniefna.
Í umdæmi lögreglustöðvar fjögur, sem sinnir verkefnum í Árbæ, Grafarholti, Grafarvogi, Norðlingaholti, Mosfellsbæ, Kjósarhreppi og á Kjalarnesi, barst tilkynning um ökumann sem keyrði á móti umferð og á umferðarskilti. Er lögregla bað hann að stöðva ökutækið reyndi hann að flýja og var eltur. Lögreglan handsamaði einstaklinginn sem var fluttur á lögreglustöð.
Lögreglan sem starfar í Kópavogi og Breiðholti stöðvaði tvo sextán ára unglinga er þeir keyrðu bifreiðar. Eðli málsins samkvæmt hafa þeir ekki öðlast ökuréttindi.
