Allt að á­tján stiga hiti fyrir vestan

Samkvæmt textaspá veðurstofunnar má búast við dálítilli súld norðaustan- og austanlands í dag og þokulofti við ströndina. Annars verður skýjað með köflum og stöku skúrir síðdegis í uppsveitum á Suðvesturlandi, en lengst af bjartviðri norðvestantil.

„Í nótt hefur rignt aðeins á austanverðu landinu og það eimir eftir af þeirri vætu í dag, en úrkomumagnið verður þó óverulegt,“ segir í hugleiðingum veðurfræðings. 

Á morgun verður síðan skýjað að mestu og sums staðar lítilsháttar væta, en líkur á skúrum inn til landsins síðdegis. Vindur verður fremur hægur áfram, varla meira en 3-8 m/s, og hiti 7 til 15 stig. 

Veðurhorfur á landinu næstu daga

Á þriðjudag (lýðveldisdagurinn):

Vestlæg eða breytileg átt, 3-10 m/s. Víða dálítil rigning eða súld með köflum, en skúrir austanlands, einkum síðdegis. Hiti 7 til 15 stig.

Á miðvikudag og fimmtudag:

Fremur hæg vestlæg eða breytileg átt og skúrir. Hiti breytist lítið.

Á föstudag:

Snýst í norðlæga átt með rigningu, einkum um landið norðanvert. Hiti 7 til 17 stig, hlýjast austanlands.

Á laugardag (sumarsólstöður):

Vestlæg átt og rigning, en að mestu þurrt sunnan- og austanlands. Hiti 7 til 16 stig, hlýjast suðaustantil.